હીરા ઉદ્યોગની મંદી પાછળ ટેકનિકલ કે વ્યવસાયિક કારણો હોય શકે પરંતુ હીરાના કારખાનામાં કલાકોના કલાકો કામ કરતો રત્નકલાકાર તો એક જ સવાલ કરશે કે મારી રોજગારીનું શું.. જો એ છૂટો થઈ ગયો તો પછી નવું કામ કયાંથી શોધશે અને કઈ રીતે શોધશે?. કેટલાક રત્નકલાકારો એવા છે કે જેને તેના વતનમાં ખેતીકામ છે એટલે એવા રત્નકલાકારો તો વતન ભણી રવાના થઈને ખેતી પણ કરી લેશે પરંતુ જેનું ઘર કે પરિવાર માત્ર રત્નકલાકારની નોકરી ઉપર જ નભે છે તેનુ શું.. હીરા ઉદ્યોગની મંદી પાછળ જવાબદાર કારણોની વચ્ચે રત્નકલાકારોની સ્થિતિ શું છે.
- હીરા ઉદ્યોગને મંદીનું ગ્રહણ લાગ્યું છે
- છેલ્લા કેટલાક સમયથી રત્નકલાકારોને છૂટા કરવામાં આવી રહ્યા છે
- રશિયા-યુક્રેન યુદ્ધ પછી હીરા ઉદ્યોગને અસર પહોંચી છે
હીરા ઉદ્યોગને મંદીનું ગ્રહણ લાગ્યું છે. છેલ્લા કેટલાક સમયથી રત્નકલાકારોને છૂટા કરવામાં આવી રહ્યા છે. રશિયા-યુક્રેન યુદ્ધ પછી હીરા ઉદ્યોગને અસર પહોંચી છે. હીરા ઉદ્યોગનું વેકેશન પણ લંબાવવામાં આવ્યું છે.કારીગરોને રજા પગાર મળે તેવી શક્યતા પણ ઓછી છે. અનેક કારખાનેદારોએ રત્નકલાકારોને પગાર ચુકવ્યો નથી. હીરા ઉત્પાદનના નાના એકમોમાં વેકશન લંબાય તેવી પૂરી શક્યતા.
- રશિયા-યુક્રેન યુદ્ધને લીધે વિદેશથી આવતા હીરા બંધ થયા
- કાચી હીરાની રફ આવવાનું બંધ થયું
- હીરાની રફ બંધ થવાથી મોંઘા ભાવે રફ લેવી પડે છે
હીરા ઉદ્યોગમાં મંદી કેમ?
રશિયા-યુક્રેન યુદ્ધને લીધે વિદેશથી આવતા હીરા બંધ થયા છે. કાચી હીરાની રફ આવવાનું બંધ થયું. હીરાની રફ બંધ થવાથી મોંઘા ભાવે રફ લેવી પડે છે. કારખાનેદારોના ખર્ચમાં મોંઘા ભાવની રફથી વધારો થાય છે. નેચરલ ડાયમંડના વેપારને અસર પહોંચી છે. છેલ્લા થોડા મહિનામાં 5 હજાર રત્નકલાકારોને છૂટા કરાયા. પોલિશ્ડ ડાયમંડની માંગમાં વૈશ્વિક સ્તરે ઘટાડો થયો. ચીનમાં પણ કોરોના જે તે સમયે બેકાબૂ થતા માંગ ઘટી હતી. ક્રિસમસના સમયે પણ ખરીદી ઓછી થઈ હતી. સુરતમાં કેટલાક કારખાનેદારે ફેક્ટરી જ બંધ કરી દીધી. એક ફેક્ટરી બંધ થવાથી 300 જેટલા રત્નકલાકાર છૂટા થયા. ડાયમંડ વર્કર યુનિયનને પણ અનેક ફરિયાદો મળી હતી.
