Friday, August 23, 2019
સબસ્ક્રાઈબ કરો VTVGujarati ન્યુઝ Whatsapp

World

Gujarati Name: 
World

યાત્રા / ફ્રાન્સમાં PM મોદી, કહ્યુ - 'ભારત અને ફ્રાન્સ એકસાથે ઉભા રહીને લોકતંત્રની રક્ષા કરી છે'

ફ્રાન્સમાં PM મોદી, કહ્યુ - 'ભારત અને ફ્રાન્સ એકસાથે ઉભા રહીને લોકતંત્રની રક્ષા કરી છે'

G7 શિખર સંમેલન માટે ફ્રાન્સ પહોંચેલા પધાનમંત્રી નરેન્દ્ર મોદીએ ફ્રાન્સના રાષ્ટ્રપતિ ઈમેનુએલ મેન્ક્રો સાથે વાતચીતમાં કહ્યુ કે, ''જૈવ વિવિધતા અને જળવાયુ પરિવર્તન જેવા વિષયો પર ભારત સદીઓથી પરંપરા અને સંસ્કારથઈ પ્રકૃતિની સાથે તાળમેળ કરીને જીતી રહ્યુ છે.''

પધાનમંત્રી નરેન્દ્ર મોદીએ કહ્યુ કે, ''અમારી મિત્રતા કોઇ સ્વાર્થ પર નહી, પરંતુ 'લિબર્ટી, ઇક્વાલિટી અને ફ્રેટનનિટી' જેવા આદર્શો પર છે. આજ કારણ છે કે ભારત અને ફ્રાંસ ખભાથી ખભાા મેળવીને  આઝાદી અને લોકતંત્રની રક્ષા કરી રહ્યા છે. પ્રધાનમંત્રી મોદીએ આગળ કહ્યુ કે, આજે આતંકવાદ, જળવાયુ પરિવર્તન, પર્યાવરણ અને ટેક્નિકથી સમાવેશી વિકાસની પડકારોનો સામનો કરવા માટે ફ્રાન્સ અને ભારત એકસાથે ઉભા છે.''

 

તો બીજી તરફ ફ્રાન્સના રાષ્ટ્રપતિએ ઈમેનુએલ મેન્ક્રો કહ્યુ કે, ''ભારતની સાથે પોતાના સંબધોને વધારી સારા કરવાના છે. જો અમે પરમાણુ પ્રોજેક્ટ વિશે વાત કરીશું,તો આ વર્ષના અંતમાં જૈતાપુર ઉર્જા પરિયોજના પર ચર્ચા થશે, જેથી અમે તેણે આગળ વધારી શકીએ.''

G 7 બેઠકમાં ભાગ કરનારા પ્રધાનમંત્રી નરેન્દ્ર મોદીએ ફ્રાન્સના રાષ્ટ્રપતિ ઈમેનુએલ મેન્ક્રોની સાથે દ્ઘિપક્ષીય વાર્તાને લઇને સંયુક્ત ભાષણ દરમિયાન કહ્યુ કે, ''ભારત અને ફ્રાન્સની મિત્રતા વર્ષો જૂની અને નિસ્વાર્થ છે અને ભવિષ્યમાં સતત એકબીજાને સહયોગ કરતા રહેશે.'' ભારત G 7 માં ફ્રાન્સની સફળતા માટે સાથે આપશે. બંને દેશોની વચ્ચે દાયકાથી વ્યૂહાત્મક ભાગીદારી ચાલી રહી છે.

જોવા જેવું વધુ જુઓ

એમેઝોન / બ્રાઝિલમાં લાગેલી વિકરાળ આગ પર ધ્યાન ન આપ્યું તો પૃથ્વીના અસ્તિત્વ સામે ખતરો, જાણો કેમ?

બ્રાઝિલમાં લાગેલી વિકરાળ આગ પર ધ્યાન ન આપ્યું તો પૃથ્વીના અસ્તિત્વ સામે ખતરો, જાણો કેમ?

એમેઝોનના જંગલો છેલ્લા 2 અઠવાડિયાથી સળગી રહ્યુ છે. એમેઝોન જંગલનું અસિતત્વ 5.5 કરોડ વર્ષ જૂનુ હોવાનુ માનવામાં આવે છે. આ મહિનાની શરૂઆતમાં બ્રાઝિલ જંગલ વિસ્તારમાં આગની વધતી જતી ઘટનાઓને પગલે એલર્ટ જાહેર કરવામાં આવ્યુ હતુ. 

બ્રાઝિલના સ્પેસ રિસર્ચ સેન્ટર INPEએ અત્યાર સુધીમાં 73000 આગની ઘટનાઓને ડિરેક્ટ કરી છે. 2018ની સરખામણીએ આગની ઘટનામાં 83% વધારો જોવા મળ્યો છે. રોઇટર્સના રિપોર્ટ અનુસાર, 2013 પછીની આ સૌથી વિકરાળ આગ છે. 

