મહામંથન: ગુજરાત જ્યારથી અલગ થયું ત્યારથી એકંદરે મતદાનની ટકાવારી 50 થી 60 ટકા આસપાસ રહી. 1967ને બાદ કરતા ગુજરાતમાં સરેરાશ મતદાન 60 ટકા જેટલું રહ્યું
Share
લોકશાહીમાં મતદાર રાજા છે એવું મતદાનના દિવસ પુરતું તો આપણે કહી શકીએ. લોકસભા ચૂંટણીમાં ત્રીજા તબક્કાનું મતદાન છે જેમાં ગુજરાતની તમામ લોકસભા બેઠક અને 5 વિધાનસભા બેઠક સમાવિષ્ટ છે. અહીં ચર્ચાનો વિષય એ છે કે મતદાનનું મહાપર્વ ઉત્કૃષ્ટ રીતે ઉજવાય તે માટે મતદાર શું કરી શકે. ગુજરાત જ્યારથી અલગ થયું ત્યારથી એકંદરે મતદાનની ટકાવારી 50 થી 60 ટકા આસપાસ રહી. 1967ને બાદ કરતા ગુજરાતમાં સરેરાશ મતદાન 60 ટકા જેટલું રહ્યું. 2014માં નરેન્દ્ર મોદી પ્રધાનમંત્રી પદના ઉમેદવાર જાહેર થયા તે સમયે રાજ્યમાં મતદાનમાં વધારો થયો જે ક્રમ 2019 સુધી જળવાઈ રહ્યો છે. પરંતુ એકંદરે ગુજરાતમાં એ તાસિર રહી કે શહેરી વિસ્તારની સરખામણીએ અંતરિયાળ વિસ્તારમાં મતદાનની ટકાવારી વધારે રહી. એક તરફ જ્યાં ભાવનગર, રાજકોટ જેવા શહેરી વિસ્તાર છે કે જ્યાં સરેરાશ મતદાન પણ 60 ટકાએ પહોંચ્યું નથી ત્યારે બીજી તરફ ભરૂચ, બારડોલી કે છોટાઉદેપુર જેવા અંતરિયાળ વિસ્તાર દરેક ચૂંટણીમાં 70 ટકાથી વધુ મતદાનના આંકડા દર્શાવતા રહ્યા. અહીં સવાલ એ છે કે લોકશાહીનું મહાપર્વ દેશ ઉજવી રહ્યો છે ત્યારે મતદાનમાં પણ ગુજરાત દાખલો બેસાડે એવું કઈ રીતે બને. સામાન્ય ગુજરાતીની મતદાનમાં ભાગીદારી કેવી રીતે વધે?, ઉમેદવાર કે પક્ષના ક્યા મુદ્દાને સરેરાશ મતદાર ધ્યાને લે છે?
ADVERTISEMENT
7મેના રોજ મતદાન
ADVERTISEMENT
ગુજરાતની તમામ લોકસભા બેઠક ઉપર 7મેના રોજ મતદાન છે. ગુજરાતની 5 વિધાનસભાની પેટાચૂંટણી માટે પણ મતદાન થશે. મતદાન માટેની તમામ તૈયારીઓ પૂર્ણ થઈ ગઈ છે. ઉમેદવારોના ભાવિ EVMમાં સીલ થશે. મતદાનની દ્રષ્ટિએ ગુજરાત ઉદાહરણ બને એ જરૂરી છે. મતદાનમાં ગુજરાત દાખલો બેસાડશે કે કેમ?
