VIDEO:શાળામાં સુવિધાના અભાવને લીધે વાલીઓમાં રોષ કલેક્ટર કચેરીનો કર્યો ઘેરાવ

બનાસકાંઠાના ભાદરા ગામની પ્રાથમિક શાળાના બાળકો અને વાલીઓ ધરણા પર ઉતર્યા છે.મળતી માહિતી પ્રમાણે છેલ્લા ત્રણ વર્ષથી  ભાદર ગામની પ્રાથમિક શાળામાં ઓરડા બન્યા નથી.જેના કારણે બાળકોએ ખુલ્લા આકાશ નીચે બેસીને ભણવું પડી રહ્યું છે.

આ રીતે છેલ્લા ત્રણ વર્ષથી ઠંડી ગરમી અને વરસાદી વાતાવરણમાં ખુલ્લામાં બળકો ભણી રહ્યા છે.તેમ છતાં તંત્રના પેટમાં પાણી પણ  નથી હલી રહ્યું.

ત્યારે રોષે ભરાયેલા વાલીઓ અને વિદ્યાર્થીઓએ કલેકટર કચેરીનો ઘેરાવ કર્યો હતો.અને સ્કૂલમાં ઓરડા વહેલી તકે બનાવવામાં આવે તેવી માગ કરવામાં આવી રહી છે.

જોકે અહીં સવાલ એ પણ થઈ રહ્યો છે કે રાજ્યની સરકાર શિક્ષણ પાછળ કરોડો રૂપિયા પાણીની જેમ વહાવે છે તો પછી ત્રણ વર્ષ વિતી ગયા તેમ છતાં કેમ શાળામાં વર્ગખંડ બન્યા નથી.બાળકોએ કેમ ખુલ્લામાં બેસી ભણવું પડી રહ્યું છે.શું આવી રીતે આગળ વધશે ગુજરાત...? શું આવી રીતે ભણશે ગુજરાત...?