 

એમેઝોન જંગલનો વિસ્તાર આમ તો ભેજવાળો હોય છે પરંતુ જુલાઇ અને ઓગસ્ટની શરૂઆતમાં અહીં સૂકી ઋતુનો પ્રારંભ થાય છે. NASAના જણાવ્યા અનુસાર, આ પછી જ આગ લાગવાની ઘટના વધે છે. સપ્ટેમ્બરમાં આ સિલસિલો ચાલૂ થતો હોય છે, જે નવેમ્બર અંતમાં અટકે છે. લોકો પશુપાલન અને ખેતી માટે જમીન ક્લિયર કરતા હોવાને કારણે આગ લાગતી હોય છે. 

સેટેલાઇટ ઇમેજ મુજબ બ્રાઝિલના રાજ્યોમાં એમેઝોનાસ, રોન્ડોનિયા, પારા અને માટો ગ્રોસો આ આગથી અસરગ્રસ્ત છે. એમેઝોનાસ પર સૌથી વધુ અસર થઇ છે. આ આગ એટલી મોટી છે કે તેનો ધૂમાડો તમે અવકાશમાંથી જોઇ શકાય છે. એમેઝોનાસ, લોન્ડોનિયા સ્ટેટ અને બીજા વિસ્તારમાં સર્વત્ર ધૂમાડો છવાઇ ગયો છે. 

 

સોશ્યલ મીડિયા પર થઇ રહ્યુ છે ટ્રેન્ડિંગ

સોશ્યલ મીડિયા પર #PrayforAmazonas #AmazonRainforest ટ્રેન્ડ થઇ રહ્યુ છે. આ ઘટનાને લઇને હોલિવુડ- બોલિવૂડ સેલેબ્સે પોતાની ચિંતા વ્યકત કરી છે.

બોલિવુડની એક્ટ્રેસ અનુષ્કા શર્માએ ઇન્સ્ટાગ્રામની જગંલ પર લાગેલી આગની ફોટો શૅર કરતા કહ્યુ કે, ''એમેઝોનનું જંગલ છેલ્લાં એક અઠવાડિયાથી સળગી રહ્યું છે. આ વાત ઘણી જ ડરામણી છે. આશા છે કે મીડિયા આના પર વધુ ધ્યાન આપશે''.

અનુષ્કા સિવાય એક્ટર અર્જુન કપૂરે કહ્યું હતું કે ''એમેઝોન રેઈન ફોરેસ્ટમાં આગ, આ ઘણી જ ભયાનક વાત છે. હું વિચારી પણ નથી શકતો કે આની અસર પૂરી દુનિયામાં કેવી થશે. આ ઘણું જ દુઃખદ છે.''

 

 

 

 

ઉલ્લેખનીય છે, દક્ષિણ અમેરિકાના એમેઝોન બેસિનમાં એમેઝોનિયા તરીકે ઓળખાતું એમેઝોન જંગલ પૃથ્વીને 20% જેટલો ઓકસીજન પૂરો પાડે છે. એમેઝોન જંગલ વિસ્તાર પર્યાવરણ સમતુલન માટે મહત્વનો હોવાથી તેને પૃથ્વીના ફેફસા ગણવામાં આવે છે. 70 લાખ વર્ગ કિમીથી પણ વઘુ વિસ્તારમાં ફેલાયેલા જંગલમાં પહોળા પાન ધરાવતી વનસ્પતિઓ અને ભેજવાળું વાતાવરણ રહે છે. વિશ્વની 10 % જેટલી પ્રાણીઓની પ્રજાતિઓ અને 2000થી વધુ પક્ષી પ્રજાતિઓ જોવા મળે છે. આ ફોરેસ્ટમાં અંદાજે 40 હજાર જાતના કુલ 390 બિલિયન વૃક્ષો અને 25લાખથી વધુ પ્રકારના કિટકો જોવા મળે છે.

જોવા જેવું વધુ જુઓ

કુદરતની કરામત / અસંભવ...બ્રાઝિલના એમેઝોનના જંગલોમાં 72 હજાર વખત આગ લાગી, ગુગલ મેપમાં પણ દેખાય છે ધુમાડો

અસંભવ...બ્રાઝિલના એમેઝોનના જંગલોમાં 72 હજાર વખત આગ લાગી, ગુગલ મેપમાં પણ દેખાય છે ધુમાડો

બ્રાઝિલમાં આવેલા એમેઝોનના વિશ્વવિખ્યાત જંગલોમાં આ વર્ષે પ્રકૃતિ આકરેપાણીએ છે. જંગલમાં આ વર્ષે વિક્રમજનક 72,843 વાર આગ લાગી છે.

વર્ષ 2019 માં, જાન્યુઆરીથી ઓગસ્ટની વચ્ચે, લગભગ 73,000 આગ નોંધાઈ હતી. આ ઉપરાંત, સંબંધિત અધિકારીઓનું વધુ ધ્યાન લીધા વિના રેઇનફોરેસ્ટ ઘણા દિવસોથી આગમાં સપડાયું છે. બ્રાઝિલની સ્પેસ રિસર્ચ સંસ્થા INPE મુજબ આ અત્યાર સુધીની સૌથી મોટી આગની ઘટના છે. બ્રાઝિલમાં એમેઝોનના ઘેઘૂર વરસાદી જંગલો આવેલા છે. આ જંગલોમાં અવારનવાર આગ લાગવાની ઘટના ઘટે છે.

