અમદાવાદ / 'આજ બસ તેરા ભાઈ ચલાયેગા!' AMTSના ડ્રાઇવરે નશામાં ધૂત થઈ થાંભલામાં ઠોકી બસ, મુસાફરોના જીવ અધ્ધર

• AMTS બસનો ડ્રાઈવર નશાની હાલતમાં પકડાયો
• 130/4 નંબરની બસનો ડ્રાઇવર નશાની હાલતમાં
• ડ્રાઈવરે ટ્રાફિકના થાંભલા પાસે બસને અથડાવી

અમદાવાદમાં AMTS બસ ફરી વિવાદમાં આવી છે. અમદાવાદમાં વધુ એક AMTS બસનો ડ્રાઇવર નશાની હાલતમાં ઝડપાયો છે. ટ્રાફિક લાઈટના થાંભલા સાથે બસ અથડાતા મુસાફરોને જાણ થઇ કે બસનો ડ્રાઇવર પીધેલો છે. 

વાડજ સર્કલ પાસે અકસ્માત કરતાં થઈ હતી જાણ
આ ઘટના વાડજ સર્કલ પાસેની છે.જો કે અકસ્માત બાદ મુસાફરોએ ડ્રાઈવરને પીધેલી હાલત ઝડપી લીધો હતો.  130/4 નંબરની  AMTS બસનો ડ્રાઇવર ચાલુ ફરજે નશાની હાલતમાં હતો. બસ મનમોહન પાર્કથી વાડજ તરફ જતી હતી તે સમયે અકસ્માત થયો હતો. AMTS બસમાં અંદાજે 35 જેટલા મુસાફરો સવાર હતા. આ ઘટના બાદ તમામ મુસાફરોને અન્ય બસમાં ટ્રાન્સફર કરવામાં આવ્યા હતા.

વાંચવા જેવું: રાજપથ ક્લબથી SP રિંગ રોડ, વિસતથી ઝુંડાલ...: અમદાવાદના આટલા રસ્તા બનાવશે 'આઇકોનીક રોડ', જુઓ આખું લિસ્ટ

BRTS બસ ડ્રાયવર બન્યો બેફામ
અમદાવાદ શહેરમાં BRTS અને AMTS બસ ડ્રાયવરો બેફામ બન્યા છે, ક્યાંક નશાની હાલતમાં જોવા મળે છે તો વળી ક્યાંક સિગ્નલની પરવાહ કર્યા વિના જ બસ ભગાડી જાય છે. BRTS બસના ડ્રાયવરોએ ટ્રાફિકના નિયમો નેવે મૂક્યા છે. શાસ્ત્રીનગર ચાર રસ્તા પર બંધ સિગ્નલે બસ હંકારી છે. અયોગ્ય ડ્રાયવિંગને લઈ વાહનચાલકોના જીવ જોખમમાં મુકાયા છે. બેફામ BRTS બસ ડ્રાયવરો સામે કાર્યવાહી ક્યારે તે સૌથી મોટો સવાલ છે.

Ahmedabad news: અમદાવાદ શહેરમાં BRTS બસ ડ્રાયવરો બેફામ બન્યા, શાસ્ત્રીનગર ચાર રસ્તા પર બંધ સિગ્નલે બસ હંકારી, સમગ્ર ઘટનાનો વીડિયો સોશિયલ મીડિયામાં થયો વાયરલ#gujaratnews #ahmedabadnews #vtvgujarati pic.twitter.com/UP0E1Dw7cQ

— VTV Gujarati News and Beyond (@VtvGujarati) January 5, 2024