4 રાજ્યોનો જનાદેશ / 'એક અકેલા સબ પે ભારી..' ડંકાની ચોટ પર સરકાર બનાવી, હવે ગુજરાતમાં 26 બેઠકો આટલા માર્જિનથી જીતવાની છે: CR પાટીલ

• ઓલપાડ વિધાનસભા ભાજપનો નુતન વર્ષ સ્નેહ મિલન સમારોહ
• ભાજપ પ્રદેશ અધ્યક્ષ C.R પાટીલના અધ્યક્ષ સ્થાને નૂતન વર્ષ સ્નેહ મિલન સમારોહ
• કેન્દ્રીય મંત્રી દર્શના જરદોશ,મંત્રી મુકેશ પટેલ પણ હાજર

સુરતનાં ઓલપાડ વિધાનસભા ભાજપનો નૂતન વર્ષ સ્નેહ મિલન સમારોહ આજે પ્રદેશ અધ્યક્ષ સી.આર.પાટીલનાં અધ્યકક્ષ સ્થાને યોજાયો હતો. આ કાર્યક્રમમાં કેન્દ્રીય મંત્રી દર્શનાં જરદોશ, મંત્રી મુકેશ પટેલ પણ હાજર રહ્યા હતા. સ્નેહમિલન કાર્યક્રમાં સી.આર.પાટીલે નિવેદન આપ્યું હતું કે, નવું વર્ષ શરૂ થાય એટલે ઉત્સાહ ઉમંગ શરૂ થાય છે. આપણી મહત્વકાંક્ષા પૂર્ણ થાય તેવી શુભેચ્છા પાઠવું છું. આજનો દિવસ ડબલ ખુશીનો દિવસ છે. વરસાદી વાતાવરણનાં કારણે આગળ કાર્યક્રમ મોકૂફ કરાયો હતો. આજે 4 માંથી 3 રાજ્યમાં સરકાર બનાવી છે. આ જીતનો શ્રેય પ્રધાનમંત્રીને જાય છે. ઘણા બધા લોકો આ જીતને અપેક્ષિત ન હતો. આલી મવાલી લોકો ચૂંટણીમાં આવી જાય છે. 

પરંતું વડાપ્રધાન નરેન્દ્ર મોદી ગેરંટી આગળ કંઈ નથી. વરસાદી દેડકાની જેમ નીકળી આવતા હોય છે અને પછી દેખાતા નથી. બહેનોને લાગે છે કે મોદી છે તો સિક્યોર છે. દેશનાં યુવાનો માટે સ્વરોજગારી માટે વડાપ્રધાન પ્રયાસો કરતા રહે છે. પઠાણી વ્યાજમાંથી ગરીબો લારી-ગલ્લાવાળાઓને મુક્ત વડાપ્રદાને કર્યા છે. વગર વ્યાજની લોન વડાપ્રધાને અપાવી છે. ગરીબોનાં ગેરેન્ટર વડાપ્રધાન સ્વયં જવાબદારી લીધી છે. મોદી સાહેબનો અને મતદારોનો આભાર માનવો જોઈએ. જેમને ખોબલે ખોબલે મત આપ્યા છે.  1 મત ઓછો મળે તો પણ આંસુ છલકાય.

વિધાનસભામાં ઘણી બેઠકો ઓછા માર્જીનથી હાર્યાઃસી.આર.પાટીલ

વિધાનસભામાં ઘણી બેઠક ઓછા મતોથી હાર્યા હતા. 182 માંથી 156 આવી તેનું પણ દુઃખ હતું. પરેશ ધાનાણીને ઘર ભેગા કરી દીધા છે. નરેન્દ્ર મોદીને ફરી વડાપ્રધાન બનાવી હેટ્રિક કરવાની છે. ગુજરાતની 26 સીટ જીતીશું પણ તાલુકાથી સાંસદ સુધીનાં લોકોએ સફાઈ કરવાની મોદી સાહેબની સૂચના આપવામાં આવી છે. સફાઈ પહેલાના ફોટા અને પછી ફોટા મુકવાના છે. વડાપ્રધાન મોદી મનકી બાદ કાર્યક્રમ કર્યો હતો. આપણું ગામ ચોખ્ખુ રાખવુંએ આપણી ફરજ છે.