એમેઝોનના જંગલમાં લાગેલી આગ પાછળ દેશના દક્ષિણપંથી પ્રમુખ જેર બોલસોનારોની ઉદાસીન પર્યાવરણ નીતિઓ હોવાના આક્ષેપ થયા છે. એમેઝોનમાં લાગેલી આગ એટલી વિકરાળ હતી કે તેને અવકાશમાંથી પણ જોઈ શકાઈ છે. નાસાના ઉપગ્ર એક્વા સેટેલાઇટ દ્વારા રોનડોનીયા, એમેઝોનાસ, પારા અને માટો ગ્રોસો સ્ટેટમાં લાગેલી આગની તસવીરો 13 ઑગસ્ટના રોજ કેદ કરાઈ હતી.

પ્રખ્યાત એમેઝોન રેઈનફોરેસ્ટ, જેનો ઉત્તર-પશ્ચિમ બ્રાઝિલ અને કોલમ્બિયા, પેરુ અને અન્ય દક્ષિણ અમેરિકન દેશોના ભાગોને આવરી લેવામાં આવે છે, તે વિશ્વની સૌથી મોટી ઉષ્ણકટિબંધીય વરસાદી વન છે, જે તેની જૈવવિવિધતા માટે પ્રખ્યાત છે. જ્યારે રેઇનફોરેસ્ટ વિવિધ કારણોસર જાણીતું છે, તે ખૂબ જ ચિંતાજનક કારણોસર તાજેતરમાં જ સમાચારમાં આવ્યું છે. સ્પેસ રિસર્ચ માટે નેશનલ ઇન્સ્ટિટ્યૂટના તાજેતરના અહેવાલ મુજબ, બ્રાઝિલના એમેઝોન રેનફોરેસ્ટમાં આ વર્ષે રેકોર્ડ સંખ્યામાં આગ લાગી છે.

તાજેતરના સેટેલાઇટ છબીઓમાં ફક્ત છેલ્લા અઠવાડિયામાં 9,500થી વધુ નવા જંગલમાં આગ લાગી છે. મોટે ભાગે એમેઝોન બ્રાઝિલમાં આગ લાગે છે. આ જંગલોને શા માટે બચાવવા જોઈએ તેના કારણો પણ નીચે પ્રમાણે છે. 

  • લંગ્સ ઓફ ધ વર્લ્ડ તરીકે જાણીતા, એમેઝોન રેઈનફોરેસ્ટ વિશ્વના 20% કરતા વધારે ઓક્સિજન ઉત્પન્ન કરે છે.
  • વિશ્વના સૌથી મોટા ઉષ્ણકટિબંધીય વરસાદી વન એમેઝોન 5.5 મિલિયન ચોરસ કિલોમીટરથી વધુના અંતરે છે. તે દક્ષિણ અમેરિકામાં ફેલાયેલો છે, તે બ્રાઝિલ, બોલિવિયા, પેરુ, એક્વાડોર, કોલમ્બિયા, વેનેઝુએલા, ગુઆના, સુરીનામ અને ફ્રેન્ચ ગુઆનામાં ફેલાયેલો છે.
  • એમેઝોનમાં એક સમૃદ્ધ ઇકોસિસ્ટમ છે જેમાં આશરે 40,000 વનસ્પતિ પ્રજાતિઓ, 1,300 પક્ષીઓની જાતિઓ, 3,000 પ્રકારની માછલીઓ, 430 સસ્તન પ્રાણીઓ અને તદ્દન 2.5 મિલિયન વિવિધ જંતુઓ છે.
  • એમેઝોન રેઈનફોરેસ્ટમાં ઘણા જીવલેણ જીવો છે, જેમાં ઇલેક્ટ્રિક ઇલ, માંસ ખાનારા પિરાંસા, ઝેર ડાર્ટ દેડકા, જગુઆર અને કેટલાક ગંભીર ઝેરી સાપનો સમાવેશ થાય છે.
  • ફક્ત વનસ્પતિ અને પ્રાણીસૃષ્ટિ જ નહીં, એમેઝોન રેઈનફોરેસ્ટ પણ આશરે 400-500 જેટલા દેશી અમેરિકન જાતિઓનું ઘર છે. એવું માનવામાં આવે છે કે આમાંથી લગભગ પચાસ જાતિઓનો ક્યારેય બાહ્ય વિશ્વ સાથે સંપર્ક થયો નથી.
  • એમેઝોન દર સેકંડમાં million 55 મિલિયન ગેલન પાણી એટલાન્ટિક મહાસાગરમાં પહોંચાડે છે.
  • 25% બધી પશ્ચિમી ફાર્માસ્યુટિકલ્સ એમેઝોન રેઈનફોરેસ્ટ આધારિત ઘટકોમાંથી આવે છે. આ તે છે જ્યારે એમેઝોનમાં 1% કરતા પણ ઓછા વૃક્ષો અને છોડની અત્યાર સુધી વૈજ્ઞાનિકો દ્વારા પરીક્ષણ કરવામાં આવી છે.
  • એમેઝોન રેઈનફોરેસ્ટમાં વિશ્વના 80% કરતાં વધુ ખોરાકનું ઉત્પાદન થાય છે. હકીકતમાં, વરસાદી જંગલમાં 3,000થી વધુ ફળો હોય છે, જેમાંથી ફક્ત 200 પશ્ચિમી વિશ્વમાં વપરાય છે.

