રિસર્ચ / સાવધાન! પાણી વિના પણ ડેન્ગ્યુના મચ્છર રહી શકે છે જીવિત, IITના વૈજ્ઞાનિકોના સંશોધનમાં થયો ચોંકાવનારો ખુલાસો

• પાણી વગર પણ જીવી શકે છે ડેન્ગ્યુના મચ્છર 
• IITના વૈજ્ઞાનિકોના સંશોધનમાં થયો ખુલાસો
• ડેન્ગ્યૂ રોકવા માટે શું છે વૈજ્ઞાનિકોનું તર્ક? 

એક રિસર્ચમાં આઈઆઈટીના વૈજ્ઞાનિકોએ જાણ્યું કે ડેન્ગ્યુ અને ઝીકા વાયરસ ફેલાવતા મચ્છરોના ઈંડા પાણી વગર પણ પોતાને જીવિત રાખી શકે છે. એક રિપોર્ટમાં દાવો કરવામાં આવ્યો છે કે મચ્છરોના ઈંડા પાણીની કમી થવા પર એવી સ્થિતિમાં પ્રવેશ કરી જાય છે જે ભ્રૂણને પાણીની કમીથી થતા નુકસાનનો સામનો કરવાની ક્ષમતા આવે છે. આ ઉપરાંત તેમને ફરી પાણી મળી જાય તો તે તેમની સ્થિતિમાં પોતાનું ગ્રોથ સર્કલ પુરૂ કરવા માટે હાઈ કેલેરી લિપિડનો ઉપયોગ કરે છે.

ડેન્ગ્યુ રોકવા માટે શું છે વૈજ્ઞાનિકોનો તર્ક? 
વૈજ્ઞાનિકોએ કહ્યું, અમારા આ રિસર્ચથી જાણવા મળ્યું કે મચ્છરોના ઈંડામાં જ એક એવું તંત્ર હોય છે જે તેને પાણી વગર પણ જીવિત રાખી શકે છે અને મચ્છરોની આ નીતિ આપણને એક આધાર આપી શકે છે કે આપણે તેની સંખ્યા પર કાબુ મેળવી શકીએ છીએ. વૈજ્ઞાનિકોએ કહ્યું છે કે મચ્છરોની આબાદી અને તેનાથી ફેલાતા રોગ પર નિયંત્રણ કરી શકાય છે. 

આ રિસર્ચ પર કામ કરતા વૈજ્ઞાનિકો અનુસાર,  ધરતી પર કોઈ પણ જીવન પાણી પર નિર્ભર છે. પાણી ન મળવા પર પ્રકૃતિએ દરેક જીવને સંભવ સમય સુધી પોતાને જીવિત રાખવાની શક્તિ આપી છે. મચ્છરોના ઈંડામાં પણ આ શક્તિ છે. આ રિસર્ચ દ્વારા એવી ટેક્નીક વિકસિત કરવામાં આવી રહી છે જેનાથી દર વર્ષે ડેન્ગ્યુથી મરતા હજારો દર્દીઓના જીવ બચાવી શકાય.