પ્રાઇવેટ સેક્ટરની કંપનીઓની વચ્ચે ડેટા વોર ચાલુ છે. દરેક કંપની યૂઝર્સને આકર્ષવા માટે દરરોજ સસ્તો પ્લાન માર્કેટમાં ઊતારી રહી છે. હવે આ ડેટા વોરમાં સાર્વજનિક ક્ષેત્રની દૂરસંચાર કંપની એમટીએનએવ પણ સામેલ થઇ ગઇ છે. MTNLએ પોતાના યૂઝર્સ માટે એક નવો ધમાકેદાર ટેરિફ પ્લાન રજૂ કર્યો છે. કંપનીના આ નવા પ્લાનની કિંમત 197 રૂપિયા છે.
કંપનીએ આ પ્લાનમાં 28 દિવસ સુધી દરરોજ 1 GB ડેટા અને બધા નેટવર્ક પર અનલિમિટેડ કોલિંગ ફ્રી મળી રહી છે. આ પ્લાનની ખાસ વાત એ છે કે આ પ્લાનમાં કોલિંગ માટે કોઇ સમયમર્યાદા નથી. એટલે કે તમે અનલિમિટેડ કોલિંગ કરી શકશો પરંતુ આ પ્લાનમાં એ સમસ્યા છે કે એમાં માત્ર તમે એમટીએનએલના નેટવર્ક પર જ અનલિમિટેડ કોલિંગ કરી શકશો. આ પ્લાનમાં 300 મેસેજ પણ મળશે. જણાવી દઇએ કે કંપનીએ આ પ્લાન માત્ર મુંબઇ અને દિલ્હી યૂઝર્સ માટે રજૂ કર્યો છે.
197 રૂપિયાના આ ટેરિફ પ્લાનને રજૂ કર્યા બાદ એમટીએનએલ એક માત્ર એવી કંપની બની ગઇ છે જે જિયો અને એરટેલથી પણ ઓછી કિંમતમાં વધારે ફાયદા વાળો ટેરિફ પ્લાન રજૂ કરી રહી છે. તમને જણાવી દઇએ કે 197 રૂપિયાના આ પ્લાનને કંપનીએ આ વર્ષે ફેબ્રુઆરીમાં ટ્રાયલ રૂપમાં 90 દિવસ માટે રજૂ કર્યો હતો. ત્યારે આ પ્લાનને ખૂબ જ પસંદ કરવામાં આવ્યો હતો. લોકોના સારા રિસપોન્સ બાદ કંપનીએ એને યૂઝર્સ માટે પરમેનેન્ટ લોન્ચ કરી દીધો.
