જાહેરનામુ / હવે પોળો ફોરેસ્ટમાં નહીં લઈ જઈ શકાય આ વસ્તુ, કલેક્ટરે આપ્યો કડક આદેશ

• સાબરકાંઠાના પ્રસિદ્ધ પોળોના જંગલમાં પ્લાસ્ટિક પર પ્રતિબંધ 
• પર્યાવરણ અને વન્યપ્રાણીઓને થતા નુકસાનને અટકાવવા નિર્ણય 
• જાહેરનામાનો ભંગ કરનાર સામે કલમ 188 હેઠળ થશે કાર્યવાહી

 હાલમાં લગ્ન પહેલા પ્રિ વેડિંગનો ક્રેઝ જોવા મળી રહ્યો છે. મોટી સંખ્યામાં ફોટોશૂટ કરાવવા લોકો ગ્રીનરી અને કુદરતી વાતાવરણ જ પસંદ કરતા હોય છે. આ ફોટો શૂટ પાછળ લાખો રુપિયા ખર્ચ કરતા ખચકાતા નથી. તેમાં પણ અમદાવાદ નજીક જો કોઇ નેચર પ્લેસ જોઇએ તો પોળોના જંગલનું પહેલા નામ આવે. અહી મોટા ભાગના લગ્ન કરનારા લોકો પ્રિવેડીંગ ફોટો શૂટ કરવા જાય છે. પરંતુ જો તમે એક નિયમનું પાલન નહી કરો તો તમારે લાખો રુપિયા પાણીમાં નાંખ્યા બરાબર ગણાશે.

કલેક્ટર દ્વારા જાહેરનામું બહાર પાડવામાં આવ્યું 
ઉત્તર ગુજરાતના મીની કાશ્મીર ગણાતાં સાબરકાંઠાના પોલો ફોરેસ્ટને લઈ જિલ્લા કલેક્ટરે એક મહત્વનુ જાહેરાનામુ બહાર પાડ્યુ છે.. સાબરકાંઠાના પોલો ફોરેસ્ટમાં પ્રદુષણ અટકાવવા તથા પર્યાવરણને નુકસાન થતુ અટકાવવા માટે જંગલમાં પ્લાસ્ટિક પર પ્રતિબંધ મુકવામાં આવ્યો છે.  તેમજ પર્યાવરણ અને વન્ય પ્રાણીઓને થતા નુકસાનને અટકાવવા નિર્ણય કરવામાં આવ્યો છે. જેમાં 19 માર્ચ 2024 સુધી જંગલમાં પ્લાસ્ટિકના વપરાશ પર જિલ્લા કલેક્ટરે પ્રતિબંધ મૂકી દીધો છે.

વધુ વાંચોઃ અમદાવાદીઓ, વાહન લઈને નીકળતાં પહેલા ખાસ જાણી લેજો: બદલાઈ ગયા છે ઈ-મેમોના નિયમો
 

નિયમ ભંગ કરશો તો થશે કાર્યવાહી
 પોલો ફોરેસ્ટમાં પ્રિવેડીંગ શૂટની સાથે સાથે લોકો વનડે પિકનિક પણ કરતા હોય છે. જેથી ઘરે જ ખાવા પીવાનો સામાન લઇ જાય છે. પ્લાસ્ટિકની ડીશો , કપ અને ગ્લાસનો ઉપયોગ કરે છે.  જ્યાં ત્યાં કચરો ફેંકી દેવાને કારણે પર્યાવરણને પણ નુકસાન થાય છે . આ ધ્યાને રાખીને જિલ્લા કલેક્ટરે પ્લાસ્ટિક પર પ્રતિબંધ લાદી દીધો. જો આ જાહેરનામાનું કોઇ ભંગ કરશે તો તેઓ વિરુદ્ધ કલમ 188 હેઠળ કાયદેસરની કાર્યવાહી હાથ ધરવામાં આવશે.