આતંક / રાજકોટમાં ઢોરની ઢીંકે ચડેલા નિવૃત્ત આર્મીમેનની હાલત ગંભીર, પરિવારજનોએ આક્ષેપ કર્યા કે...

• રાજકોટમાં રખડતા પશુનો ત્રાસ યથાવત
• રખડતા પશુએ નિવૃત્ત આર્મીમેનને લીધા અડફેટે
• પશુઓને જાહેરમાં મુકનારા સામે ગુનો દાખલ કરવા માંગ

ગુજરાત રાજ્યમાં રખડતા ઢોરનો પ્રશ્ન વિકટ બની ગયો છે. તેવામાં રાજકોટ શહેરમાં ફરી એક વખત રખડતા ઢોરનો ત્રાસ સામે આવ્યો છે. ભોમેશ્વર વિસ્તારમાં પશુની હડફેટે નિવૃત્ત આર્મીમેન ચડતા ગંભીર ઈજાઓ પહોંચાડી હતી. ઘટનાના 36 કલાક બાદ પણ નિવૃત્ત આર્મીમેનની હાલત ગંભીર હોવાનું જાણવા મળી રહ્યું છે. ત્યારે નિવૃત્ત આર્મીમેનના પરિવારજનોએ મનપા અને પોલીસને પશુઓને જાહેરમાં મુકનારા સામે ગુનો દાખલ કરવા માંગ કરી છે. 

રખડતા પશુથી મુક્તિ ક્યારે મળશે?

રાજ્યના મહાનગરોમાં રખડતાં ઢોરની અડફેટે ચડતા અનેક લોકોએ જીવ ગુમાવ્યા છે. લોકો દ્વારા તંત્રને અનેક વાર રજુઆત કરી છે પરંતુ રખડતાં ઢોર મુદ્દે કોઈ પણ પ્રકારની પસ્ટ કાર્યવાહી કરવામાં આવી નથી. રાજકોટના શહેરી જનોમાં પશુઓના આતંક મામલે રોષ જોવા મળી રહ્યો છે. શહેરીજનોના જણાવ્યા અનુસાર પશુઓને છુટા મુકનારાઓ સામે કાર્યવાહી જરૂરી છે. પરંતુ મનપાના અમૂક કર્મીઓ અગાઉથી પશુમાલિકોને જાણ કરે છે પશુ પકડવાની કામગીરી માત્ર કાગળ પર થાય છે.

ઉલ્લેખનીય છે કે, રાજકોટ એક માત્ર શહેરની  આ સ્થિતિ નથી. રાજ્યના તમામ શહેરોમાં ઢોરનો આતંક આસમાને છે ત્યારે આ અગાઉ લોકોની માંગને લઈ હાઇકોર્ટની ટકોર બાદ આખરે અમદાવાદ મનપાનું ઢોર નિયંત્રણ ખાતું કામે  લાગ્યું છે. છેલ્લા સાડા આઠ મહિનામાં તંત્ર દ્વારા 13032 ઢોર પકડવામાં આવ્યા છે તો તંત્ર દ્વરા ઢોર માલિકો  પાસેથી અત્યાર સુધીમાં 63.45 લાખનો દંડ વસુલાયો છે.