જોવા જેવું વધુ જુઓ

જબરજસ્ત / ન્યૂઝીલેન્ડમાં ચાલુ સંસદે ખુદ સ્પીકરે સાંસદના રડતાં બાળકને દૂધ પીવડાવ્યું

ન્યૂઝીલેન્ડમાં ચાલુ સંસદે ખુદ સ્પીકરે સાંસદના રડતાં બાળકને દૂધ પીવડાવ્યું

ન્યૂઝીલેન્ડના સંસદનું દ્રશ્ય તે દિવસે અલગ હતું, કારણ કે સાંસદો વચ્ચે દેશમાં જોડાયેલા કોઇ ગંભીર મુદ્દા પર ચર્ચા થઇ રહી નહોતી, પરંતું તે બાળકની વાત કરી રહ્યાં હતા જે મહેમાન બનીને આવ્યાં હતા. અહીં સાંસદનું નાનું બાળક મહેમાન બનીને આવ્યું હતું, જેને સાંસદ પોતાની પેટરનિટી લીવ બાદ સદનમાં લઇને આવી હતી. 

આ બાળક એક સાંસદના હાથમાંથી બીજા સાંસદ અને ત્યારબાદ સ્પીકર પાસે પહોંચ્યું હતું. જો કે સંસદમાં ચર્ચા શરૂ થઇ ત્યારે સ્પીકર ટેવર મેલાર્ડે તેની બેબીસિટિંગની જવાબદારી સંભાળી લીધી. તેઓ બાળકને બોટલ દ્વારા દુધ પીવડાવતા રહ્યા. આ બાળક સાંસદ તમાટી કોફેનું છે, જેઓએ ગે મેરેજ કર્યાં હતા.



આ ફોટાને સ્પીકરે ટવિટ કર્યો હતો. જેમાં લખ્યું કે 'સ્પીકરની ખુરશી માત્ર પ્રિસાઇડીંગ ઓફિસર જ ઉપયોગ કરે છે, પરંતુ આજે એક વીઆઇપી મારી સાથે આ ખુરશી પર બેઠા' ન્યૂઝીલેન્ડની સંસદના સ્પીકરે સાંસદ અને તેમની પત્નીને આ નવા મહેમાનના આગમન પર શુભેચ્છા પાઠવી.
 


બાળકના આવવાથી સંસદનું વાતાવરણ ઘણુ ખુશનુમા થઇ ગયું હતું અને સાંસદોએ તેમની સાથે પડાવેલા ફોટાને ટવિટર પર શેર પણ કરી. ઉલ્લેખનીય છે કે આ અગાઉ ન્યૂઝીલેન્ડના પીએમ જેસિંડા આર્ડનનો ત્રણ મહીનાનો દિકરો સંયુક્ત રાષ્ટ્રમાં જોવા મળ્યો હતો. જ્યારે તે પોતાના પ્રથમ ભાષણ દરમિયાન લઇને ગઇ હતી. 

 

 

 

જોવા જેવું વધુ જુઓ

સમર્થન / જમ્મૂ કાશ્મીરથી અનુચ્છેદ 370 હટાવવા પર બાંગ્લાદેશે કહ્યું આ ભારતનો આંતરિક મામલો

જમ્મૂ કાશ્મીરથી અનુચ્છેદ 370 હટાવવા પર બાંગ્લાદેશે કહ્યું આ ભારતનો આંતરિક મામલો

ભારત સરકાર દ્વારા જમ્મૂ કાશ્મીરથી અનુચ્છેદ 370 હટાવવાના નિર્ણયને બાંગ્લાદેશે ભારતનો આંતરિક મામલો બતાવ્યો છે. બાંગ્લાદેશના વિદેશ મંત્રાલયે કહ્યું છે કે, 'બાંગ્લાદેશ આ વાત પર કાયમ છે કે ભારત સરકાર દ્વારા અનુચ્છેદ 370ને હટાવવી ભારતનો આંતરિક મામલો છે.'

બાંગ્લાદેશે આગળ કહ્યું કે ' બાંગ્લાદેશે સિદ્ધાંત તરીકે હંમેશા આ વાતની વકાલત કરી છે કે ક્ષેત્રીય શાંતિ અને સ્થિરતા બનાવી રાખવા તથા વિકાસ તમામ દેશોની પ્રાથમિકતા હોવી જોઇએ.'


 જ્યાં પાડોશી દેશ બાંગ્લાદેશના આ નિર્ણયને ભારતનો આંતરિક મામલો બતાવી રહ્યું છે, ત્યારે પાકિસ્તાન તેનો વિરોધ કરી રહ્યું છે. પાકિસ્તાન સરકારે કહ્યું કે તે આ મામલાને આઇસીજે લઇ જશે. ચીન પણ તેનો વિરોધ કરી રહ્યું છે. ચીન આ મામલાને યૂએનએસસી લઇ ગયું હતું. પરંતુ ત્યાં યૂએનએસસીના સભ્યોએ ભારતને સમર્થન મળ્યું હતું.

