આ કંપની માત્ર 20 રૂપિયામાં આપી રહી છે 1GB ડેટા

ગત વર્ષે જિયો માર્કેટમાં આવતાની સાથે જ ટેલિકૉમ કંપનીઓને ડેટા વૉર ચાલી રહ્યો છે. જિયો પછી એરટેલ વોડાફોન અને એરસેલ જેવી કંપનીઓ તમામ ઑફર્સ આપી રહી છે અને આ વચ્ચે બેંગલૂરૂની એક કંપનીએ શાનદાર ઑફર લોન્ચ કરી છે. આ કંપનીનું નામ Wifi Dabba છે જે માત્ર 20 રૂપિયાના 1 GB ડેટા આપી રહી છે. તમને જણાવી દઇએ કે આ કંપની છેલ્લા 13 મહિનાથી બેંગલૂરૂમાં સર્વિસ આપી રહી છે.

એક રિપોર્ટ અનુસાર આ કંપની હાલમાં 3 ડેટા ઑફર્સ આપી રહી છે જેમાં 2 રૂપિયા 10 રૂપિયા અને 20 રૂપિયાનો પ્લાન શામિલ છે. 2 રૂપિયાના પ્લાનમાં 100MB 10 રૂપિયામાં 500MB અને 20 રૂપિયાના પ્લાનમાં 1GB ડેટા મળશે. આ તમામ પ્લાનની વેલિડિટી 24 કલાકની છે.

જે યૂઝર્સ ડેટા પેક લેવા ઇચ્છે છે તેણે ચાની દુકાન અને નાની-મોટી દુકાનો પર મળી રહેલા પ્રી-પેડ કૂપનને ખરીદવાની રહેશે. કૂપનને તમારા ફોન પર એક OTPની મદદથી રિચાર્જ કરવાનું રહેશે અને તે પછી ડેટા મળી જશે.

કંપનીના ફાઉન્ડરે જણાવ્યુ કે Wifi Dabba 100-200ના દાયરામાં 50Mbpsની સ્પીડ મળશે. આ માટે કંપનીએ 350થી વધારે Wifi રાઉટર્સ સ્થાપિત કર્યા છે કંપનીએ સારી સર્વિસ માટે લોકલ કેબલ ઑપરેટર્સની સાથે પાર્ટનરશિપ કરી છે.