જરા સંભાળીને.. / સવારમાં નાસ્તો ન કરવાના નુકસાન: સ્કૂલ-ઓફિસની ઉતાવળના કારણે થઈ શકે છે આ બીમારીઓ

• નાસ્તો ન કરવાથી થઈ શકે છે આ બીમારીઓ
• નાસ્તો સ્વાસ્થ્ય માટે ખૂબ જ મહત્વપૂર્ણ મનાય છે
• નાસ્તો છોડવાથી પણ આડઅસરો થાય છે 

સવારે ઉઠ્યા પછી લોકો પોતાના કામ પર જવાની ઉતાવળમાં હોય છે, જેના કારણે ઘણી વખત નાસ્તો ચુકી જાય છે. આવી સ્થિતિમાં લોકો નાસ્તો અને લંચ એકસાથે કરે છે જેને બ્રંચ કહેવામાં આવે છે. જો તમે પણ નાસ્તો ન કરવાની ભૂલ કરો છો તો સમયસર સાવચેત રહો, કારણ કે આમ કરવું રોગોને આમંત્રણ આપવા સમાન છે. જણાવી દઈએ કે રોજ નાસ્તો ન કરવાથી બીમારીઓ થવાનો ડર વધી જાય છે. 

નાસ્તો ન કરવાના શું નુકસાન થાય છે ?

ડાયાબિટીસનું જોખમ

નાસ્તો ન કરવાથી શરીરમાં બ્લડ શુગર લેવલ કંટ્રોલમાં રહેતું નથી. જેના કારણે ડાયાબિટીસનો ખતરો વધી જાય છે. જે લોકોને તેમના પરિવારમાં ડાયાબિટીસ છે, તેમણે તેમના નાસ્તાનું ખાસ ધ્યાન રાખવું જોઈએ.

હાઈ બ્લડ પ્રેશર

NCBIના રિપોર્ટ અનુસાર નાસ્તો છોડવાથી હાઈ બ્લડ પ્રેશરનું જોખમ વધી જાય છે. ઘણા સંશોધનમાં સામે આવ્યું છે કે જે લોકો નાસ્તો નથી કરતા તેઓ હાઈ બ્લડ પ્રેશરનો શિકાર બને છે.

સ્થૂળતા

સ્થૂળતા એક એવી સમસ્યા છે, જેના કારણે કરોડો લોકો પરેશાન છે. જીવનશૈલી અને ખોરાકની સીધી અસર આપણા શરીર પર પડે છે. સવારે નાસ્તો ન કરવાને કારણે તમે મેદસ્વી થઈ શકો છો.

નબળી રોગપ્રતિકારક શક્તિ

સવારે નાસ્તો ન કરવાને કારણે રોગપ્રતિકારક શક્તિ નબળી પડી શકે છે, જેના કારણે તમે સરળતાથી રોગોનો શિકાર બની શકો છો. આપણા શરીરની રોગપ્રતિકારક શક્તિ આપણને અનેક પ્રકારના ચેપ અને રોગોથી બચાવે છે.

વજન વધારો

નાસ્તો ન કરવાથી તમારું વજન વધી શકે છે. જ્યારે આપણે લાંબા સમય સુધી ભૂખ્યા રહીએ છીએ, ત્યારે વધુ ખોરાક ખાઈએ છીએ. જેના કારણે વજન વધે છે અને બીમારીઓનો ખતરો પણ અનેકગણો વધી જાય છે.

(આ લેખ સામાન્ય માહિતી માટે છે, કોઈપણ ઉપાય અપનાવતા પહેલા ડૉક્ટરની સલાહ લેવી જરૂરી છે)