ઇન્ટરનેશનલ કોર્ટ ઓફ જસ્ટિસમા જવાની પાકિસ્તાનની જાહેરાતના કેટલાક કલાક બાદ ટોચના ડિપ્લોમેટ સૈયદ અકબરુદ્દીને કહ્યું છે કે ભારત પોતાના ક્ષેત્રીય પ્રતિદ્વંદ્વી સાથે તેની મરજીના મેદાન પર મુકાબલો કરવા તૈયાર છે. 
 

જોવા જેવું વધુ જુઓ

Article 370 / પાકિસ્તાનનો નવો પેંતરો, કાશ્મીર મુદ્દાને આંતરરાષ્ટ્રીય કોર્ટમાં લઇ જવાનો કર્યો નિર્ણય

પાકિસ્તાનનો નવો પેંતરો, કાશ્મીર મુદ્દાને આંતરરાષ્ટ્રીય કોર્ટમાં લઇ જવાનો કર્યો નિર્ણય

સંયુકત રાષ્ટ્ર સુરક્ષા પરિષદ (યુએનએસસી) સહિત તમામ મંચ પર કાશ્મીર મુુદ્દે પછડાટ મળ્યા બાદ પણ પાકિસ્તાન હજુ પોતાની હરકતોથી વાજ આવતું નથી. પાકિસ્તાને હવે કાશ્મીર મુદ્દાને ઈન્ટરનેશનલ કોર્ટ ઓફ જસ્ટિસ (આઇસીજે)માં લઇ જવાનો નિર્ણય કર્યો છે.

યુએનએસસીમાં નિષ્ફળતા મળ્યા બાદ બોખલાયેલ પાકિસ્તાન હવે મરણિયું બન્યું છે. પાકિસ્તાનના વિદેશ પ્રધાન શાહ મહેમુદ કુરેશીએ જણાવ્યું છે કે અમે કાશ્મીર મુદ્દાને હવે અમે આંતરરાષ્ટ્રીય અદાલતમાં ઉઠાવીશું. કાશ્મીર મુદ્દે હવે પાકિસ્તાન નવો પેંતરો અજમાવવાની તૈયારીઓ કરી રહ્યું છે.

પાકિસ્તાન પોતાના જૂના સાથી રાષ્ટ્ર ચીનની મદદથી કાશ્મીર મુદ્દાને લઇને સંયુકત રાષ્ટ્ર સુરક્ષા પરિષદમાં પહોંચ્યું હતું. સુરક્ષા પરિષદમાં બંધ બારણે ૧પ સભ્ય રાષ્ટ્રોની બેઠક યોજાઇ હતી. આ ગુપ્ત બેઠક કોઇ પણ જાતના નિષ્કર્ષ વગર સમાપ્ત થઇ હતી. સંયુકત રાષ્ટ્ર સુરક્ષા પરિષદમાં પાકિસ્તાન અને તેના સહયોગી ચીન દ્વારા કાશ્મીર મુદ્દાનું આંતરરાષ્ટ્રીયકરણ કરવાના પ્રયાસો નાકામિયાબ રહ્યા હતા.

અહેવાલ અનુસાર બેઠક બાદ ચીન સુરક્ષા પરિષદના અધ્યક્ષ પોલેન્ડ દ્વારા જારી કરવામાં આવેલ એક અખબારી નિવેદનને મહત્ત્વ આપી રહ્યું હતું. યુકેએ પણ ચીનનું સમર્થન કર્યું હતું. જોકે બેઠક બાદ પોલેન્ડ તરફથી કોઇ નિવેદન આવ્યું નથી.

અહેવાલો અનુસાર ચીન સિવાય લગભગ તમામ દેશોએ ભારતનું સમર્થન કર્યું હતું. સંયુકત રાષ્ટ્ર સુરક્ષા પરિષદના સભ્યોએ સ્પષ્ટપણે કાશ્મીરને ભારત અને પાકિસ્તાન વચ્ચે દ્વિપક્ષીય મુદ્દો હોવાનું જણાવ્યું હતું. પાકિસ્તાનના વડા પ્રધાન ઇમરાનખાનના સ્પેશિયલ ઇન્ફર્મેશન આસિસ્ટન્ટ ફિરદોશ આશિક અવાને જણાવ્યું હતું કે પાકિસ્તાની કેબિનેટે કાશ્મીર મુદ્દાને ઇન્ટરનેશનલ કોર્ટ ઓફ જસ્ટિસમાં લઇ જવાના પ્રસ્તાવને મંજૂરી આપી દીધી છે.

આ અગાઉ ઇમરાનખાને પણ જણાવ્યું હતું કે પાકિસ્તાન કાશ્મીર મુદ્દાને આઇસીજેમાં લઇ જશે. જમ્મુ-કાશ્મીરમાંથી કલમ-૩૭૦ હટાવ્યા બાદ ભારત-પાકિસ્તાનના સંબંધો અત્યંત નાજુક દોરમાં છે. ભારતે સ્પષ્ટ શબ્દોમાં જણાવી દીધું છે કે કાશ્મીર એ અમારો ઘરેલુ મામલો છે અને પાકિસ્તાને આ વાત સ્વીકારી લેવી જોઇએ.

