નવી દિલ્હી : વડાપ્રધાન નરેન્દ્ર મોદી સાગર પરિક્રમા કરવા માટે નિકળેલી 6 મહિલા અધિકારીઓને દિવાળીની શુભકામનાઓ પાઠવી હતી. મોદીએ વીડિયો કોન્ફરન્સિંગ દ્વારા આ અધિકારીઓને શુભકામનાઓ પાઠવી હતી. વડાપ્રધાને કહ્યું કે દેશ તરફથી તમને દિવાળીની શુભકામનાઓ. વિશ્વની સાગર પરિક્રમા કરવાનું તમારૂ મિશન સફળ થાય. નોંધનીય છે કે INSV તારિણી શિપ પર બેસીને મહિલા ક્રૂ વિશ્વનાં ઘણા સાગરોને પાર કરતા 6 મહિના બાદ ભારત પરત ફેસ તે વિશ્વનું પહેલું શિપ હશે જેનો તમામ ક્રુ સ્ટાફ મહિલાઓ છે.
10 સપ્ટેમ્બરે નેવીની 6 મહિલા અધિકારીઓની ટીમ સાગર પરિક્રમા પર રવાના થઇ હતી. ડિફેન્સ મિનિસ્ટર નિર્મલા સિતારમણે પણજીમાં ટીમને લીલી ઝંડી દેખાડી હતી. આ પ્રસંગે નરેન્દ્ર મોદીએ મહિલા અધિકારીઓ સાથેની પોતાની તસ્વીર ટ્વિટ કરીને ખુબ જ ખાસ દિવસ ગણાવીને શુભકામનાઓ પાઠવી હતી.
સાગર પરિક્રમા અભિયાનની શરૂઆત અંગે વડાપ્રધાને લખ્યું કે આજનો દિવસ ખુબ જ ખાસ છે. નેવીની 6 મહિલા અધિકારીઓ આઇએનએસવી તારિણી સાથે વિશ્વની પરિક્રમા માટે નિકળી છે. દેશવાસીઓ નરેન્દ્ર મોદી એપ દ્વારા નાવિકા સાગર પરિક્રમા ટીમને શુભેચ્છાઓ આપીને તેમનું મનોબળ વધારી શકે છે. આ યાદગાર મુસાફરી માટે સમગ્ર દેશ સાહસિક મહિલાઓ સાથે છે.