કામની ટિપ્સ / હવે દિવસ-રાત YouTube ચલાવી શકશો, ક્યારેય ખતમ નહીં થાય Internet ડેટા, બસ કરી લો આ સેટિંગ

આજ કાલ લોકો તેમનો ફ્રી સમય મોટા ભાગે ઈન્ટરનેટ પર પસાર કરે છે. તેમાં યૂટ્યુબના વીડિયો લોકો ખૂબ જોવાનું પસંદ કરે છે. જેમાં એજ્યુકેશનથી લઈ સોંગ, મૂવી તમામ પ્રકારનાં વીડિયો લોકો જોતા હોય છે. એવામાં ઇન્ટરનેટ ખતમ થઈ જવાની સમસ્યા વારંવાર આવતી હોય છે. જેથી લોકો યૂટ્યુબનો કોઈ વીડિયો નથી જોઈ શકતા. આ માટે યુટયુબે એક સુવિધા આપી છે જે ફીચરનો ઉપયોગ કરી તમે ઇન્ટરનેટ વગર પણ વીડિયો જોઈ શકો છો.

ડાઉનલોડ ઓફલાઈન

ઇન્ટરનેટ વગર યૂટ્યુબનો વીડિયો જોવા ઓફલાઈન વીડિયોની સુવિધા આપી છે. તમે જ્યારે ઓનલાઇન હોય ત્યારે ફોનમાં તમે યૂટ્યુબનો વીડિયો ડાઉનલોડ કરી શકો છો. આ વીડિયો ડાઉનલોડ થયા બાદ તેને તમે ગમે ત્યારે જોઈ શકો છો. તેનાથી તમારો ડેટા પણ યુઝ નહીં થાય. જે લોકો વારંવાર યૂટ્યુબનો ઉપયોગ કરે છે તેમના માટે આ ફીચર ખૂબ ઉપયોગી છે.

આવી રીતે ઓફલાઈનમાં જોઈ શકાય વીડિયો

• જે વીડિયોને તમે ઓફલાઈન જોવા માંગો છો તેને ઓન કરો
• વીડિયોમાં નીચે ડાઉનલોડનો ઓપ્શન નજર આવશે તેની પર ક્લિક કરવું
• તમે કઈ ક્વોલિટીમાં વીડિયો જોવા માંગો છો તે ક્વોલિટી પસંદ કરો
• તમે Low (144P), Medium (360P), High (720P), Full HD (1080P) ક્વોલિટી પસંદ કરી શકો છો.
• ડેટા બચાવવા તમે Low કે Medium ક્વોલિટીમાં વીડિયો સેવ કરી શકો છો.

વધુ વાંચો: જૂનો સ્માર્ટફોન સારી કિંમતે વેચવો છે? આ 4 ટિપ્સ લાગશે કામ, ધાર્યા કરતાં વધારે મળશે રૂપિયા

કેટલા વીડિયો ડાઉનલોડ કરી શકાય?

તમે યૂટ્યુબમાં ગમે તેટલા વીડિયો ડાઉનલોડ કરી શકો છો. તમારા ફોન કે બીજી કોઈ ડીવાઇસમાં સ્ટોરેજ મુજબ તમે વીડિયો ડાઉનલોડ કરી શકો છો. જેટલી વધુ સ્ટોરેજ હશે તેટલા વધું વીડિયો ડાઉનલોડ કરી શકાશે.