જોવા જેવું વધુ જુઓ

નિવેદન / કાશ્મીર મામલો ભારત અને પાકિસ્તાને દ્વિપક્ષીય સ્તર પર ઉકેલવો જોઇએ : બોરિસ જોન્સન

કાશ્મીર મામલો ભારત અને પાકિસ્તાને દ્વિપક્ષીય સ્તર પર ઉકેલવો જોઇએ : બોરિસ જોન્સન

બ્રિટેનના વડાપ્રધાન બોરિસ જોન્સને વડાપ્રધાન નરેન્દ્ર મોદીને સ્પષ્ટપણે કહ્યું કે કાશ્મીર ભારત અને પાકિસ્તાનનો દ્વિપક્ષીય મામલો છે. મોદી અને જોન્સન વચ્ચેની વાતચીતમાં કાશ્મીરમાં વર્તમાન સ્થિતિ ઉપરાંત ભારત અને પાકિસ્તાન વચ્ચે ભાગીદારીના મહત્વતા પર ચર્ચા કરવામાં આવી છે. 

જોન્સને ડાઉનિંગ સ્ટ્રીટમાં ગત મહીને પદભાર ગ્રહણ કર્યા બાદ વિશ્વના ઘણા નેતાઓ સાથે ફોન પર વાતચીત કરી છે. મોદી અને જોન્સનની વાતચીત પણ આ શ્રેણીનો હિસ્સો હતો. બ્રિટિશ વડાપ્રધાન કાર્યાલય 10 ડાઉનિંગ સ્ટ્રીટના પ્રવક્તાએ ફોન કોલની જાણકારી આપતા કહ્યું, ' વડાપ્રધાને સ્પષ્ટ કર્યું કે બ્રિટેનનું માનવું છે કે કાશ્મીર એક એવો મુદ્દો છે કે જેને ભારત અને પાકિસ્તાને દ્વિપક્ષીય સ્તરે ઉકેલવો જોઇએ. એમણે વાર્તા દ્વારા મામલાના ઉકેલના મહત્વ પર ભાર આપ્યો.'

અમેરિકાના રાષ્ટ્રપ્રમુખ ડોનાલ્ડ ટ્રમ્પ સાથે વાતચીત કર્યાના બીજા દિવસે વડા પ્રધાન નરેન્દ્ર મોદીએ બ્રિટનના વડા પ્રધાન પીએમ બોરિસ જોન્સન સાથે ટેલિફોન પર વાતચીત કરી હતી. આ વાતચીતમાં વડા પ્રધાને સૌ પહેલાં બોરિસ જોન્સનને વડા પ્રધાન બનવા પર અભિનંદન પાઠવ્યાં હતાં. ત્યાર બાદ મોદીએ લંડનમાં ભારતીય મિશનની બહાર સ્વાતંત્ર્યદિન સમારોહમાં ભાગ લઇ રહેલા ભારતીયો સાથે થયેલી હિંસાનો મુદ્દો ઉઠાવ્યો હતો. 

તાજેતરમાં લંડનમાં હિંસાની આ ઘટના પર પીએમ બોરિસ જોનસને ખેદ વ્યક્ત કર્યો હતો અને તેમણે ભારતીય હાઇ કમિશનને તમામ સુરક્ષા પૂરી પાડવાની ખાતરી આપી હતી. આ ઉપરાંત મોદીએ ભારત-બ્રિટનના સંબંધો વધુ સુદૃઢ કરવા પર ભાર મૂક્યો હતો અને વાતચીતમાં આતંકવાદ સામે લડવાની જરૂર હોવાનું જણાવ્યું હતું. 

બંને નેતાઓએ આ મુદ્દે સંમતિ વ્યક્ત કરી હતી કે બંને દેશોને આજે દુનિયા સામે જે કેટલાય પડકારો ઊભા થયા છે તેનો અસરકારક રીતે સામનો કરવા માટે એકસાથે યોગદાન આપવાની જરૂર છે. વડા પ્રધાન મોદીએ જણાવ્યું હતું કે આતંકવાદે ભારત અને યુરોપ સહિત દુનિયાના મોટા ભાગના દેશોને પરેશાન કરી મૂક્યા છે. તેમણે કટ્ટરતા, હિંસા અને અસહિષ્ણુતાથી ઊભા થતા ખતરાને દૂર કરવા માટે અસરકારક પગલાંના મહત્ત્વ પર ભાર મૂક્યો હતો. 

વડા પ્રધાન કાર્યાલય દ્વારા જારી કરાયેલા નિવેદન અનુસાર પીએમ મોદીએ નિહિત સ્વાર્થ માટે પ્રાયોજિત એજન્ડા ચલાવી રહેલા લોકો પ્રત્યે જોન્સનનું ધ્યાન ખેંચ્યું હતું કે જેઓ આ માટે હિંસાનો ઉપયોગ કરી રહ્યા છે. નિવેદન અનુસાર વડા પ્રધાન જોન્સને આ ઘટના માટે ખેદ વ્યક્ત કર્યો હતો અને હાઇ કમિશન, તેના કર્મચારીઓ અને મુલાકાતીઓની સુર‌ક્ષા સુનિશ્ચિત કરવા માટે શકય તમામ પગલાં ભરવા ખાતરી આપી હતી.
 

