વોશિંગ્ટન: ઉત્તર કોરિયાના તાનાશાહ કિમ જોંગ ઉન અને અમેરિકી રાષ્ટ્રપતિ ડોનાલ્ડ ટ્રમ્પ વચ્ચે વાર પલટવાર બાદ હવે એકબીજાને ધમકી આપવાનું શરૂ થયું છે.
કિમ જોંગના ન્યૂક્લિયરનું બટન ટેબલ પર હોવાના નિવેદનનો ડોનાલ્ડ ટ્રંપે જવાબ આપ્યો છે. ટ્રંપે ટ્વીટ કરીને તાનાશાહને જવાબ આપ્યો છે. ટ્રંપે એક પગલું આગળ વધીને કહ્યું છે કે તેમની પાસે વધારે મોટું ન્યૂક્લિયર બટન છે.
ડોનાલ્ડ ટ્રંપે ટ્વીટ કરીને કહ્યું છે કે નોર્થ કોરિયાના નેતાને તેના દુષ્કાળથી પ્રભાવિત દેશમાં કોઇ જણાવે કે મારી પાસે પણ ન્યૂક્લિયર બટન છે. ટ્રંપે ટ્વીટમાં લખ્યું છે કે કોઇ કિમ જોંગ ઉનને જણાવે કે મારી પાસે પણ ન્યૂક્લિયર બટન છે. જે તેના બટનથી બહુ મોટો અને તાકતવર છે. મારૂ બટન કામ કરે છે.
નોંધનીય છે કે આ પહેલા પણ કિમ જોંગ ઉને પોતાના ભાષણમાં એવી જાહેરાત કરી હતી કે એમની નવી ઇન્ટર કોન્ટિનેન્ટલ બેલેસ્ટિક મિસાઇલની જડમાં આખું અમેરિકા છે. કિમએ એવું પણ કહ્યું હતું કે અમે અમેરિકાના દરેક હિસ્સા પર પરમાણુ બોમ્બથી હુમલો કરવાની ક્ષમતા વિક્સિત કરી લીધી છે. એવામાં જો ધમકી આપવાનો પ્રયત્ન ચાલુ રહ્યો તો ઉત્તર કોરિયા પરમાણુ હુમલા કરતાં અટકાશે નહીં.