દેશ / ઓનલાઈન ફૂડ મંગાવનારે હવે આપવા પડશે વધારે પૈસા, સ્વિગીએ વધારી દીધો ચાર્જ, જાણો કેટલો

• ઓનલાઈન ફૂડ ઓર્ડર પર વધુ ચાર્જ ચૂકવવો પડશે
• Swiggy પર મિનિમમ ચાર્જ દરેક ફૂડ ઓર્ડર પર આપવો પડશે
• ફરજિયાત પ્લેટફોર્મ ફી ઉમેરતાં ગ્રાહકોને ફૂડ પડશે મોંઘું

જો તમે પણ ઓનલાઈન ફુડ ડિલીવરી એપ્સનો ઉપયોગ ફુડ ઓર્ડર કરવા માટે કરો છો તો હવે તમને સંભવત: વધારે ચાર્જ ચૂકવવો પડી શકે છે. ફૂડ ડિલીવરી એપ SWIGGYએ પોતાના ઓનલાઈન ફૂડ ડિલીવરીનાં ચાર્જમાં વધારો કર્યો છે. ગ્રાહકે દરેક ઓર્ડર પર હવે મિનિમમ પૈસાની ચૂકવણી કરવી પડશે. જાણો સ્વિગીએ કેટલા રૂપિયાનો ચાર્જ વધાર્યો છે.

What is @Swiggy?

An app based platform that customers use to order food, groceries etc.

Then, what is this Platform fee?

A fee that customers pay #Swiggy to be itself? pic.twitter.com/hEz2F0cRlx

— Ranga Sampath (@youplusai) April 29, 2023

દરેક ઓર્ડર પર આટલો ચૂકવવો પડશે ચાર્જ
સ્વિગીએ દરેક ઓર્ડર પર પોતાના મિનિમમ ચાર્જને 2 રૂપિયા નક્કી કર્યાં છે. આ એમાઉન્ટ પ્લેટફોર્મ ફી ચાર્જનાં નામે સ્વિગી ગ્રાહકો પાસેથી વસૂલશે. હાલમાં સ્વિગીએ પોતાનો આ ભાવવધારો હૈદ્રાબાદ અને બેંગલૂરુ માટે નક્કી કર્યો છે. કંપની અનુસાર તે આ ચાર્જનો ઉપયોગ ડિલીવરી સર્વિસને વધુ સારી બનાવવા કરશે. જો કે ગુજરાતમાં આ ચાર્જ એપ પર દેખાઈ રહ્યો નથી પરંતુ ટૂંક સમયમાં સ્વિગી આ અંગે એક્શન લઈ શકે છે.

Instamasrt પર નહીં ચૂકવવો પડે ચાર્જ
અત્રે ઉલ્લેખનીય છે કે સ્વિગી માત્ર ફૂડ ડિલીવરી પર જ આ ચાર્જ વસૂલશે. આ સિવાય Instamartની સર્વિસ પર આ ચાર્જ વસૂલવામાં આવશે નહીં. હાલમાં કંપનીએ 380 કર્મચારીઓની છટણી કરી હતી જેનું કારણ કંપનીએ રેવેન્યૂમાં થયેલો ઘટાડો કહ્યો હતો. હવે દરેક ઓર્ડર પર મિનિમમ ચાર્જ વસૂલ કરીને કંપની પોતાનું રેવેન્યૂ વધારશે.