બંધક / અમને સાંકળથી બાંધીને રાખતા અને..' ડાંગના 14 જેટલા બંધક મજૂરોની આપવીતી સાંભળી હ્રદય દ્રવી ઉઠશે

• ડાંગના 14 જેટલા બંધક મજૂરો ઘરે પહોચ્યા
• મજૂરોને બધંક બનાવી શોષણ કરવામાં આવતુ હતું
• મજૂરોનું 3 માસ બાદ પોતાના પરિવાર સાથે મિલન

ડાંગ જિલ્લાના મોટામાળુંગા ગામથી રોજગારી માટે મહારાષ્ટ્ર ગયેલ 14 જેટલા મજૂરો બંધક બન્યા હતા જે સુરક્ષિત ઘરે પહોંચ્યા છે. ડાંગ જિલ્લાના મોટા માળુંગા ગામના આદિવાસી મજૂરોને કામ આપવાનું કહીને લેબર કોન્ટ્રાકટર મહારાષ્ટ્રના બારામતી નજીક લઈ ગયો હતો, છેલ્લા 3 માસથી આ મજૂરોનું શોષણ કરવામાં આવ્યું હતું અને મજૂરીના પૈસાન આપી તેમને ધમકાવી ને બંધક બનાવી કામ કરાવવામાં આવતું હતું. 

500 કિલોમીટર દૂર બંધક મજૂરોને છોડવવા માટે ગયા
સમગ્ર ઘટનાની જાણ જિલ્લા પંચાયતના બાંધકામ સમિતિના અધ્યક્ષ  ચંદર ગાવીતને થતા તેઓએ પોતાના ભાઈ નગીન ગાવીત અને મજૂર સંઘના સચિવ જયેશ ગામીતને 500 કિલોમીટર દૂર બંધક મજૂરોને છોડવવા માટે મોકલ્યા હતા. જોકે માનવતા ભૂલેલા શ્રીમંત ખેડૂતે મજૂરોને તેમનું મહેનતાણું તો ન આપ્યું પણ તેમને છોડવા માટે ઉપરથી રૂપિયા 2 લાખ ની માંગણી કરી હતી. 
 

ગરીબ મજૂરોનું 3 માસ બાદ પોતાના પરિવાર સાથે મિલન થયું
પોતાના વિસ્તારના માણસોને છોડવાવા માટે ચંદર ગાવિતે ખેડૂતના એકાઉન્ટમાં રૂપિયા 2 લાખ ટ્રાંસફર કર્યા અને તેમને બંધનમાંથી મુક્ત કર્યા છે. ગરીબ મજૂરોનું 3 માસ બાદ પોતાના પરિવાર સાથે મિલન થયું હતું, જ્યારે મજૂરોની ખબર પૂછવા સ્થાનિક ધારાસભ્ય વિધાનસભા ના ઉપદંડક વિજય પટેલ મોટા માળુંગા ગામે પહોંચી પરિવાર સાથે વાતો કરી હતી.