સેન્સેક્સ અને નિફ્ટી 7 મે મંગળવારે સતત ત્રીજા દિવસે નુકસાન સાથે બંધ થયો છે. સેન્સેક્સ 384 પોઈન્ટ તૂટ્યો. જેના કારણે આજે શેરબજારમાં રોકાણકારોને આશરે રૂ.5 લાખ કરોડનું નુકસાન થયું હતું. બજારમાં ચારેબાજુ ઘટાડો જોવા મળ્યો હતો. BSE મિડકેપ ઈન્ડેક્સ 1.90 ટકા ઘટીને બંધ થયો હતો, જ્યારે સ્મોલકેપ ઈન્ડેક્સ 1.65 ટકા ઘટીને બંધ થયો હતો. FMCG અને IT સિવાય, અન્ય તમામ ક્ષેત્રીય સૂચકાંકો પણ લાલ નિશાનમાં બંધ થયા છે. રિયલ્ટી ઇન્ડેક્સમાં સૌથી વધુ 3.41 ટકાનો ઘટાડો જોવા મળ્યો છે. આ સિવાય મેટલ, ઓઇલ એન્ડ ગેસ, પાવર અને યુટિલિટી શેરના સૂચકાંકો 2 ટકાથી વધુ ઘટીને બંધ થયા છે. ટ્રેડિંગના અંતે, BSE સેન્સેક્સ 383.69 પોઈન્ટ અથવા 0.52% વધીને 73,511.85 પર બંધ રહ્યો હતો. જ્યારે NSE નો 50 શેરો વાળા ઈન્ડેક્સ નિફ્ટી 141.25 પોઈન્ટ અથવા 0.63% ના ઘટાડા સાથે 22,301.45 ના સ્તર પર બંધ થયા છે.
રોકાણકારોને ₹4.95 લાખ કરોડનું નુકસાન થયું છે
BSE પર લિસ્ટેડ કંપનીઓની કુલ માર્કેટ કેપિટલાઇઝેશન આજે 7 મેના રોજ ઘટીને રૂ. 398.44 લાખ કરોડ થઈ હતી, જે તેના અગાઉના ટ્રેડિંગ ડે એટલે કે સોમવાર, 6 મેના રોજ રૂ. 403.39 લાખ કરોડ હતી. આ રીતે BSEમાં લિસ્ટેડ કંપનીઓના માર્કેટ કેપમાં આજે રૂ. 4.95 લાખ કરોડનો ઘટાડો થયો છે. અથવા બીજા શબ્દોમાં કહીએ તો રોકાણકારોની સંપત્તિમાં લગભગ રૂ. 4.95 લાખ કરોડનો ઘટાડો થયો છે.
બે કલાક દરમ્યાન સેન્સેક્સમાં 600 નો કડાકો
શેર બજારમાં સેન્સેક્સમાં ઘટાડાનો સિલસીલો યથાવત રહ્યો હતો. ત્યારે ત્રીજા દિવસે પણ વેપારનાં દિવસે બોમ્બે સ્ટોક એક્ષ્ચેન્જ તેમજ નેશનલ સ્ટોક એક્ષ્ચેન્જ પર નિરાશા જનક શરૂઆત થયા બાદ અચાનક ઘટાડો નોંધાયો હતો. બે કલાક દરમ્યાન સેન્સેક્સ 600 થી વધુ જ્યારે નિફ્ટી 200 થી વધુનો ઘટાડો નોંધાયો હતો.
સેન્સેક્સમાં અચાનક 600 પોઈન્ટ્સનો ઘટાડો થયો
મંગળવારે સેન્સેક્સમાં અચાનક 600 પોઈન્ટ્સનો ઘટાડો થયો હતો. BSE સેન્સેક્સ 73,973 ના સ્તરે મામૂલી વધારા સાથે ખુલ્યો હતો. પરંતુ થોડા સમય પછી તેનો ટ્રેન્ડ બદલાઈ ગયો અને ઉછાળો અચાનક પતનમાં ફેરવાઈ ગયો. આટલું જ નહીં, આ ઘટાડો સતત વેગ પકડતો રહ્યો. સોમવારે છેલ્લા ટ્રેડિંગ દિવસે BSE ઈન્ડેક્સ 73,895.54 ના સ્તર પર બંધ થયો હતો. સમાચાર લખાય છે ત્યાં સુધી સેન્સેક્સ 611.49 પોઈન્ટ અથવા 83 ટકાના ઘટાડા સાથે 73,284.05 ના સ્તર પર ટ્રેડ કરી રહ્યો હતો.
માર્કેટમાં પ્રોફિટ બુકિંગની અસર જોવા મળી રહી છે
જો આપણે શેરબજારમાં ઘટાડા માટેના કારણોની વાત કરીએ તો માર્કેટમાં ઘટાડા પાછળ પ્રોફિટ બુકિંગની મોટી ભૂમિકા રહી છે. આ ઉપરાંત, છેલ્લા કેટલાક દિવસોમાં, ઘણી મોટી કંપનીઓએ તેમના ત્રિમાસિક પરિણામો જાહેર કર્યા છે અને તેમાંથી ઘણી શેરબજારમાં સારી રહી નથી. જેમાં ટાટા ગ્રુપની ટાઇટન કંપની જેવા મોટા નામોનો સમાવેશ થાય છે. ચોથા ક્વાર્ટરના પરિણામો બાદ તેના શેરમાં સતત ઘટાડો જોવા મળી રહ્યો છે.
જો આપણે NSEના કામચલાઉ ડેટા પર નજર કરીએ તો, વિદેશી સંસ્થાકીય રોકાણકારો (FII) એ સોમવારે ચોખ્ખા ધોરણે રૂ. 2168 કરોડના શેરનું વેચાણ કર્યું હતું, જ્યારે સ્થાનિક રોકાણકારોએ રૂ. 781.39 કરોડના શેર ખરીદ્યા હતા.
