- વર્લ્ડ કપ 2023ની દ્વિતીય સેમીફાઈનલમાં ઑસ્ટ્રેલિયાનો વિજય
- ટીમ ઈન્ડિયાને ફાઈનલ માટે આ મેચમાંથી ઘણું બધું શીખવા મળ્યું હશે
- ઑસ્ટ્રેલિયા અને સાઉથ આફ્રીકાની ભૂલો પરથી ભારતને વિજયમંત્ર મળશે
વિશ્વકપ 2023ની દ્વિતીય સેમીફાઈનલ મેચમાં ઑસ્ટ્રેલિયાએ સાઉથ આફ્રીકાને માત આપીને ફાઈનલ્સમાં પોતાનું સ્થાન બનાવી લીધું છે. હવે રવિવારે થનારી ફાઈનલમાં ઑસ્ટ્રેલિયાનો સામનો ભારતીય ટીમ સાથે થશે. પરંતુ આ બીજી સેમીફાઈનલ મેચે ઑસ્ટ્રેલિયાને તો નહીં પણ ટીમ ઈન્ડિયાને ઘણું બધું શિખવ્યું છે. હવે આ મેચને જોયા બાદ રોહિતે પણ પોતાની રણનીતિ તૈયાર કરી લીધી હશે. આ લો સ્કોરિંગ મેચથી ટીમ ઈન્ડિયાને અનેક વિજયમંત્ર મળ્યાં છે.
ટીમ ઈન્ડિયાને મળ્યો વિજયમંત્ર
દ્વિતીય સેમીફાઈનલમાં ઑસ્ટ્રેલિયાએ સાઉથ આફ્રીકાને 3 વિકેટથી માત આપી. આ મેચમાં સાઉથ આફ્રીકાએ અનેક મોટી ભૂલો કરી જ્યારે 1-2 સાચા નિર્ણયો પણ લીધા. આ મેચમાં સાઉથ આફ્રીકા અને ઑસ્ટ્રેલિયા બંને ટીમોએ ઘણી વિકેટો ગુમાવી. હવે ટીમ ઈન્ડિયાએ ફાઈનલ્સમાં આવી ભૂલોથી બચવું પડશે. સાઉથ આફ્રીકાએ આશરે 24 રન પર જ પોતાની 4 વિકેટ ગુમાવી દીધી. જો કે ઑસ્ટ્રેલિયાએ પણ મેચ દરમિયાન આ જ ભૂલ રિપીટ કરી પણ સ્કોર ઓછો હતો અને સારું ડેમેજ કંટ્રોલ હતું જેથી ટીમ જીતી ગઈ.
બંને ટીમોએ કેટલાક યોગ્ય નિર્ણય પણ લીધા
બીજી તરફ આ મેચમાં જોવા મળ્યું કે કેવી રીતે બંને ટીમનાં કેપ્ટન્સે પોતાના પાર્ટ ટાઈમ બોલર્સનો યોગ્ય સમયે ઉપયોગ કર્યો. ઑસ્ટ્રેલિયાન કેપ્ટન પૈટ કમિંસે ટ્રેવિસ હેડ પાસે પરફેક્ટ ટાઈમ પર બોલિંગ કરાવડાવી અને તેમણે ટીમને 2 વિકેટ પણ લઈ આપી. તો બીજી ઈનિંગમાં સાઉથ આફ્રીકાનાં કેપ્ટન તેમ્બા બાવુમાએ એડન માર્કરમ પાસે બોલિંગ કરાવી અને તેણે ટીમ માટે મોટી વિકેટ લઈ આપી.
નબળી ફિલ્ડિંગ
આ સિવાય આપણે જોયું કે કેવી રીતે સાઉથ આફ્રીકાનાં ખેલાડીઓએ મેચમાં કેચ છોડ્યાં. આટલી મોટી મેચમાં એક-એક કેચનું ઘણું વધારે મહત્વ હોય છે જો તમારે જીત મેળવવી હોય. પણ સાઉથ આફ્રીકાનાં ખેલાડીઓએ સેમીફાઈનલમાં ઘણાં કેચ છોડી દીધા જેના લીધે તેમણે હારનો સામનો કરવો પડ્યો. તેવામાં ટીમ ઈન્ડિયા ફાઈનલ મેચમાં ઑસ્ટ્રેલિયાની સામે આ ભૂલ કરવાથી જરૂરથી બચશે તેવું લાગી રહ્યું છે.
