ઓટો મોબાઈલ / ઓ બાપ રે! કાર પર ધૂળ હશે તો થશે 11 હજારનો દંડ, અહીં લાગુ છે નિયમ

સંયુક્ત આરબ અમિરાતમાં ટ્રાફિકને લઈ ખૂબ કડક નિયમો છે. જો કોઈ તેના નિયમનું ઉલ્લંઘન કરે તો ભારે સજાની જોગવાઈ છે. અહીંયા હીટ એન્ડ રન કેસમાં 56 લાખ જેટલા રુપિયાનો દંડ થઈ શકે છે. પરંતુ તમે એવુ સાંભળ્યુ છે કે, તમારુ વાહન મેલુ એટલે કે ગંદુ હોય તો પણ ચણન ભરવાનો વારો આવે ? પરંતુ સંયુક્ત આરબ અમિરાતના દુબઈમાં ટ્રાફિકના નિયમ એટલા કડક છે કે ત્યાં લોકોને ગંદી ગાડી પર પણ દંડ થાય છે. જો દુબઈમાં કોઈ વ્યક્તિ તેની ગંદી ગાડી પબ્લિક પાર્કિંગ કે રોડ પર રાખે છે તો તેને 500 દિરહમ એટલે કે, 11 હજાર રુપિયા દંડ સ્વરુપે ભરવા પડી શકે છે. દુબઈમાં આ નિયમ વર્ષ 2019માં જ લાવી દેવામાં આવ્યો હતો.

આ કારણે બન્યો હતો નિયમ

દુબઈમાં એક સમસ્યા વારંવાર સામે આવી રહી હતી. જેમાં લોકો પોતાની ગાડી રોડની સાઈડમાં પાર્ક કરીને ઘણા દિવસો માટે બહાર ફરવા જતા રહેતા હતા. અનેક દિવસો સુધી ગાડીઓ પડી રહેતી હોવાથી તેની પર ધુળ જામી જતી. આ કારણે જ દુબઈમાં ધુળ જામેલા વાહનો પર દંડ વસુલવાનું શરુ કરાયુ હતુ.

શહેરની છબી થતી હતી ખરાબ

દુબઈ વિશ્વના સુંદર શહેરોમાંનુ એક શહેર છે. ગંદી ગાડીઓના કારણે શહેરની સુંદરતા પર ડાઘ લાગતો હતો. શહેરની છબી ખરાબ ન થાય તે માટે વર્ષ 2019થી ગંદી ગાડીઓ પર દંડ લગાવાનું શરુ કરવામાં આવ્યુ છે. દુબઈ એક બિઝનેશ હબ પણ છે જેથી અહીંયા વિદેશી મહેમાનો અને પર્યટકો પણ મોટી માત્રામાં આવે છે. એટલે જ ગંદા વાહનો પર ફાઈન લગાવાનું શરુ કરાયુ છે.

વધુ વાંચોઃ એકદમ ટાઈટ અંડરવિયર પહેરનારા પુરુષો ચેતે! સેકસ લાઈફ થઈ શકે બરબાદ, આવી રીતે પસંદ કરો

સ્ટાર્ટ અપ પણ શરુ થયા

દુબઈ ખૂબ જ વ્યસ્ત શહેર છે. લોકો પાસે પોતાનું વાહનની સફાઈ કરાવાનો સમય નથી હોતો. જેથી અહીંયા વોટરલેસ વોશિંગનો ટ્રેન્ડ વધ્યો છે. દુબઈમાં એક સ્ટાર્ટ અપ શરુ થયુ છે જેમાં તેઓ 10-15 મિનિટમાં કારને વોશ કરી નાખે છે. તેમાં પાણીનો ઉપયોગ નથી થતો. આ સ્ટાર્ટ અપવાળા સ્કૂટરનો ઉપયોગ કરે છે. જેમાં ડિટર્જેન્ટ,પાણી, બ્રશ જેવી સામગ્રી હોય છે. તેઓ સ્પ્રે બોટલથી વોશિંગ કરે છે. જેના માટે તેઓ 250થી 340 જેટલા રુપિયા લે છે.