IPL 2024ની લીગ સ્ટેજ પોતાના છેલ્લા તબક્કામાં પ્રવેશ કરી ચુકી છે. બધી ટીમ ઓછામાં ઓછી 10 મેચ રમી ચુકી છે અને એવામાં પ્લેઓફની રેસ ખૂબ જ રસપ્રદ બનતી જઈ રહી છે.
સીઝનમાં 55 મેચ પુરી થઈ ચુકી છે અને લીગ સ્ટેજમાં ફક્ત 15 મેચ બાકી રહી છે. કલકત્તા નાઈટ રાઈડર્સ અને રાજસ્થાન રોયલ્સ બધા 16 પોઈન્ટની સાથે ક્રમશઃ પહેલા અને બીજા સ્થાન પર બીરાજમાન છે.
ત્યાં જ પોઈન્ટ્સ ટેબલમાં છેલ્લા નંબર પર બિરાજમાન ગુજરાત ટાઈટન્સના 8 પોઈન્ટ છે. આટલી મેચ પુરી થયા છતાં પ્લેઓફને લઈને કંઈ સ્પષ્ટ નથી થઈ શક્યું. આવો જાણીએ ક્યારે કઈ ટીમોની પાસે પ્લેઓફમાં જવાની તક છે.
આ ટીમોની પાસે ક્વોલીફાઈ કરવાની વધારે સંભાવના
KKR હાલ 16 પોઈન્ટની સાથે પોઈન્ટ ટેબલ પર ટોપ પર છે અને બાકી 3 મેચોમાં એક જીત કલકત્તાને પ્લેઓફમાં પહોંચાડી દેશે. જો KKR બીજી ત્રણ મેચ હારી પણ જાય તો તે નેટ રન-રેટ હોવાના કારણે ટીમ ટોપ-4માં બની રહેશે. ત્યાં જ રાજસ્થાન રોયલ્સના સાથે પણ કંઈક આવી જ સ્થિતિ છે.
સંજૂ સેમસનની સેના બીજી 4 મેચોમાંથી એક મેચ જીતીને પ્લેઓફમાં જગ્યા બનાવી શકે છે. આ વચ્ચે CSK હાલ 12 પોઈન્ટ છે અને તેની 3 મેચ બાકી છે અને ચેન્નાઈ બધી મેચ જીતીને ટોપ-4માં જ્યા પાક્કી કરી લેશે. પરંતુ ચેન્નાઈ ફક્ત 1 મેચ જીતને પણ પ્લેઓફમાં જઈ શકે છે.
આવી સ્થિતિમાં આવવા પર ચેન્નાઈને બીજી ટીમો પર નિર્ભર રહેવું પડશે. ચેન્નાઈની જેમ SRHના પણ 12 પોઈન્ટ છે. પરંતુ ખરાબ નેટ રન-રેટના કારણે હૈદરાબાદને બાકી ત્રણ મેચ જીતવી પડશે.
આ ટીમો પણ ફસાયેલી
LSGના પણ હાલ 12 પોઈન્ટ છે અને તેની 3 મેચ બાકી છે. લખનૌઉને ક્વોલીફાઈ કરવા માટે પોતાની ત્રણ મેચ જીતવી પડશે. કારણ કે ટીમના નેટ રન-રેટ ખૂબ જ કમજોર છે. દિલ્હી કેપિટલ્સની 3 મેચ બાકી છે અને ત્રણેયમાં જીત નોંધાવવા પર તેમના 16 પોઈન્ટ જ થશે. આ ત્રણેય મેચ દિલ્હી માટે મહત્વપૂર્ણ છે અને એક મેચ હારવા પર પણ DC જો અને તોના ચક્કરમાં ફસાઈ શકે છે.
4 ટીમ બહાર થવાના આરે
4 ટીમો એવી પણ છે જે IPL 2024માં પ્લેઓફની રેસથી લગભગ બહાર થઈ ચુકી છે. RCB ગુજરાત ટાઈટન્સ અને પંજાબ કિંગ્સના હાલ 8 પોઈન્ટ છે. જો બેંગ્લોર, ગુજરાત અને પંજાબ પોતાની બધી મેચ પણ જીતે તો પણ તેમને પ્લેઓફ માટે ક્વોલીફાઈ કરવા અન્ય ટીમો પર નિર્ભર રહેલું પડશે.
વધુ વાંચો: MS Dhoni અને ઋતુરાજ ગાયકવાડ સહિત CSKના ખેલાડીઓએ સેલીબ્રેટ કર્યો 'બેટ ડોક્ટર'નો બર્થ ડે, જુઓ VIDEO
આ 3 ટીમ એક મેચ હારતા ટોપ-4ની રેસથી બહાર થઈ જશે. ત્યાં જ મુંબઈ ઈન્ડિયન્સની ફક્ત 2 મેચ બાકી છે અને ટીમ હજુ પણ જો અને તોના ચક્કરમાં છે. બન્ને મેચ જીતવા પર પણ મુંબઈને પ્લેઓફ માટે ક્વોલીફાઈ કરવું ખૂબ જ મુશ્કેલ છે.