જોવા જેવું વધુ જુઓ

આરોપ / પાકિસ્તાન પર તોળાઈ વધુ એક મોટી આફત, ભારતને ઠેરવ્યું જવાબદાર

પાકિસ્તાન પર તોળાઈ વધુ એક મોટી આફત, ભારતને ઠેરવ્યું જવાબદાર

પાકિસ્તાને આરોપ લગાવ્યો છે કે ભારતે કોઇપણ સૂચના આપ્યાં વગર સતલજ નદીમાં બે લાખ ક્યૂસેક પાણી છોડી દીધું જેના કારણે પૂરની પરિસ્થિતિ સર્જાય છે.  પાકિસ્તાને સોમવારે કહ્યું કે ભારત 1960ની સિંધુ જળ સમજૂતિ હેઠળ સૂચના નહીં આપી રહ્યું જે ચિંતાજનક છે.

પાકિસ્તાને ધમકી આપતાં કહ્યું છે કે તેઓ પોતાના અધિકારીની સુરક્ષા માટે દરેક વિકલ્પનો ઉપયોગ કરશે. જો કે ભારતે પાકિસ્તાનના આ દાવાને ફગાવી દીધો છે.

પાકિસ્તાનના જળ સંશાધન મંત્રી ફૈસલ વાવદાએ પૂરને લઇને ભારતને દોષીત જણાવતાં કહ્યું કે ભારત પાકિસ્તાનને પૂરની સૂચના આપવા માટે કટિબદ્ધ છે પરંતુ તે તેમા નાકામ રહ્યું છે. ઉલ્લેખનીય છે કે સિંધુ જળ સમજૂતિ હેઠળ બંને દેશ વચ્ચે રાવી, સતલજ અને વ્યાસ નદીમાં પાણી છોડવાને લઇને એકબીજાને જાણકારી આપતાં હોય છે.

પાકિસ્તાને પંજાબ અને ખૈબર પખ્તૂનખા પ્રાંતોના અધિકારીઓને સતલજ અને અલચી ડેમમાં પાણી છોડ્યાં બાદ પૂર સંબંધિત એલર્ટ જાહેર કર્યું છે. એક રિપોર્ટ મુજબ પંજાબ અને પીડીએમએ દ્વારા સોમવારના રોજ જિલ્લાના ગંડા સિંહ ગામમાં 125,000 અને 175,000 ક્યૂસેક વચ્ચે પૂરનું પાણી પહોંચવાની શક્યતા છે.

પીડીએમ ખૈબર પખ્તૂનખાના મહાનિદેશકે રવિવારે કહ્યું હતું કે ભારત તરફથી અચાનક અલચી ડેમમાંથી પાણી છોડવામાં આવ્યું છે, જેના કારણે સિંધુ નદીમાં પૂરની સ્થિતિનું નિર્માણ થઇ શકે છે.  જમ્મૂ-કાશ્મીરમાંથી કલમ 370 હટાવ્યા બાદથી પાકિસ્તાન ભારત વિરુધ્ધ નિવેદન આપી રહ્યું છે. કાશ્મીર મામલે વૈશ્વિક સમર્થન નહીં મળતાં પાકિસ્તાન હતાશ જોવા મળી રહ્યું છે. 

જોવા જેવું વધુ જુઓ

Article 370 / ટ્રમ્પે ફરી છેડ્યો કાશ્મીરમાં મધ્યસ્થતાનો રાગ, કહ્યું-ધર્મના કારણે મામલો ગંભીર

ટ્રમ્પે ફરી છેડ્યો કાશ્મીરમાં મધ્યસ્થતાનો રાગ, કહ્યું-ધર્મના કારણે મામલો ગંભીર

ડોનાલ્ડ ટ્રમ્પે ફરી એક વાર કાશ્મીર મામલે મધ્યસ્થતા કરવાને લઇને નિવેદન આપ્યું છે. ઉલ્લેખનીય છે કે એક દિવસ પહેલ ડોનાલ્ડ ટ્રમ્પે વડાપ્રધાન નરેન્દ્ર મોદી અને પાકિસ્તાનના પીએમ ઇમરાન ખાન સાથે ટેલિફોનિક વાતચીત કરી હતી. અમેરિકના રાષ્ટ્રપતિ ડોનાલ્ડ ટ્રમ્પે જણાવ્યું કે તેઓ પીએમ મોદી સમક્ષ અઠવાડિયામાં આ મુદ્દો ઉઠાવશે. 

 જમ્મૂ-કાશ્મીર મામલે ભારત અને પાકિસ્તાન બંને દેશોના પ્રમુખ સાથે વાત કરનાર અમેરિકાના રાષ્ટ્રપતિ ડોનાલ્ડ ટ્રમ્પે આ મામલે નવું નિવેદન આપ્યું છે. ટ્રમ્પે કહ્યું કે કાશ્મીર તણાવ પાછ ધર્મનો મહત્વનો હાથ છે. આ સાથે જ ટ્રમ્પે ફરી બંને દેશો વચ્ચે મધ્યસ્થતા કરવા ઇચ્છા વ્યક્ત કરી છે.
 


