જાણવા જેવું / એક પણ રૂપિયો ટોલ-ટેક્સ આપ્યા વગર કરી શકાશે સફર! Google મેપ્સની મદદથી કરો હજારોની બચત

• Google Maps કરાવશે હજારો રૂપિયાની બચત
• નહીં જોવી પડે ટોલ પર રાહ
• બિલકુલ સરળતાથી તમે જાણી શકશો તમારો સરળ રૂટ

જો તમે મુસાફરી દરમિયાન ટોલ પ્લાઝા પર ટેક્સ ભરીને કંટાળી ગયા છો અને તેનાથી તમે હવે બચવા ઇચ્છો છો અને હજારો રૂપિયા બચાવવા માંગો છો. તો હવે Google Maps તમારી માટે એક ખાસ ગિફ્ટ લઈને આવ્યું છે. આ સુવિધા તમને ખૂબ જ ઉપયોગી થશે અને તમને તે વધારે પસંદ પણ આવશે. તો જોઇશું કે આખરે શું છે આ ફીચર અને શું છે તેની ખાસિયત.

જણાવી દઈએ કે, ગૂગલ મેપ્સ ખૂબ જ મહત્વની અપડેટ લઇને આવ્યું છે, જેના કારણે તમે ટોલ પ્લાઝા પર જતા પહેલાં તેની પર ચૂકવવામાં આવેલ ટેક્સને ચેક કરી શકો છો અને નક્કી કરી શકો છો કે તમારે ત્યાંથી પસાર થવું છે કે નહીં. એ રીતે તમે ટોલના પૈસા બચાવી શકો છો. જો કે તમે વિચારી રહ્યાં છો કે તમે ટોલમાંથી પસાર નહીં થાઓ તો તમે ક્યાંથી પસાર થશો, તો તમને જણાવી દઇએ કે, તમે Google ને તમારો રૂટ બદલવા માટે કહી શકો છો કે જેથી કરીને તમે ટોલ લીધા વિના તમારા યોગ્ય સ્થાન સુધી પહોંચી શકો છો.

આ ફીચર એન્ડ્રોઇડ અને IOS બંને સ્માર્ટફોનમાં જોવા મળશે

તમને જણાવી દઇએ કે, આ ફીચર એન્ડ્રોઇડ અને IOS બંને સ્માર્ટફોનમાં જોવા મળશે. ભારતમાં તમે આ જ મહિનાથી આ ફીચરનો ઉપયોગ કરી શકશો અને ભારત એક માત્ર એવો દેશ છે કે જે અમેરિકા જાપાન અને ઇન્ડોનેશિયાની સાથે આ ફીચર હાંસલ કરનાર દેશ બન્યો છે. આ ફીચરથી ખરેખર યુઝર્સને રાહત મળશે અને તેઓને પોતાના મનપસંદ વધારે રૂટ પસંદ કરવામાં મદદ મળશે. આ ફીચરથી તમે વધારે બચત કરી શકશો અને પોતાના હિસાબથી ચાલી શકશો કે ટોલ આપવો કે નહીં અથવા તો પછી શું તમારો રૂટ બદલવો છે અને ગૂગલ તમારી મદદ કરશે.