ટેક / Xiaomi લાવશે પાવરફુલ સ્માર્ટફોન, ભારતમાં ફર્સ્ટ ટાઈમ લોન્ચ થશે આ સીરીઝ

Xiaomi ની Redmi બ્રાન્ડ ભારતમાં એક નવો સ્માર્ટફોન Redmi Turbo 5 લોન્ચ કરશે. આ હેન્ડસેટ 16 જૂને ભારતમાં લોન્ચ થશે. આ પહેલી વાર છે જ્યારે Xiaomi એ ભારતમાં Turbo સીરીઝનો સ્માર્ટફોન લોન્ચ કર્યો છે. પહેલા આ સીરીઝ ચાઈનામાં લોન્ચ કરવામાં આવી હતી. ઓફીશીયલ લોન્ચ પહેલા હેન્ડસેટના સ્પેસિફિકેશન જાહેર કરવામાં આવ્યા છે. ઓફીશીયલ પોર્ટલ પર એક પેજ બનાવવામાં આવ્યું છે, જેમાં અમુક સ્પેસિફિકેશન જાહેર કરવામાં આવ્યા છે.

• આ એક પર્ફોમન્સ ફોક્સ્ડ સ્માર્ટફોન

Redmi Turbo 5 એક પર્ફોમન્સ ફોક્સ્ડ સ્માર્ટફોન હશે. જેમાં ડિસ્પ્લેથી લઈને બેટરી અને પ્રોસેસર સુધીના તેના ઇન્ટર્નલ પાર્ટ વિષે ડીટેલ જાહેર કરવામાં આવી છે. Redmi Turbo 5 માં 1.5K રિઝોલ્યુશન ડિસ્પ્લે હશે જેનો રિફ્રેશ રેટ 120Hz છે. જેમાં ફુલ HD+ પેનલ આવે છે.

• કેમેરા સેટઅપ

Redmi Turbo 5 માં પાછળના ભાગમાં 50MP પ્રાઈમરી કેમેરા આવશે, જે OIS અને EIS સપોર્ટ સાથે આવે છે. 8-મેગાપિક્સલનો અલ્ટ્રા-વાઇડ-એંગલ લેન્સ આપવામાં આવશે. આ સિવાય 20 મેગાપિક્સલનો ફ્રન્ટ કેમેરા પણ આપવામાં આવશે. Redmi Turbo 5 મીડિયાટેક 8500 અલ્ટ્રા ચિપસેટ દ્વારા સંચાલિત હશે. તેની સાથે વર્ચ્યુઅલ રેમ સહિત 24GB રેમ આવશે.

વધુ વાંચો : 20,000 થી વધારે Insta એકાઉન્ટ હેક! ખુદ Metaએ કબૂલ્યું કે....! રિપોર્ટમાં દાવો

• Redmi Turbo 5ની કિંમત કેટલી ?

Redmi Turbo 5 ની કિંમત અંગે કોઈ ઓફીશીયલ માહિતી આપવામાં આવી નથી. પણ ઓફીશીયલ પોર્ટલ અનુસાર આ ફોન Vivo V70 અને Oppo Reno 15 સાથે કોમ્પિટિશન કરશે. Redmi Turbo 5 ની કિંમત તેની બેંક ઑફર્સ સાથે ઓફીશીયલ લોન્ચ સમયે જાહેર કરવામાં આવશે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