જીઓ અને એરટેલે કરેલ સસ્તા ફોનની સામે BSNL એ પણ 4G સુવિધા ધરાવતો સસ્તો મોબાઇલ ફોન લોંચ કર્યો હતો. સરકારી નિગમ BSNl એ MICROMAX સાથે મળીને સાથે મળીને 4G ફીચર ધરાવતો Bharat 1 ફોન લોંચ કર્યો હતો. આ મોબાઇલ ફોનમાં 97 રૂપિયા વાળો માસિક પ્લાન આપવામાં આવેલ છે. જેમાં દરેક નેટવર્ક પર અનલિમીટેડ કોલિંગની સાથે ઇંટરનેટ ડેટા પણ આપવામાં આવેલ છે.
Bharat 1 ફોનની ખાસિયત છે કે તેમાં 2.4 ઇંચની ડિસ્પ્લે 512 MB રેમ 4GB સ્ટોરેજ ક્વાલકોમ નું સ્નેપડ્રેગન પ્રોસેસર 2200 mAh ની બેટરી છે તથા આ મોબાઇલ ફોન 22 ભાષા સપોર્ટ કરે છે. આ ફોન સાથે BSNL નું સીમકાર્ડ પણ આપવામાં આવશે.
આ 4G સપોર્ટ કરતા મોબાઇલમાં 2 મેગા પીક્સલ કેમેરો આપવામાં આવ્યો છે. અને ફ્રંટ કેમેરો VGA છે. કંપનીએ દાવો કર્યો છે કે આ મોબાઇલમાં 100 જેટલી ટીવી સીરીયલ જોઇ શકાશે. ફોનની કિંમત કંપનીએ 2200 નક્કિ કરી છે. આ મોબાઇલ 20 ઓક્ટોબરથી માર્કેટમાં મળશે.
