વરતારો / હવામાન વિભાગની ભારે આગાહી : 15 અને 16 એપ્રિલે અમદાવાદમાં યલો એલર્ટ જાહેર આગામી પાંચ દિવસ રહેશે આવુ વાતાવરણ અહી પડશે વરસાદ

• આગામી 5 દિવસ સુધી સૂકું વાતાવરણ રહેશે
• આવતીકાલે સૌરાષ્ટ્ર અને કચ્છમાં કમોસમી વરસાદની આગાહી
• 15 અને 16 એપ્રિલે અમદાવાદમાં યલો એલર્ટ જાહેર

કમોસમી વરસાદની માથાકૂટે રાજ્યભરમાં જાણે મોકાણ માંડી છે. એક બાદ એક માવઠાની અસરની આગાહીઓ અંગે હવામાન વિભાગ દ્વારા આગાહી કરવામાં આવી રહી છે. આથી માવઠું કેડો ન છોડતું હોય તેવું લાગી રહ્યું છે. તેવામાં રાજ્યમાં ફરી કમોસમી વરસાદને લઈ હવામાન વિભાગ દ્વારા નવી આગાહી કરવામા આવી છે. બાદમાં આકાશમાંથી અગનગોળા વરશે તેવા આકરા તાપની પણ શકયતા વ્યક્ત કરાઈ છે. આગાહી મુજબ આગામી 5 દિવસ સુધી સૂકું વાતાવરણ રહે અને આવતીકાલે સૌરાષ્ટ્ર અને કચ્છમાં કમોસમી વરસાદ પડે તેવા સંજોગો જણાઈ રહ્યા છે.

આવતીકાલે સૌરાષ્ટ્ર અને કચ્છમાં કમોસમી વરસાદની આગાહી

ઉપરાંત સૌરાષ્ટ્રના અમરેલી, ભાવનગર તથા સુરત, નવસારી, વલસાડમાં વરસાદ પડી શકે છે. જેને લઈને આ વિસ્તારના ખેડૂતો પણ સતર્ક બન્યા છે. વધુમાં આવતીકાલે અમદાવાદમાં વાદળછાયું વાતાવરણ જોવા મળશે. બીજી તરફ ગરમીને લઈને પણ હવામાન વિભાગે વરતારો વ્યાકત કર્યો છે. જેમા આગાહી મુજબ 15 અને 16 એપ્રિલે અમદાવાદમાં યલો એલર્ટ જાહેર કરવામાં આવ્યું છે. જેની અસરને લઈને આજે અમદાવાદ, સુરેન્દ્રનગર અને રાજકોટમાં તાપમાનનો પર 41 ડિગ્રીને આંબી જતા લોકોને આકરો તાપ સહન કરવાનો વારો આવ્યો હતો.

છાશ, શેરડી રસ, બરફના ગોલાની માંગ વધી

અમદાવાદમાં કાળઝાળ ગરમીનું પ્રમાણ વધી રહ્યું છે. ત્યારે અમદાવાદીઓ ગરમીથી બચવા માટે ઠંડા પીણાનું સેવન કરી રહ્યા છે અમદાવાદમાં જ્યાં પણ રસ્તા પર નજર કરીએ ત્યાં છાશ, શેરડી રસ, બરફના ગોલા કે સોડાની લારીઓ પર લાઈનો જોવા મળી રહી છે. મહત્વનું છે કે જે રીતે ગરમીનું સતત પ્રમાણ વધી રહ્યું છે તે જોતા હજુ આવનારા દિવસોમાં ગરમીનું પ્રમાણ વધશે અને લોકએ વધુ ગરમી સહન કરવાનો વારો આવશે.