આજકાલની ફાસ્ટ ફોરવર્ડ લાઈફ સ્ટાઈલને તમે બદલી તો ન શકો પરંતુ અમુક સારી આદતોને જો તમે અપનાવી લો તો બીમારીઓ તમારાથી ખૂબ જ દૂર રહેશે. તમે પોતાની જાતને સ્વસ્થ્ય રાખવા માટે સારી ડાયેટની સાથે રોજ ફક્ત એક કલાક પોતાની માટે કાઢો અને એક્સરસાઈઝ થવા તો યોગ કરવાનું શરૂ કરો. જાણો કયા યોગાસન કરવાથી તમે હાઈ બીપી, શુગર અને હાર્ટની બીમારીઓથી બચી શકો છો.
આ પ્રાણાયામ છે અસરકારક
ભસ્ત્રિકા
ભસ્ત્રિકા પ્રાણાયામ તમારા ફેફસાની સાથે લીવર અને કિડનીને પણ હેલ્ધી બનાવે છે. સાથે જ તેને કરવાથી ડાયાબિટીઝ, સ્થૂળતા અને શ્વાસ સાથે જોડાયેલા રોગ કંટ્રોલ કરી શકાય છે. મસલ્સ સાથે જોડાયેલી બીમારીમાં ભસ્ત્રિકા પ્રાણાયામ ખૂબ જ ફાયદાકારક માનવામાં આવે છે.
અનુલોમ-વિલોમ
અનુલોમ વિલોમ એક એવું પ્રાણાયામ છે જેનો અભ્યાસ કરવાથી હાર્ટ બ્લોકેજની સમસ્યા દૂર થાય છે. આ આસનના ઘણા ગંભીર સ્વાસ્થ્ય સમસ્યાઓ, જેમ કે હૃદય રોગ, હાઈ બીપી, સંધાના દુખાવાથી રાહત આપે છે. જો યોગ્ય રીતે અનુલોમ વિલોમનો અભ્યાસ કરવામાં આવે તો કોઈ બીમારીઓ તમારી આસપાસ પણ નહીં ભટકે.
કપાલભાતિ
કપાલભાતિ પ્રાણાયામના અભ્યાસથી ફેફસા, લીવર અને પેનક્રિયાઝની સાથે હાર્ટ સાથે જોડાયેલી બીમારી પણ દૂર થાય છે. આ આસન ફક્ત કોલેસ્ટ્રોલને ઓછુ કરવાની સાથે નસોના બ્લોકેજને પણ દૂર કરવામાં ખૂબ જ મદદ કરે છે.
વધુ વાંચો: આ કંપનીના IPOનું શેરબજારમાં ધમાકેદાર લિસ્ટિંગ, પહેલા જ દિવસે રોકાણકારોના રૂપિયા થયા ડબલથી વધારે
ઉજ્જાયી પ્રાણાયામ
ઉજ્જાયી પ્રાણાયામથી હાઈ બ્લડ પ્રેશરની સમસ્યામાં ખૂબ જ આરામ મળે છે. સાથે જ આ આસન તમને આખો દિવસ ઉર્જાથી ભરપૂર રાખે છે.