જમ્મૂ-કાશ્મીર પર ભારત સરકારના નિર્ણય પર પાકિસ્તાન ડરી ગયેલું છે. આ મુદ્દાને પાકિસ્તાને વિશ્વના અનેક દેશો સામે ઉઠાવ્યો હતો. જો કે અનેક દેશોએ આ ભારતનો આંતરિક મામલો હોવાનું જણાવ્યું હતું. આ મામલે હસ્તક્ષેપ કરવા અમેરિકાએ પણ ઇનકાર કર્યો હતો.
 


અમેરિકાના રાષ્ટ્રપતિ ડોનાલ્ડ ટ્રમ્પે મંગળવારના રોજ કહ્યું છે કે તેઓ કાશ્મીરની તણાવપૂર્ણ સ્થિતિ પર ભારતના વડાપ્રધાન નરેન્દ્ર મોદી સાથે બીજી વખત ચર્ચા કરશે. વડાપ્રધાન નરેન્દ્ર મોદી સાથે આ ચર્ચા ડોનાલ્ડ ટ્રમ્પ જી-7 સમિટ દરમિયાન કરશે.

ડોનાલ્ડ ટ્રમ્પે પત્રકારોને જણાવ્યું કે ફ્રાંસમાં યોજાનાર જી-7 સમિટમાં હું વડાપ્રધાન નરેન્દ્ર મોદી સાથે રહીશ. મેં પાકિસ્તાનના વડાપ્રધાન ઇમરાન ખાન સાથે પણ અલગથી વાતચીત કરી હતી. જેને લઇને યુએસના રાષ્ટ્રપતિ ટ્રમ્પે એક ફરી જમ્મૂ-કાશ્મીર મામલે મધ્યસ્થતા કરવા તૈયાર હોવાનું જણાવ્યું. 
 

 

 

જોવા જેવું વધુ જુઓ

ગ્લેશિયર / દુનિયા પર ખતરો, પહેલી વાર ગાયબ થયો ગ્લેશિયર, કરાયા અંતિમ સંસ્કાર

દુનિયા પર ખતરો, પહેલી વાર ગાયબ થયો ગ્લેશિયર, કરાયા અંતિમ સંસ્કાર

ક્લાઇમેટ ચેન્જ (જલવાયુ પરિવર્તન)ને કારણે આઇસલેન્ડમાં પહેલીવાર એક ગ્લેશિયર ગાયબ થઇ ગયો. તેનું નામ (ઓકજોકુલ) હતું. આ ઘટના સાથે જ ઘણા અન્ય ગ્લેશિયરોના પણ ખતમ થવાની આશંકા વધી ગઇ છે. તેને ધરતી માટે ખતરનાક સંકેત માનવામાં આવી રહ્યું છે. 

પશ્ચિમી આઇલેન્ડમાં ઓકજોકુલ ગ્લેશિયરના ખતમ થવા પર સ્થાનીય લોકોએ 'અંતિમ સંસ્કાર' જેવી પ્રક્રિયા અનુસર્યા. આઇસલેન્ડના વડાપ્રધાન કેટરીન જકોબસ્ડોટિર, યૂએન હ્યૂમન રાઇટ્સ કમિશ્નર મેરી રોબિનસન, રિસર્ચર્સ, વિદ્યાર્થી અને અન્ય લોકો અંતિમ સંસ્કારમાં સામેલ થયા હતા. 

આ સમયે વડાપ્રધાન કેટરીને કહ્યું કે એમને આશા છે કે અંતિમ સંસ્કારમાં ન માત્ર આઇસલેન્ડના લોકો માટે, પરંતુ આખી દુનિયા માટે પ્રેરણાદાયી હશે. કેમકે આપણે અહીં જે જોઇ રહ્યા છીએ તે ક્લાઇમેટ ચેન્જનો માત્ર એક ચહેરો છે. 

વૈજ્ઞાનિકોનું કહેવું છે કે આઇસલેન્ડના કેટલાય ગ્લેશિયરોના પિગળવાનો ખતરો જોવાઇ રહ્યો છે. બર્લિન યૂનિવર્સિટીના એક પ્રોફેસર જુલિયન વીસનું કહેવું છે કે કોઇ ગ્લેશિયરને ગાયબ થતા જોવી એવી ઘટના છે જેને આપ અનુભવી શકો છો અને સમજી શકો છો. 

પ્રોફેસર જુલિયને કહ્યું કે તમે ક્લાઇમેટ ચેન્જને રોજ મહેસૂસ નથી કરી શકતા, એક માણસ તરીકે જુઓ તો ધીમે ધીમે થઇ રહ્યું છે. પરંતુ ભૌગોલિક રીતે તે ઘણું ઝડપી છે. 


 

જોવા જેવું વધુ જુઓ

Pages

Subscribe to RSS - World
બ્રેકિંગ ન્યૂઝ