- ડાયમંડ સિટી સુરતના એરપોર્ટને કરોડોની ખોટ
- છેલ્લા 5 વર્ષમાં સુરત એરપોર્ટે કરી 152.1 કરોડની ખોટ
- ક્ષમતા કરતા ઓછી એર કનેક્ટિવિટીના કારણે એરપોર્ટને નુકસાન
- સુરત એરપોર્ટ પર કાર્ગોનું માત્ર 20 ટકા વહન
- CISFની સુરક્ષાનો ખર્ચ પણ એરપોર્ટને પડી રહ્યો છે મોંઘો
Surat Airport Latest News : ડાયમંડ સિટી સુરતના એરપોર્ટને લઈ એક મોટા સમાચાર સામે આવ્યા છે. વાત જાણે એમ છે કે, આ સુરત એરપોર્ટે છેલ્લા 5 વર્ષમાં કરોડોની ખોટ કરી છે. આંકડાઓ પર નજર કરીએ તો રાજ્યમાં અમદાવાદ સિવાયના તમામ એરપોર્ટ હાલમાં ખોટમાં ચાલી રહ્યા છે. છેલ્લા 5 વર્ષમાં સુરત એરપોર્ટે 152.1 કરોડની ખોટ કરી છે. વિગતો મુજબ ક્ષમતા કરતા ઓછી એર કનેક્ટિવિટીના કારણે એરપોર્ટને નુકસાન થતું હોવાનું સામે આવ્યું છે.
સુરતના એરપોર્ટ પર મહિને-દહાડે હજારો લોકો પરિવહન કરતા હોય છે. જોકે છેલ્લા 5 વર્ષથી આ સુરત એરપોર્ટ ખોટમાં ચાલી રહ્યું છે. સુરત એરપોર્ટ પર કાર્ગોનું માત્ર 20 ટકા વહન છે. આ સાથે હવે ખોટના કારણે CISFની સુરક્ષાનો ખર્ચ પણ એરપોર્ટને મોંઘો પડી રહ્યો છે. મહત્વનું છે કે, ગુજરાતના અમદાવાદ સિવાયના તમામ એરપોર્ટ હાલ ખોટમાં ચાલી રહ્યા છે.
5 વર્ષમાં સુરત એરપોર્ટે 152.1 કરોડની ખોટમાં
સુરત એરપોર્ટને પાંચ વર્ષમાં 152.1 કરોડની ખોટમાં હોવાનું સામે આવ્યું છે. આ તરફ ખોટ થવાના અનેક કારણો સામે આવ્યા છે. જેમાં ક્ષમતા કરતા ઓછી એર કનેક્ટિવટી, કારગોનો માત્ર 20 ટકા ઉપયોગ અને પાંચ દિવસમાં એક જ ઈન્ટરનેશનલ ફ્લાઈટ જેવા કારણો જવાબદાર છે. આ તરફ 2018-19માં 22.84 કરોડ, 2019-20માં 27.48 કરોડની ખોટ, 2020-21માં 40.43 કરોડ, 2021-22માં 29.36 કરોડ અને 2022-23માં 31.99 કરોડની ખોટ સુરત એરપોર્ટે સહન કરવી પડી છે. આ તરફ હવે હીરા બુર્સના શરૂ થયા બાદ વધુ ફ્લાઈટ કનેક્ટિવિટી મળે તેવી આશા છે. વધુ ફ્લાઈટ કનેક્ટિવિટી મળશે તો ખોટમાં બહાર નીકળવામાં મદદ મળશે.
