ચોંકાવનારો કિસ્સો / પત્નીને ફરવા લઈ ગયો સાપુતારા, હોટલમાં પૂરીને ભાગ્યો સુરતનો પતિ, કારણ જાણીને ચકરાઈ જશો

• સુરતનું કપલું સાપુતારા ફરવા ગયું
• પતિએ પત્નીને હોટલમાં મૂકીને ભાગી ગયો
• લગ્નજીવનના ઝગડાથી કંટાળ્યો હતો પતિ 

લગ્નજીવનમાં પતિ-પત્ની વચ્ચેના ઝગડા સામાન્ય છે પરંતુ સુરતના એક પતિએ તો પત્ની સાથે ઝગડાનું વેર લેવા માટે તેને બર્થડે સેલિબ્રેશનના બહાને ફરવા લઈ ગયો અને ત્યાં હોટલમાં એકલી મૂકીને ફરાર થઈ ગયો. ચોંકાવનારી વાત એ છે કે બરાબરની ફસાવવા પતિ પત્નીનો  મોબાઈલ અને બીજા જરુરી કાગળિયા પણ સાથ લેતો ગયો હતો. 

પત્નીને પાઠ ભણાવવા મળ્યો લાગ
સુરતના રાંદેર વિસ્તારમાં રહેતા એક કપલને બધાની જેમ નાની નાની વાતોએ ઝગડા થતાં હતા. આથી પતિ મહોદય ખૂબ કંટાળ્યાં હતા અને પત્નીને કંઈક એવો પાઠ ભણાવવા માગતા હતા કે તે જિંદગીભરની ખો ભૂલી જાય અને એક દિવસ તેને તેનો આ પ્લાન અમલમાં મૂકવાનો લાગ મળી ગયો. 

પત્નીને હોટલમાં પૂરીને ફરાર થઈ ગયો 
પતિ પત્નીના બર્થડે સેલિબ્રેશન પર તેને સાપુતરા ફરવા લઈ જવાનો પ્લાન બનાવ્યો હતો અને અહીં તેને વેર લેવાનો મોકો મળી ગયો. એક દિવસ પતિ તેને લઈને સાપુતારા આવ્યો અને હોટલમાં પત્નીને પૂરીને તેનો મોબાઈલ અને કાગળિયા લઈ જઈને ફરાર થઈ ગયો હતો. પત્ની બરાબરની ફસાય તે માટેની એક તક પણ તેણે છોડી નહોતી. થોડી વાર બાદ ઘટનાની ખબર પડતાં પત્નીએ ચીસાચીસ કરી હતી અને ઈન્ટરકોમ દ્વારા હોટલના રિસેપ્શન કાઉન્ટર પર વાત કરી હતી અને ત્યારે સ્ટાફવાળાએ આવીને તેને છોડાવી હતી. 

સંબંધીઓએ ઓનલાઈન પેમેન્ટ કર્યું, જેમતેમ કરીને ઘેર આવી 
મહિલા સંબંધીઓ દ્વારા ઓનલાઈન પેમેન્ટ કરીને જેમતેમ કરીને સુરત પહોંચી હતી અને સીધી રાંદેર પોલીસ સ્ટેશન પહોંચી હતી અને પતિ તથા સસરાં વિરૃદ્ધ ફરિયાદ નોંધાવી હતી. પત્નીની ફરિયાદ બાદ પોલીસે પતિ અને સસરાની ધરપકડ કરીને જેલભેગા કર્યાં હતા.