Us Election / ડોનાલ્ડ ટ્રમ્પની વધુ એક ધમાકેદાર જીત: નિક્કી હેલીને તેમના જ ગૃહરાજ્યમાં આપી મ્હાત

Us President Election: ડોનાલ્ડ ટ્રમ્પે શનિવારે સાઉથ કેરોલિના રિપબ્લિકન પ્રાઇમરીમાં મોટી જીત મેળવી છે. ટ્રમ્પે તેમના ગૃહ રાજ્યમાં હરીફ નિક્કી હેલીને હરાવ્યા હતા. આ જીત સાથે, તે લગભગ નિશ્ચિત છે કે તે 2024 ની રાષ્ટ્રપતિની ચૂંટણીમાં રિપબ્લિકન પાર્ટી તરફથી રાષ્ટ્રપતિ પદના ઉમેદવાર બનશે. 

BREAKING: Donald Trump beats Nikki Haley in her home state of South Carolina, Fox News projects pic.twitter.com/FwwOr068bB

— Simon Ateba (@simonateba) February 25, 2024

ટ્રમ્પ વર્તમાન પ્રેસીડન્ટ જો બાયડન સામે રાષ્ટ્રપતિની ચૂંટણી લડવાની નજીક પહોંચી ગયા છે. જાણીતું છે કે અમેરિકામાં આ વર્ષના અંતમાં રાષ્ટ્રપતિની ચૂંટણી યોજાવાની છે. ચૂંટણીમાં રિપબ્લિકન પાર્ટીનું નોમિનેશન મેળવવું ટ્રમ્પ સામે નિક્કી હેલીને સૌથી મોટો પડકાર માનવામાં આવી રહ્યો હતો. ડોનાલ્ડ ટ્રમ્પની તેમની છેલ્લી હરીફ નિક્કી હેલી પર જીત સાથે, ઉમેદવારી માટે તેમનો આગળનો રસ્તો હવે સરળ બની ગયો છે.

I’m a woman of my word. I’m not giving up this fight when a majority of Americans disapprove of both Trump and Biden.

In the next 10 days, 21 states and territories will speak. They have the right to a real choice, not a Soviet-style election with only one candidate. And I have…

— Nikki Haley (@NikkiHaley) February 25, 2024

સાઉથ કેરોલિના પહેલા ડોનાલ્ડ ટ્રમ્પે આયોવા, ન્યૂ હેમ્પશાયર, નેવાડા અને યુએસ વર્જિન આઇલેન્ડની પ્રાઈમરી ચૂંટણીઓ પણ જીતી હતી. સાઉથ કેરોલિનામાં હાર સાથે, નિક્કી હેલી પર રાષ્ટ્રપતિ પદની દાવેદારી છોડી દેવાનું દબાણ વધ્યું છે, પરંતુ હેલી હજુ પણ મક્કમ છે અને સતત પરાજય છતાં પોતાની ઉમેદવારી અંગે આશાવાદી છે.

વધુ વાંચો: 'હું મલાલા નથી, મારા દેશ ભારતમાં સુરક્ષિત છું' UKની સંસદમાં કશ્મીરી એક્ટિવિસ્ટ યાના મીરે પાકને સંભળાવી દીધું

નિક્કી હેલી 2011 થી 2017 સુધી સાઉથ કેરોલિનાના ગવર્નર હતા. નિક્કી હેલીએ આ જીત બદલ ડોનાલ્ડ ટ્રમ્પને અભિનંદન પાઠવ્યા છે અને અભિયાન ચાલુ રાખવાની જાહેરાત કરી છે. બીજી તરફ આ જીત સાથે નવેમ્બરમાં યોજાનારી રાષ્ટ્રપતિની ચૂંટણીમાં ફરી એકવાર ડોનાલ્ડ ટ્રમ્પ અને જો બાયડન વચ્ચે જંગ જામશે તે લગભગ નિશ્ચિત છે.
 

VTV Gujarati Newsની તમામ અપડેટ સૌથી પહેલા મેળ​વ​વા માટે અમારી WhatsApp ચેનલ ફોલો કરો