Brazil Floods : દક્ષિણ બ્રાઝિલના રાજ્ય રિયો ગ્રાન્ડે દો સુલમાં ભારે વરસાદને પગલે પૂરથી મૃત્યુઆંક વધીને 57 થઈ ગયો છે. આ સાથે લગભગ 373 લોકો હજુ પણ ગુમ હોવાનું સામે આવ્યું છે. વાત જાણે એમ છે કે , 4 મેના રોજ જાહેર કરાયેલા સત્તાવાર અહેવાલ મુજબ 281 નગરપાલિકાઓને અસર કરતા વિનાશક પૂરમાં 74 અન્ય લોકો ઘાયલ થયા છે. પૂર, ભૂસ્ખલન અને મુશળધાર વાવાઝોડાને કારણે લગભગ 70,000 લોકોને તેમના ઘર છોડવાની ફરજ પડી છે.
સ્થાનિક અધિકારીઓએ એવા વિસ્તારોમાં આપત્તિની સ્થિતિ જાહેર કરી છે જ્યાં 70,000 થી વધુ લોકો પ્રભાવિત થયા છે. આશરે 10,000 વ્યક્તિઓના વિસ્થાપનને કારણે 4,500 થી વધુ અસ્થાયી આશ્રયસ્થાનો ખોલવાની જરૂર પડી છે. અધિકારીઓએ લોકોને ખાતરી આપી છે કે કોઈપણ ડેમ તૂટી પડવાનો તાત્કાલિક ભય નથી. બ્રાઝિલના રાષ્ટ્રપતિ લુઇઝ ઇનાસિયો લુલા દા સિલ્વાએ રાહત પ્રયાસોની દેખરેખ રાખતા પ્રાદેશિક નેતાઓ સાથે કટોકટીની બેઠક યોજી હતી.
281 નગરપાલિકાઓ અસરગ્રસ્ત
રાજ્યની રાજધાની પોર્ટો એલેગ્રે સહિત અત્યાર સુધીમાં 281 મ્યુનિસિપાલિટીને અસર કરતી ભારે વરસાદ એ સૌથી ખરાબ આબોહવાની દુર્ઘટનાઓમાંની એક હતી. ન્યૂઝ એજન્સી સિન્હુઆના રિપોર્ટ અનુસાર બ્રાઝિલમાં સોમવારથી સતત વરસાદ પડી રહ્યો છે. વરસાદને કારણે નદીઓમાં ઉછાળો આવ્યો છે. અનેક પુલ અને ડેમ ધરાશાયી થયા છે. 14 લાખથી વધુ વસ્તી ધરાવતા પોર્ટો એલેગ્રે શહેરને એલર્ટ પર રાખવામાં આવ્યું છે.
વધુ વાંચો : જર્મની / VIDEO : એકદમ ન્યૂડ થઈને મેદાનમાં રમવા લાગ્યાં ખેલાડીઓ, કેમ આવું કર્યું? ફોટા વાયરલ
આ તરફ બ્રાઝિલની સરકારે રિયો ગ્રાન્ડે દો સુલને સાધનો અને નાણાકીય સહાય મોકલી છે. આ દુર્ઘટનાને કારણે 24,000 થી વધુ લોકો વિસ્થાપિત થયા છે. ગવર્નર એડ્યુઆર્ડો લેઈટે કહ્યું, આ મુશ્કેલ દિવસો હશે. અમે લોકોને તેમના ઘર છોડવા માટે કહીએ છીએ. અમારો ધ્યેય જીવન બચાવવાનો છે. વસ્તુઓ ખોવાઈ જશે પરંતુ અમારે જીવ બચાવવાનો છે. અમારી પ્રાથમિકતા લોકોને બચાવવાની છે. બાકીના અમે કરીશું. UAE પછી બ્રાઝિલમાં આ ભયાનક પૂરની ઘટના હવામાન પરિવર્તનની વધતી અસરને રેખાંકિત કરે છે.
