BIG NEWS / 'ચાર ધામ યાત્રા': આ તારીખ સુધી નહીં થઇ શકે રજિસ્ટ્રેશન, સતત હિમવર્ષાને લઇ સરકારે જાહેર કરી એડ્વાઇઝરી

• 13 મે સુધી 1.45 લાખ યાત્રીએ કરાવ્યું રજીસ્ટ્રેશન 
• અત્યાર સુધી 1.75 લાખ શ્રદ્ધાળુઓએ કર્યા દર્શન
• 15 મે સુધી રજીસ્ટ્રેશન પર લગાવવામાં આવ્યો પ્રતિબંધ 

કેદારનાથ ધામની યાત્રા માટે રજીસ્ટ્રેશન પર હવે 15 મે સુધી રોક લગાવવામાં આવી છે. સંયુક્ત નિર્દેશક પર્યટન યોગેન્દ્ર ગંગવારે જણાવ્યું કે હવામાન વિભાગના પૂર્વાનુમાનને જોતા આ નિર્ણય લેવામાં આવ્યો છે. 

15 મે સુધી નવા રજીસ્ટ્રેશન પર રોક લગાવવામાં આવી છે. પરંતુ જે યાત્રી પહેલા રજીસ્ટ્રેશન કરાવી ચુક્યા છે તે યાત્રા કરી શકશે. જણાવી દઈએ કે 13 મે સુધી કેદારનાથ માટે 1.45 લાખ યાત્રી રજીસ્ટ્રેશન કરાવી ચુક્યા છે. 

કેદારનાથ ધામમાં 1.75 લાખ યાત્રી કરી ચુક્યા છે દર્શન 
ચારધામ યાત્રામાં અત્યાર સુધી દર્શન કરનાર તીર્થયાત્રીઓના આંકડા પાંચ લાખને પાર થઈ ચુક્યા છે. કેદારનાથ ધામમાં સૌથી વધારે 1.75 લાખ શ્રદ્ધાળુઓએ દર્શન કર્યા છે. 

પર્યટન વિભાગની તરફથી જાહેર રિપોર્ટ અનુસાર 22 એપ્રિલથી 7 મે સુધી કેદારનાથ, બદરીનાથ, ગંગોત્રી અને યમુનોત્રી ધામમાં 505286 લાખથી વધારે યાત્રીઓએ દર્શન કર્યા છે. તેમાં કેદારનાથ ધામમાં 1.75 લાખ, બદરીનાથમાં 1,18,116, ગંગોત્રીમાં 1.13 લાખ, યમુનોત્રી મંદિરમાં એક લાખ શ્રદ્ધાળુ દર્શન કરી ચુક્યા છે.