- સપનાનું ઘર ખરીદતા પહેલા જરા ચેતજો
- ચીટર ગુડ્ડુ પોદાર અને બિલ્ડર અશ્વીન ચોવટીયાની મીલિભગત
- બિલ્ડર અશ્વિન ચોવટીયાએ ફ્લેટ ઉપર લીધી લોન
- બિલ્ડરે મકાન ઉપર લીધેલી ન ભરી લોન
સુરતમાં ચીટર ગુડડુ પોદાર અને બિલ્ડર અશ્વિન ચોવટિયાનું કારસ્તાન ફરી સામે આવ્યું છે. સુરતના અબ્રામા ખાતે આવેલા સહજાનંદ પ્રસ્થ નામની બિલ્ડીંગ માં 2021 માં ડોકટર ભાવેશે રોકડા રૂપિયા આપી ફ્લેટ ખરીદયો હતો. જોકે આ જગ્યા પર બિલ્ડરે પ્રોજેકટ લોન લઈ ભરપાઈ નહીં કરતા બેન્ક કર્મીઓ ફ્લેટને સીલ મારવા પહોંચ્યા હતા. અગાઉ ડોકટર દ્વારા ઉતરાણ પોલીસ મથકમાં અરજી કરાઈ હતી. જોકે આજ સુધી કોઈ નિરાકરણ નહીં આવતા ડોક્ટરે આપઘાત કરવાની ચીમકી ઉચ્ચારી હતી.
ફ્લેટ લીધા પહેલા બિલ્ડર અશ્વિન ચોવટિયાએ પ્રોજેકટ લોન લીધી હતી
સુરતમાં ચિટિંગના કેસમાં જેલમાં બંધ ગુડડુ પોદારે અનેક લોકો સાથે મકાનોને લઈ છેતરપીંડી કરી છે. તેની એક વધુ કરતૂત સામે આવી હતી સુરતમાં રહેતા ડોક્ટર ભાવેશ ઢસડિયા એ 2021 માં સહજાનંદ પ્રસ્થમાં ફ્લેટ લીધો હતો. આ ફ્લેટમાં ડોક્ટરે બિલ્ડર ને રોકડ નાણા ભર્યા હતા. રોકડામાં ફ્લેટ ખરીદી કરતા બિલ્ડર દ્વારા તેમને વાઈટ એન્ટ્રી આપવાની વાત કરાઈ હતી. જોકે તે હજુ સુધી નહિ આપતા ડોકટર ભાવેશ ભાઈ દ્વારા અડધા નાણાં અટકાવી દીધા હતા. જોકે ફ્લેટ લીધા પહેલા બિલ્ડર અશ્વિન ચોવટિયાએ પ્રોજેકટ લોન લીધી હતી.
મકાન સીલ કરવામાં આવશે તો ર્ડાક્ટરે આત્મહત્યાની ચીમકી ઉચ્ચારી
જે લોનની ભરપાઈ બિલ્ડર દ્વારા કરવામાં આવી નથી. જેથી બેન્ક દ્વારા બે વખત ડોકટરને નોટિસ પાઠવવામાં આવી છે. આ નોટિસને લઈ ડોકટર ભાવેશ ભાઈ દ્વારા ઉતરાણ પોલીસ મથકમાં અરજી કરવામાં આવી હતી. જોકે અરજી બાદ પણ કોઈ કાર્યવાહી થઈ નથી. ડોકટર ભાવેશ ભાઈએ ફ્લેટના રોકડ રૂપિયા બિલ્ડર વતી રાખવામાં આવેલ માણસ ગુડડુ પોદારને આપ્યા હતા. જેનો વીડિયો પણ તેમણે બનાવ્યો હતો. ગુડડુ પોદારે સુરતમાં અનેક લોકોને આવી રીતે છેતર્યા છે. જેને હાલમાં સુરત પોલીસે ઝડપી પાડી જેલને હવાલે કર્યો છે. હાલમાં ડોકટરની હાલત ખૂબ દયનીય છે. કારણ કે પોતાની તમામ જમા પુંજી ડોક્ટરે આ ફ્લેટ પાછળ ખર્ચી નાખી છે. જોકે ફ્લેટના નાણાં રોકડમાં ભર્યા છતાં બિલ્ડરના વાંકે આજે મકાન સીલ થવાની નોબત આવી છે. ડોકટર ભાવેશ દ્વારા ચીમકી આપવામાં આવી હતી કે જો તેમનું મકાન સીલ કરવા આવશે તો આત્મહત્યા કરી જીવન ટૂંકાવશે.
