Canada Startup visa update: ગુજરાતીઓને વિદેશ જવાનું ઘેલુ લાગ્યુ છે. વિવિધ વિઝાઓ પર ગુજરાતીઓ પરિવાર સાથે વિદેશમાં જઇ રહ્યા છે. હજુ પણ ઘણા લોકોને વિદેશ જવું છે પરંતુ પુરતિ માહિતી નહી મળી રહેતા મુઝવણમાં હોય છે. તેમના અનેક સવાલો હોય છે. ખાસ કરીને ગુજરાતીઓ યુએસ અને કેનેડા જવાનું વધુ પસંદ કરે છે. કેનેડામાં સ્ટડી પતાવીને વર્ક વિઝા પર હોવ કે ગુજરાતથી કેનેડા વર્ક વિઝા પર ગયા હોય તેની એક લિમીટ હોય છે. પરંતુ દરેક દેશ વિઝા પોલીસીમાં ફેરફાર કરતા રહે છે જે જાણવું જરૂરી છે.
અત્યારે કેનેડાનો સ્ટાર્ટઅપ વિઝા પ્રોગ્રામમાં ફેરફાર કરાયા છે. હવે 30 એપ્રિલથી આ સ્કિમ હેઠળ જે કોઈપણ કેનેડા ગયું હશે તેને PR લેવામાં મુશ્કેલી આવી શકે છે. નિયુક્ત કરાયેલી સંસ્થા દીઠ માત્ર 10 સ્ટાર્ટઅપ્સ જ અરજી કરી શકે છે. જાહેર કરાયેલી એડવાઈઝરીમાં એવું પણ જણાવાયું હતું કે એવા લોકોની અરજીને પહેલા પ્રાધાન્ય મળશે કે જેમના સ્ટાર્ટઅપમાં કેનેડિયન કેપિટલ ઈન્વેસ્ટ હોય અથવા કેનેડાના ટેક નેટવર્ક સાથે જોડાયેલી કોઈ કંપની કે વ્યક્તિ મેમ્બર હોય. કેનેડાએ ગત વર્ષે જુલાઈ મહિનામાં સ્ટાર્ટ અપ વિઝા પ્રોગ્રામને વધારે આકર્ષક કરવા માટેનાં પ્રયાસો કર્યા હતા.
પરંતુ હવે નિયમોમાં ફેરફાર કરવામાં આવ્યા છે. જેની અસર થઇ શકે છે. 30 એપ્રિલથી કેનેડાએ આ સ્કિમ હેઠળ કેનેડામાં આવ્યા હોય અને PR માટેની અરજી કરવી હોય તેની સંખ્યાને પણ સીમિત કરી દેવામાં આવી છે. ઇમિગ્રેશન રેફ્યુજીસ એન્ડ સિટીઝનશીપ કેનેડાએ જણાવ્યું હતું કે આ બધુ બેકલોગ ઘટાડવા અને ફાઇલ કરાયેલી અરજીઓના પ્રોસેસિંગ સમયમાં સુધારો કરવા માટે છે.
આની સાથે તેમને એક અથવા વધુ ડેઝિગ્નેટેડ પાર્ટનર્સ જેમ કે વેન્ચર કેપિટલ ફંડ્સ, એન્જલ રોકાણકાર જૂથો (જેમને અનુક્રમે ઓછામાં ઓછા 20 હજાર કેનેડિયન ડોલર અને 75,000 કેનેડિયન ડોલર રોકાણ કરવાની જરૂર છે) તરફથી સમર્થન અથવા બિઝનેસ ઇન્ક્યુબેટર દ્વારા પ્રોગ્રામમાં સ્વીકૃતિ આવશ્યક છે.
વધુ વાંચો: ભારતીય વિદ્યાર્થીઓ માટે કેનેડાનાં આ 5 શહેર રહેવા માટે સસ્તા, જાણો એક મહિનામાં કેટલો ખર્ચ થાય
આ વાતનું ધ્યાન રાખો
તમારી જે વર્ક વિઝાની પરમિટ છે તે સાથે રાખવી જરુર છે, કારણ કે જ્યારે તમે વર્ક વિઝા પર હોવ અને કેનેડાથી ગુજરાત કે દેશના અન્ય ભાગમાં રહેલા તમારા ઘરે જાવ છો ત્યારે વાંધો નથી આવતો પરંતુ જ્યારે તમે ફરી કેનેડાની ધરતી પર પગ મૂકો છો ત્યારે તમારી પાસે ઈમિગ્રેશન તપાસ દરમિયાન કેટલાક પૂરાવાની માગણી કરવામાં આવતી હોય છે અને આ સમયે તમારે એ દર્શાવવું પડે છે કે તમે કેનેડા છોડીને ગયા હતા પરંતુ પાછા આવવાનું તમારી પાસે ચોક્કસ કારણ છે.
