AIના યુગમાં ગૂગલે પણ પોતાની પોલિસી બદલી છે. આ પોલિસી AI જનરેટેડ જાહેરાતો માટે છે, કારણ કે AIની એન્ટ્રી થયા બાદ લોકોએ તેનો દુરુપયોગ કરવાનું શરૂ કરી દીધું હતું. તેમજ તેઓ ગૂગલની સુરક્ષા નીતિને બાયપાસ કરી રહ્યા હતા, જેના કારણે ગૂગલે તેના નિયમોમાં ફેરફાર કર્યો છે.ગૂગલનો નવો નિયમ 30 મેથી અમલમાં આવી રહ્યો છે.
ગૂગલે તેના નિયમોમાં ફેરફાર કર્યો છે. આર્ટિફિશિયલ ઈન્ટેલિજન્સની મદદથી ગૂગલના નિયમોને બાયપાસ કરીને અશ્લીલતાને પ્રોત્સાહન આપવામાં આવ્યું હતું, જેને લઈને ગૂગલે તેના નિયમોમાં ફેરફાર કર્યો છે. વાસ્તવમાં ગૂગલે તેની જાહેરાત નીતિમાં કડક જોગવાઈઓ કરી છે, જે કોઈપણ વપરાશકર્તાઓને પોર્ન વીડિયો અથવા ફોટાનો પ્રચાર કરતા અટકાવે છે. સાથે જ AI એપ્સની મદદથી બનેલા ફોટા અને વીડિયો પર પણ પ્રતિબંધ લગાવી દેવામાં આવ્યો છે.
1.8 બિલિયનથી વધુ એડ દૂર કરી
ગૂગલે સેક્સ્યુઅલ કન્ટેન્ટ બતાવવા માટે તેના નિયમોમાં ફેરફાર કર્યો છે. આ માટે ગૂગલે તે સેવાઓ પર પ્રતિબંધ મૂકવાનું શરૂ કર્યું છે જે શોપિંગ જાહેરાતો દરમિયાન એડલ્ટ ડીપફેક બનાવે છે. ગૂગલના વાર્ષિક એડ સેફ્ટી રિપોર્ટ અનુસાર, 2023માં ગૂગલે એડલ્ટ કન્ટેન્ટ પોલિસીના ઉલ્લંઘન માટે 1.8 બિલિયનથી વધુ એડ દૂર કરી છે.
ગૂગલનો નવો નિયમ ક્યારે અમલમાં આવશે?
ગૂગલનો નવો નિયમ 30 મે, 2024થી દેશભરમાં લાગુ થશે. આ પછી જો કોઈ જનરેટેડ ડીપફેક પોર્ન વીડિયો બનાવશે તો તેની સામે કડક કાર્યવાહી કરવામાં આવશે. સરળ શબ્દોમાં કહીએ તો, જાતીય ઉશ્કેરણીજનક સામગ્રી પ્રદાન કરતી સાઇટ્સ અને એપ્લિકેશનો સામે પગલાં લેવામાં આવશે.
ગૂગલે આવું પગલું કેમ ભરવું પડ્યું?
ગૂગલના જણાવ્યા અનુસાર પોર્નોગ્રાફિક કન્ટેન્ટ બનાવવા માટેના ટૂલ્સ અને એપ્સ માર્કેટમાં સરળતાથી ઉપલબ્ધ હતા. આ ટુલ્સનો દુરુપયોગ પણ થતો હતો. આવી એપ્સ ગૂગલ પ્લે સ્ટોર પર ખોટા નામથી લિસ્ટ કરવામાં આવી હતી.
મારુતિ / આ કારો પર જોરદાર ઓફર! ચાલુ મહિનામાં હજારો રૂપિયા બચાવવાનો મોકો
ગૂગલના નિયમોનું ઉલ્લંઘન કરવા પર શું થશે સજા?
જો કોઈ વ્યક્તિ નિયમોનું ઉલ્લંઘન કરતી જોવા મળે છે, તો આવી એપ્લિકેશન્સ, વેબસાઇટ્સ અને પોસ્ટ્સને કોઈપણ ચેતવણી વિના તરત જ સસ્પેન્ડ કરવામાં આવશે.
