- રિંકૂ સિંહનું ટીમ ઈન્ડિયામાં સિલેક્શન
- કહ્યું સપનાં જેવું લાગી રહ્યું છે
- IPLનાં શાનદાર પર્ફોર્મન્સ બાદ મળ્યો ચાન્સ
કોલકત્તા નાઈટ રાઈડર્સ માટે રમતાં રિંકૂ સિંહે IPL 2023માં શાનદાર પર્ફોર્મન્સ આપ્યું હતું. આ મેચનાં લીધે તેમનું ભારત માટે રમવાનું સપનું સાકાર થતું દેખાઈ રહ્યું છે. રિંકૂને થોડા દિવસો પહેલા એશિયન ગેમ્સ માટે ટીમ ઈન્ડિયામાં લેવામાં આવ્યું. સોમવારે જ્યારે આયરલેંડની મેચ માટે ટીમનું એલાન થયું ત્યારે તેમાં રિંકૂનું પણ નામ હતું. આ બાદ રિંકૂએ કહ્યું કે તેમના માટે આ સપનું સાચું થવા જેવી મોટી વાત છે.
'સપનાં જેવું લાગી રહ્યું છે'
ટીમમાં સિલેક્ટ થયાં બાદ રિંકૂએ પોતાની અત્યાર સુધીની જર્ની યાદ કરી અને મીડિયા સાથેની વાતચીત દરમિયાન કહ્યું કે આ તેમના માટે સપનાં જેવું જ છે. ભાવુક થતાં રિંકૂએ કહ્યું કે તે અત્યારે જે અનુભવી રહ્યાં છે તે શબ્દોમાં ઢાળવું અઘરું છે. રિંકૂએ કહ્યું કે તે ભાવુક માણસ છે અને જ્યારે પણ પોતાના માતા-પિતા સાથે વાત કરવા લાગે છે ત્યારે રડવા લાગે છે.
મહેનત રંગ લાવી
રિંકૂએ કહ્યું કે તેમણે અત્યાર સુધી જે મહેનત કરી છે તે આખરે રંગ લાવી છે. તે 6 વર્ષ કોલકત્તા નાઈટ રાઈડર્સની સાથે હતાં. તેમણે કહ્યું કે શરૂઆતમાં તેમને ચાન્સ મળ્યાં પરંતુ તે ફેલ ગયાં. તેમણે શરૂઆતી દિવસોમાં ઘણું બદું શીખ્યું અને મુંબઈમાં અભિષેક નાયરની સાથએ પોતાની બેટિંગ પર કામ કર્યું.
ફ્રેંચાઈઝીનો માન્યો આભાર
તેમણે પોતાની સફળતા માટે ફ્રેંચાઈઝીનો આભાર માનતાં કહ્યું કે જો કોઈ અન્ય ફ્રેંચાઈઝી હોત તો ફેલ થયાં બાદ રિપ્લેસ કરી દેત પરંતુ કોલકત્તાની ટીમ મેનેજમેન્ટ અને અભિષેક નાયરે મારામાં આવડત જોઈ અને સાથ આપ્યો. તેમણે કહ્યું કે તે નેટ્સ પર દરરોજ 5-6 કલાક બેટિંગ કરતાં હતાં જેના કારણે તે ઓલરાઉંડ બેટ્સમેન બની ગયાં અને IPLમાં સારું પ્રદર્શન આપ્યું.
