મુંબઇ: બોલીવુડ સિંગર ઉદિત નારાયણનો પુત્ર આદિત્ય નારાયણનો એક વીડિયો સોશિયલ મીડિયા પર વાયરલ થઇ રહ્યો છે. વીડિયોમાં આદિત્ય નારાયણ એરલાયન્સ ઓફિસરની સાથે ગેરવર્તણૂંક કરતાં જોવા મળી રહ્યો છે.
મળતી માહિતી અનુસાર નક્કી કરેલા વજનથી વધારે વજન લઇ જવાના કારણે રાયપુર એરપોર્ટ પર એક અધિકારીએ આદિત્ય નારાયણને રોકી લીધો. એને વધારાના સામાન માટે રૂપિયા ભરવાનું કહ્યું. એના માટે આદિત્ય ગુસ્સે થઇ ગયો અને એરલાયન્સ ઓફિસરને ધમકી આપી દીધી.
વીડિયોમાં આદિત્ય કહેતો જોવા મળે છે કે 'અહીંયા 10 લોકો છે અને બધા જોઇ રહ્યા છે. પહેલા તે કીધું કે ગાળો ના બોલશો અને ત્યારબાદ જ મે ગાળો બોલી છે. તમે કહ્યું કે મને ગાળો બોલવાનો હક નથી. હું એ બોલીશ જે મારે બોલવું હશે.' આદિત્યએ આગળ કહ્યું કે 'તું મને જવા નહીં દે તો હું તને મુંબઇમાં જોઇ લઇશે કારણ કે ક્યારેક તો હું મુંબઇ પહોંચીશ જ. પછી જોઇ લઇશું. તારી ચડ્ડી ના ઉતારું તો મારું નામ આદિત્ય નારાયણ નહીં. '
તમને જણાવી દઇએ કે એકસ્ટ્રા લગેજ માટે એરલાયન્સના સ્ટાફે 13000 રૂપિયા વધારે આપવા કહ્યું જેનાથી આદિત્ય નારાયણે આપવા માટેની ના પાડી દીધી અને ગાળો બોલવા લાગ્યો. એને મહિલા સ્ટાફને કહ્યું કે એ 10 000થી એક પૈસા વધારે નહીં આપું.
એની ગેરવર્તણૂકના કારણે એરલાયન્સ સ્ટાફે એને કહ્યું કે માફી નહીં માંગો તો યાત્રા કરવા દઇશું નહીં બાદમાં આદિત્ય નારાયણે માફી માંગી તો એને યાત્રા કરવાની પરવાનગી આપી.