ક્રિકેટ ફિવર ચરમસીમાએ છે, વિશ્વકપની ફાઈનલનો મહામુકાબલો છે. જીત માટે ટીમ ઈન્ડિયાએ જોઈએ એટલો મોટો લક્ષ્ય આપ્યો નથી કારણ કે સામે અતિ મજબૂત એવી ઓસ્ટ્રેલિયા છે. સૌ દેશવાસી ઈચ્છી રહ્યા છે કે ભારત ત્રીજી વખત વિશ્વ ચેમ્પિયન બને તો ઓસ્ટ્રેલિયા પણ પ્રયત્ન કરશે કે તેઓ છઠ્ઠી વખત વિશ્વ ચેમ્પિયનનો ખિતાબ પોતાના નામે કરે. જો કે એક વાતનો ઈન્કાર કોઈ સંજોગોમાં થઈ શકે એમ નથી કે સમગ્ર વિશ્વકપ દરમિયાન ટીમ ઈન્ડિયાએ દમદાર પર્ફોર્મન્સ આપ્યું છે. પછી તે બેટિંગ હોય બોલિંગ હોય કે પછી ફિલ્ડિંગ હોય. ફાઈનલ મુકાબલો છે અને જીત માટેના એક્સ ફેક્ટર ક્યા-ક્યા છે. આ વિશ્વકપની ફળશ્રુતિ ટીમ ઈન્ડિયા માટે શું નિકળે છે.
ઓસ્ટ્રેલિયાએ ટોસ જીતી બોલિંગ કરવાનો નિર્ણય લીધો
ક્રિકેટ વર્લ્ડ કપની ફાઇનલ મેચ આજે (19 નવેમ્બર) ભારત અને ઓસ્ટ્રેલિયા વચ્ચે રમાવાની છે. બંને ટીમો વચ્ચેની આ મેચ અમદાવાદના નરેન્દ્ર મોદી સ્ટેડિયમમાં છે. આ તરફ ઓસ્ટ્રેલિયાની ટીમે ટોસ જીતીને પહેલા બોલિંગ કરવાનો નિર્ણય લીધો છે. એટલે કે હવે ભારતીય ટીમ પ્રથમ બેટિંગ કરશે.
મેચ જોવા માટે રાજકારણીઓ, બિઝનેસમેન, બોલિવૂડ કલાકારો સ્ટેડિયમમાં જોવા મળ્યા
ભારત-ઓસ્ટ્રેલિયા મેચને લઈ લોકોમાં અનેરો ઉત્સાહ જોવા મળી રહ્યો છે. ત્યારે ભારત-ઓસ્ટ્રેલિયા મેચ જોવા માટે અનેક સેલિબ્રિટી તેમજ બિઝનેસમેન સહિત સચિન તેડુંલકર, અમિત શાહ તેમજ અનુરાગ ઠાકુર પણ સ્ટેડિયમ ખાતે પહોંચ્યા હતા.
ભારત વર્લ્ડ કપમાં જીત મેળવે તે માટે પૂજા વિધિ
અમદાવાદનાં નરેન્દ્ર મોદી સ્ટેડિયમ ખાતે વર્લ્ડ કપની ફાઈનલ મેચને લઈ લોકોમાં અનેરો ઉત્સાહ જોવા મળી રહ્યો છે. ત્યારે ભારત વર્લ્ડ કપની ફાઈનલ મેચને લઈ લોકોમાં અનેરો ઉત્સાહ જોવા મળી રહ્યો છે. વર્લ્ડ કપની મેચ ભારત જીતે તે માટે ધાર્મિક સ્થળો પર પૂજા વિધિ પણ કરવામાં આવી છે.
