આક્ષેપ / '...તો છૂટ આપી દેવી જોઇએ, જેથી દારૂ સારો ક્વૉલિટીવાળો અને સસ્તો મળે', દારૂબંધીને લઇ MLA ચૈતર વસાવાના ગંભીર આરોપ

• આપ MLA ચૈતર વસાવાએ દારૂબંધીને લઇ આપ્યુ નિવેદન
• રાજ્યમાં ખુલ્લેઆમ દારૂ વેચાય છે
• જે દારૂ વેચાય છે તે છેલ્લી કક્ષાનો દારૂ હોય છે
• બુટેલગરોને મળી રહ્યુ છે નેતાનુ સમર્થન -ચૈતર વાસવા

રાજ્યમાં દારૂબંધીના ધજાગરા ઉડાવતા અનેક કિસ્સાઓ છાશવારે સામે આવતા હોય છે અને દારૂબંધીની અમલવારી મામલે વિપક્ષ દ્વારા ભૂતકાળમાં પણ સરકારની કામગીરી સામે સવાલો ઉઠાવ્યા હતા. તેવામાં હવે છોટાઉદેપુરના આમ આદમી પાર્ટીના MLA ચૈતર વસાવાએ દારૂ બંધીને લઇને નિવેદન આપ્યું છે. વધુમાં મનસુખ વસાવા પર ચૈતર વસાવાએ ગંભીર આક્ષેપ કરી જણાવ્યું કે 'તેઓની આસપાસ ફરનારા બુટલેગરો છે'. 

Chhota Udepur News: '...તો છૂટ આપી દેવી જોઇએ, જેથી દારૂ સારો ક્વૉલિટીવાળો અને સસ્તો મળે', MLA ચૈતર વસાવા આ શું બોલ્યા? #gujaratnews #chhotaudepurnews #vtvgujarati pic.twitter.com/4dZf6oc7P5

— VTV Gujarati News and Beyond (@VtvGujarati) October 16, 2023

છોટાઉદેપુર જિલ્લામાં યુવા અધિકાર યાત્રા લઈને આવ્યા હતા

MLA ચૈતર વસાવાએ આક્ષેપ સાથે જણાવ્યું કે રાજ્યમાં ખુલ્લેઆમ દારૂ વેચાય છે. જે દારૂ વેચાય છે તે છેલ્લી કક્ષાનો દારૂ હોય છે વધુમાં આરોપ સાથે કહ્યું કે બુટેલગરોને નેતાનુ જ સમર્થન મળી રહ્યું હોવાના પણ આરોપ લગાવ્યા છે. છોટાઉદેપુર જિલ્લામાં યુવા અધિકાર યાત્રા દરમિયાન આ સવાલો ઉઠાવ્યા હતા. ખાસ વાત તો એ છે કે ચૈતર વસાવા એ કહ્યું કે સરકાર અને પોલીસ જ દારૂની વ્યવસ્થા કરી આપી છે. જો સરકાર દારૂબંધીનો કડક અમલ ન કરાવી શકતી હોય તો સરકારે દારૂબંધી હટાવી દેવી જોઈએ. છૂટ આપી જોઈએ જેથી સારી ક્વોલિટીનો દારૂ મળી રહે તેમ પણ જણાવતા હાલ મુદ્દો ચર્ચાનું કેન્દ્ર બન્યો છે.