- મજાક મજાકમાં પતિએ કરાવ્યો પત્નીનો ડીએનએ રિપોર્ટ
- આ ટેસ્ટમાં સાસુ અને વહુ વચ્ચેના સંબંધોનું સત્ય પણ બહાર આવ્યું
- વ્યક્તિ હકીકત જાણ્યા બાદ પણ તેના સંબંધને નિભાવવાની વાત કરી
સોશિયલ મીડિયા પર એક વ્યક્તિએ તેની પત્ની વિશે ચોંકાવનારી વાત શેર કરી છે. તેણે કહ્યું કે કેવી રીતે મજાકમાં મજાકમાં ડીએનએ(DNA) ટેસ્ટ કરાવ્યો ત્યારે તેને મોટો આંચકો લાગ્યો. તેને તેની પત્ની વિશે એવું સત્ય જાણવા મળ્યું કે તેના પગ નીચેથી જમીન સરકી ગઈ. એ માણસની પત્નીને પણ નવાઈ લાગી. હવે બંને પાસે આનો કોઈ જવાબ નથી. આવો જાણીએ શું છે મામલો...
મીડિયા રિપોર્ટ અનુસાર, આ ઘટના બ્રિટનના એક કપલ સાથે બની હતી. પતિએ સોશિયલ મીડિયા પ્લેટફોર્મ પર પોતાની આપવિતી શેર કરી હતી. તેમાં તેણે જણાવ્યું કે, કેવી રીતે ડીએનએ ટેસ્ટે તેની દુનિયા બદલી નાખી. આ ટેસ્ટમાં તેની પત્ની વિશે ચોંકાવનારું સત્ય તો સામે આવ્યું જ પરંતુ સાસુ અને વહુ વચ્ચેના સંબંધોનું સત્ય પણ બહાર આવ્યું.
વ્યક્તિએ જણાવ્યું કે તેના પહેલા લગ્ન તૂટી ગયા હતા. તેણે જે બીજી સ્ત્રી સાથે લગ્ન કર્યા તે પણ છૂટાછેડા લીધેલ છે. બંનેને તેમના પહેલા સંબંધથી બાળકો છે. તાજેતરમાં જ તે વ્યક્તિએ તેની પત્ની માટે ડીએનએ ટેસ્ટ કીટ ખરીદી અને ફેમિલી ટ્રી જાણવાનો પ્રયત્ન કર્યો. ડીએનએ ટેસ્ટના રિઝલ્ટમાં જાણવા મળ્યું કે પુરુષની પત્ની તેની માસીની દિકરી બહેન છે. પત્નીની માતા અને તેની માતા દૂરના સંબંધમાં બહેનો હોવાનું બહાર આવ્યું.
કેવી રીતે થઇ ગરબડ?
સોશિયલ મીડિયા પર કરેલી પોસ્ટમાં વ્યક્તિએ જણાવ્યું કે, પત્નીનો પરિવાર અને મારો પરિવાર એક જ વિસ્તારના છે. તેમની વચ્ચે પહેલેથી જ સંબંધ હતો. ડીએનએ ટેસ્ટનું પરિણામ આવ્યા બાદ જ્યારે પરિવારનો દોર શરૂ થયો ત્યારે એક પછી એક સંબંધો ખુલતા ગયા. ખરેખર, ડીએનએ રિપોર્ટમાં સામે આવ્યું છે કે વ્યક્તિની સાસુ અને માતાના ડીએનએ લગભગ સરખા છે. જ્યારે શોધખોળ કરી ત્યારે જાણવા મળ્યું કે તેની માતા અને સાસુ સાવકી બહેનો છે. આ દલીલ તેના આધારે આપવામાં આવ્યુ કારણ કે તેના નાના રંગીન મિજાજના માણસ હતા અને ઘણી સ્ત્રીઓ સાથે સંબંધ ધરાવતા હતા.
જો કે, સત્ય જાણવા છતાં, પુરુષ અને તેની પત્નીએ સાથે રહેવાનું નક્કી કર્યુ છે. વ્યક્તિએ પોસ્ટમાં લખ્યું છે કે તે આ માહિતી પરિવારની બહારના અન્ય લોકો સાથે શેર નહીં કરે. યુઝર્સે પણ તેને આવું કરવાની સલાહ આપી હતી. એમ પણ કહ્યું કે તેમના સંબંધોમાં કંઈ ખોટું નથી.
