આરોગ્ય / વધારે માત્રામાં પ્રોટીન ખાવું હેલ્થ માટે છે નુકસાનકારક, વધી શકે છે હાર્ટ એટેકનું જોખમ!

શરીરને પ્રોટીનની ખૂબ જ જરૂર હોય છે. તેથી હમેશા કહેવામાં આવે છે કે પ્રોટીન યુક્ત ખોરાક ખાવો જોઈએ. પરતું વધુ પ્રમાણમાં પ્રોટીનનું સેવન પણ નુકસાનકારક સાબિત થઈ શકે છે. તમારે એક બાબતનું ખાસ ધ્યાન રાખવું પડશે કે તમે જમવામાં યોગ્ય પ્રોટીન અને મિનરલ્સ લઈ રહ્યા છો કે નહીં. નહીંતર તમને કેટલીક ગંભીર બીમારીઓ થઈ શકે છે. ઘણીવાર લોકો અજાણતા વધુ પ્રમાણમાં પ્રોટીનનું સેવન કરી લે છે. 

તમારું વજન વધી શકે છે 
વજન ઘટાડવા માટે પ્રોટીનનું સેવન કરવાનું કહેવામાં આવે છે. પરતું વધુ પ્રમાણમાં પ્રોટીનના સેવનને કારણે તમારું વજન વધી શકે છે. એક અભ્યાસ મુજબ પ્રોટીન શરીરમાં ફેટની જેમ જામી જાય છે અને શરીરમાં એમિનો એસિડનું પ્રમાણ પણ વધારે છે. 

તમને થાક લાગી શકે છે 
જે લોકો વધુ પ્રમાણમાં પ્રોટીનનું સેવન કરતાં હોય છે તેમને વારંવાર થાક લાગે છે. કારણકે વધુ પ્રમાણમાં પ્રોટીનના સેવનને કારણે તમારી કિડની અને લીવર પર તણાવ વધી જાય છે. તેથી તમને થાક લાગે છે. 

વાંચવા જેવું: નોકરી કરતાં યુવાનો પર મંડરાઈ રહ્યો છે ખતરનાક કેન્સરનો ખતરો! ICMRની સ્ટડીએ વધાર્યું ટેન્શન

કબજિયાત 
પ્રોટીનને પચવામાં સમય લાગે છે. વધુ પ્રોટીનના સેવનને કારણે પાચનને લગતી સમસ્યાઓ થઈ શકે છે. તમને કબજિયાતની સમસ્યા થઈ શકે છે. 

કેલ્શિયમ 
જે લોકો વધુ પ્રમાણમાં પ્રોટીનનું સેવન કરે છે, તેમના શરીરમાં કેલ્શિયમની ઉણપ થવા લાગે છે. જેના કારણે હાડકાં નબળા થવા લાગે છે. એક અભ્યાસ મુજબ જે લોકો હાઇ પ્રોટીન આહાર લે છે. તેમના હાડકાં નબળા થઈ જાય છે.