NULL / ઓનસ્ક્રીન રોમાન્સ કરશે સલમાન અને દીપિકા?

મુંબઇ: હાલમાં બોલીવુડ અભિનેત્રી દીપિકા પાદુકોણને ઈન્ડસ્ટ્રીમાં ડેબ્યુ કરે ૧૦ વર્ષ થઈ ચુક્યા છે. દીપિકાએ પોતાની 10 વર્ષની કારકીર્દીમાં મોટાભાગે રણબીર કપૂર અને રણવીર સિંહ સાથે કામ કર્યું છે. પરંતુ તેણે આજ દિવસ સુધી ઈન્ડસ્ટ્રીના સૌથી મોટા સ્ટાર પૈકીના એક ગણાતા સલમાન ખાન સાથે એકપણ ફિલ્મમાં કામ કર્યુ નથી. ત્યારે હવે સૂત્રો તરફથી મળતી માહિતી મુજબ સલમાન ખાનની ફિલ્મ કિકની સિક્વલમાં દીપિકા અને સલમાન ખાન એકસાથે જોવા મળી શકે છે.

સૂત્રોનું માનીએ તો હવે એ દિવસ દૂર નથી કે જ્યારે ફિલ્મી પડદે સલમાન ખાન અને દીપિકા પાદુકોણની એકબીજા સાથે કામ કરવાની ઇચ્છા પુરી થશે. સુત્રોનું કહેવુ છે કે ફિલ્મ મેકર્સ કિકની સિક્વલ માટે કોઈ નવો ચહેરો લેવા માંગતા હતા. જેથી તેમણે ફિલ્મના પ્રથમ ભાગની હિરોઈન જેકલીનને હટાવી દીધી.

સાજિદ નડિયાદવાલાના ડાયરેક્શનમાં બનેલી ફિલ્મ કિક રીલીઝ થઈ ત્યારથી જ દર્શકો તેની સિક્વલની રાહ જોઈ રહ્યા છે. જોકે સિક્વલમાં લોકોને સલમાન ખાન અને જેકલીનની જોડીની જગ્યાએ સલમાન અને દીપિકાની જોડીજોવા મળી શકે છે. મહત્વનુ છે કે જેકલીન અને સલમાન આગામી સમયમાં રેસ-૩ ફિલ્મમાં રોમાન્સ કરતા જોવા મળી શકે છે.

સલમાન ખાન સાથે કિક-૨માં દીપિકાને લેવા પાછળ આ રેસ-૩ ફિલ્મ પણ જવાબદાર ગણવામાં આવી રહી છે. કારણકે રેસ-૩માં સલમાન અને દીપિકાના કેટલાક રોમાન્સ સીન પણ છે.