વિરોધ / હડતાળઃ કાલથી અમદાવાદ સિવિલ હોસ્પિટલના જુનિયર ડૉક્ટરો ઇમરજન્સી-કોવિડ સેવાઓ છોડશે, તમામ મેડિકલ રહેશે બંધ

• અમદાવાદ સિવિલના જુનિયર ડૉક્ટરો કરશે વિરોધ
• કાલથી જુનિ.ડૉક્ટર એસો.નો હડતાળનો નિર્ણય
• ડ્યૂટીથી અળગા રહી કરશે વિરોધ પ્રદર્શન

સિવિલ હોસ્પિટલમાં ડૉ.કમલેશ ઉપાધ્યાયના અત્યાચારનો મામલે જુનિયર ડૉક્ટર એસોસિયેશન દ્વારા વધુ એક પત્ર લખવામાં આવ્યો છે. સુપ્રિટેન્ડેન્ટ, બિ.જે.મેડિકલ ડીન અને પી.જી ડાયરેક્ટરને પત્ર લખવામાં આવ્યો છે.

જુનિયર ડૉક્ટરો આવતીકાલથી તબીબો ઇમરજન્સી અને કોવિડ સેવાઓ છોડશે. આવતીકાલ સવારથી તમામ મેડિકલ સેવાઓ બંધ થશે. JDAએ આક્ષેપ કર્યા છે કે, આરોગ્ય મંત્રી સિવિલ હોસ્પિટલ આવ્યા છતાં કોઈ ધ્યાન ના આપ્યું. આરોગ્ય મંત્રી અમારી અવગણના કરી ચાલ્યા ગયા. આવતીકાલથી તમામ સેવાઓ બંધ કરી હડતાળ કરવામાં આવશે.

ડૉ. કમલેશ ઉપાધ્યાય સામે જુનિયરોમાં રોષ જોવા મળી રહ્યો છે. ઉપાધ્યાય સિવિલના મેડિસિન વિભાગના હેડ છે. છેલ્લા 3 મહિનાથી માથાકૂટ ચાલી રહી છે. ત્યારે ફરિયાદનું નિરાકરણ નહીં આવતા એસોસિએશને આ નિર્ણય લીધો છે. 1000 રેસિડન્ટ, 1500 યુ.જી વિદ્યાર્થી દેખાવ કરશે.