રાજસ્થાન / VIDEO : ટ્રકવાળાના ખોટી રીતના યુટર્નથી ઘરના 6 લોકો મર્યાં, ટાબરિયાં બચ્યાં, હાઈવે પર એલર્ટ

ટ્રકવાળાનો ખોટી રીતનો યુટર્ન આખો પરિવારને ભરખી ગયો. રાજસ્થાનના સવાઈ માધોપુરમાં કાર અને ટ્રક વચ્ચે થયેલા એક્સિડન્ટમાં બે સગા ભાઈનો આખો પરિવાર હોમાઈ ગયો હતો. દિલ્હી-મુંબઈ એક્સપ્રેસ વે પર ટ્રકવાળા ખોટી રીતે યુ ટર્ન મારવા ગયો હતો ત્યારે સામેથી પૂરપાટ આવી રહેલી કાર તેની સાથે અથડાઈ હતી અને તેમાં બેઠેલા બે પરિવારના 6 લોકો માર્યાં ગયાં હતા. એક્સપ્રેસ વેના સીસીટીવી ફૂટેજ અનુસાર, કાર પાછળથી આવી રહી હતી ત્યારે ટ્રક ડ્રાઇવરે ખોટો યુ-ટર્ન લેતા આ અકસ્માત સર્જાયો હતો, જે બાદમાં તેમાં ઘુસી ગઈ હતી. આ અકસ્માત રાજસ્થાનના સવાઈ માધોપુર જિલ્લામાં બનાસ નદીના પુલ પાસે થયો હતો, જ્યારે આ પરિવાર સીકર જિલ્લાથી રણથંભોરના ત્રિનેત્ર ગણેશ મંદિર તરફ જઈ રહ્યો હતો.

કોણ છે મૃતકો

પીડિતોની ઓળખ મનીષ શર્મા, તેની પત્ની અનિતા શર્મા, સતીષ શર્મા, પૂનમ, તેની કાકી સંતોષ અને તેના મિત્ર કૈલાશ તરીકે થઈ છે. મનન અને દીપાલી નામના બે બાળકો ગંભીર રીતે ઘાયલ થયા હતા. મુખ્યમંત્રી ભજનલાલ શર્મા અને તેમના ઉપ મુખ્યમંત્રી દીયા કુમારીએ આ ઘટના પર શોક વ્યક્ત કર્યો છે.

વધુ વાંચો : પાટણની પ્રીતિ પરમાર 'આપઘાત'થી પ્રેમીને પરણી ! ભાભીને સુસાઈડ નોટ મોકલી, પછી મોટો ટ્વિસ્ટ

હાઈવે પર એલર્ટ રહો

કાર ડ્રાઈવિંગ કરતી વખતે એલર્ટ રહેવાની જરુર છે. કોઈ પણ સમયે એક્સિડન્ટ થઈ શકે છે. ક્યારેક સામેવાળાની ભૂલને કારણે પણ એક્સિડન્ટ થઈ શકે છે.