દાહોદ / યુવકે અધિકારીઓને ગાળો ભાંડી બોગસ વોટિંગ કર્યાનો આક્ષેપ, કોંગ્રેસના ઉમેદવાર ડૉ.પ્રભાબેને કરી ફરિયાદ

Lok Sabha Election 2024 : ગુજરાતમાં લોકસભા ચૂંટણી 2024ના ત્રીજા તબક્કાનું મતદાન ગઇકાલે પૂર્ણ થયા બાદ હવે દાહોદ લોકસભા મતવિસ્તારના સંતરામપુરના એક ગામમાં બુથ કેપ્ચરિંગની ઘટના સામે આવી છે. વાત જાણે એમ છે કે, મહિસાગરના સંતરામપુર તાલુકાના પરથમપુર ગામમાં બૂથને કેપ્ચર કરવામાં આવ્યું હતું. બુથ કેપ્ચરીંગની ઘટના વિજય ભાભોર નામના ઇસમે સોશિયલ મિડિયામાં લાઈવ કરી હતી. જેણે લઈ હવે કોંગ્રેસના ઉમેદવાર પ્રભાબેને જિલ્લા ચૂંટણી અધિકારીને ફરિયાદ કરી છે. આ તરફ બૂથ કેપ્ચરીંગના વાયરલ વાડિયો મામલે ચૂંટણી પંચે જિલ્લા કલેક્ટર પાસેથી રીપોર્ટ મંગાવ્યો છે.

દાહોદ લોકસભા મતવિસ્તારના મહિસાગરના સંતરામપુર તાલુકાના પરથમપુર ગામમાં લોકસભા ચૂંટણીના ત્રીજા તબક્કાના મતદાન દરમિયાન બૂથ કેપ્ચરીંગની ઘટના સામે આવી છે. વિગતો મુજબ વિજય ભાભોર નામના યુવકે બૂથમાં ઘૂસી EVM કેપ્ચર કર્યું હોવાનો અને અન્ય લોકો સાથે મળી બોગસ વોટિંગ પણ કર્યુ હોવાનો આક્ષેપ કર્યો છે. વિજય ભાભોરે બૂથના અધિકારીઓ અને કર્મચારીઓને ગાળો ભાંડી બોગસ વોટિંગ પણ કર્યુ હોવાનો આક્ષેપ થયો છે. આ તરફ બૂથ કેપ્ચરીંગની ઘટના વિજય ભાભોરે સોશિયલ મિડિયામાં લાઈવ કરી હતી.

વધુ વાંચો : 'મારા દીકરાના કારણે આવો સમય...', 40 લાખનું દેવું કરી માતા-પિતાએ પુત્રને વિદેશ મોકલ્યો, બાદમાં રઝળતા કરી દેતા આપઘાત કર્યો

કોંગ્રેસના ઉમેદવારે જિલ્લા ચૂંટણી અધિકારીને ફરિયાદ કરી

આ તરફ વિડીયો વાયરલ થતાં વિજય ભાભોરે સોશિયલ મીડિયા પરથી બૂથ કેપ્ચરીંગનો વિડીયો ડિલિટ કર્યો હતો. સમગ્ર ઘટનાને લઈ કોંગ્રેસના ઉમેદવાર ડો.પ્રભાબેન તાવિયાડે કલેકટરને ફરિયાદ કરી છે. જેને લઈ ફરિયાદ બાદ કલેક્ટર અને જિલ્લા ચૂંટણી અધિકારીએ તપાસ શરૂ કરી છે. આ બધાની વચ્ચે દાહોદમાં બૂથ કેપ્ચરીંગના વાયરલ વિડીયો મામલે ચૂંટણીપંચે રીપોર્ટ મંગાવ્યો છે. જેથી હવે ચૂંટણીપંચ રિપોર્ટને આધારે નિર્ણય લેશે. મહત્વનું છે કે, સ્થાનિક પોલીસે આરોપી યુવકની ધરપકડ કરી છે.