NULL / 34 વર્ષ બાદ મળ્યું દુર્લભ સોનાનું ઈંડુ 1983માં ઈંગ્લેન્ડમાં થયું હતું ગાયબ

વર્ષ 1983માં ગાયબ છયેલ વિશ્વનું દુર્લભ સોનાનું 13મું ઈંડુ આખરે મળી ગયું છે. ઉલ્લેખનીય છે કે 34 વર્ષ પહેલા જે દંપતિએ આ ઈંડુ ગાયબ કર્યું હતું તેમણે આ ઈંડુ વેંચી દીધુ. સૂત્રો પાસેથી મળતી માહિતી મુજબ આ દુર્લભ ઈંડાને લગભગ 20 હજાર પાઉન્ડ (16 64 440 રૂપિયા)માં વેંચી દેવાયું છે. ઉલ્લેખનીય છે કે 1983માં આ ઈંડાને પ્રદર્શનમાંથી ગાયબ કરી દેવામાં આવ્યું હતું. લગભગ 250 ગ્રામના આ ઈંડાને શોધવા માટે પુરા બ્રિટનમાં હજારો લોકોની પૂછતાછ કરવામાં આવી હતી. પરંતુ સરકાર તે સમયે ઈંડાની શોધ કરી શકી ન હતી. જોકે હવે આ ઈંડુ મળી ગયું છે. 

જોકે ઈંડાની સત્યતાને લઈ હજુ અધિકારીક રીતે નિવેદન જાહેર નથી કરવામાં આવ્યું. કહેવામાં આવી રહ્યું છે કે કદાચ આ ઈંડુ તે નથી જે 34 વર્ષ પહેલા ખોવાયું હતું. તમને જણાવી દઈએ કે આ એ 13મું દુર્લભ સોનાનું ઈંડુ છે જેને કેડબરી દ્વારા તૈયાર કરાવવામાં આવ્યું હતું. અસલમાં કંપનીએ ઈંડા પોતાના વેપારીઓને સન્માનિત કરવા માટે બનાવવામાં આવ્યા હતા. આના માટે કંપની ડ્રો સિસ્ટમ રાખતી હતી જેમાં જે વેપારીનું નામ આવે તેને આ ઈંડુ આપવામાં આવતું હતું. બીજી બાજુ આ ઈંડુ બનાવનાર જૂલરે કહ્યું કે ઈંડાની લંબાઈ લગભગ ત્રણ ઈંચ છે. જેનું વજન 323.6 ગ્રામ છે.