Sports News in Gujarati - Get Exclusive News Headlines and breaking sports Samachar in Gujarati only on VTVGujarati.com. Read latest sports news headlines in Gujarati
IPL 2024માં મુંબઈ ઈન્ડિયન્સની ટીમે હાર્દિક પંડ્યાની કેપ્ટન્સીમાં 7મી મેચમાં ત્રીજી જીત મેળવી હતી. પંજાબ કિંગ્સના સામે આ મેચમાં મુંબઈની તરફથી શાનદાર બેટિંગ પ્રદર્શન જોવા મળ્યું જેમાં સૂર્યકુમાર યાદવ 78 રનોની ઈનિંગ રમી. જ્યારે છેલ્લી ઓવરમાં બેટિંગ કરવા ઉતરેલા યુવા બેટ્સમેન તિલક વર્માએ ફક્ત 18 બોલમાં 2 ચોગ્ગા અને 2 છગ્ગા મારીને 34 રનની અણનમ ઈનિંગ રમી અને સાથે જ ટીમના સ્કોરને 190ને પાર પહોંચાડવામાં મહત્વની ભૂમિકા નિભાવી. તિલકે પોતાની આ ઈનિંગના દમ પર આઈપીએલમાં એક ખાસ લિસ્ટમાં પોતાની જગ્યા બાનાવી લીધી.
50 સિક્સ મારનાર બીજા સૌથી યુવા ખેલાડી
તિલક વર્માએ પંજાબ કિંગ્સના સામે પોતાની 38 રનોની અણનમ ઈનિંગમાં 2 છગ્ગા પણ લગાવ્યા જેની સાથે જ તેમણે પોતાના આઈપીએલ કરિયરમાં 50 છગ્ગા પણ પુરા કર્યા. તિલક હવે આઈપીએલમાં 21 વર્ષની ઉંમરમાં ઋષભ પંતના બાદ 50 છગ્ગા મારનાર બીજા ખેલાડી બની ગયા છે.
પંતે 21 વર્ષની ઉંમર સુધી આઈપીએલમાં 94 છગ્ગા લગાવ્યા હતા. ત્યાં જ આ લિસ્ટમાં હવે બીજા નંબર પર 50 છગ્ગાની સાથે તિલક વર્મા છે. તો ત્યાં જ ત્રીજા નંબર પર રાજસ્થાન રોયલ્સ ટીમનો ભાગ ઓપનિંગ બેટ્સમેન યશસ્વી જાયસવાલ છે. તેમણે 21 વર્ષની ઉંમર સુધી 48 છગ્ગા લગાવ્યા હતા.
વધુ વાંચો: આ છે IPLના ઇતિહાસમાં સૌથી ઓછાં રન બનાવનારી ટીમો, જાણો પહેલાં નંબર પર કઈ ટીમ?
IPLમાં 21 વર્ષની ઉંમર સુધી સૌથી વધારે સિક્સ લગાવનાર ખેલાડી
VTV Gujarati Newsની તમામ અપડેટ સૌથી પહેલા મેળવવા માટે અમારી WhatsApp ચેનલ ફોલો કરો
IPL 2024 ની 33મી મેચમાં મુંબઇ ઇન્ડિયન્સ અને પંજાબ કિંગ્સની ટીમો સામસામે આવી. છેલ્લી ઓવર સુધી ચાલેલી આ રોમાંચક મેચમાં મુંબઈનો 9 રને વિજય થયો હતો. આ સિઝનમાં મુંબઈની ત્રીજી જીત છે. પ્રથમ બેટિંગ કરતા મુંબઈ ઈન્ડિયન્સે નિર્ધારિત 20 ઓવરમાં 192 રન બનાવ્યા હતા. જવાબમાં પંજાબ કિંગ્સની ટીમ 183 રન બનાવીને ઓલઆઉટ થઈ ગઈ હતી. સિઝનમાં મુંબઈની આ ત્રીજી જીત છે, જ્યારે પંજાબને ચોથી હારનો સામનો કરવો પડ્યો છે.
An absolute rollercoaster of a game in Mullanpur comes to an end! 🎢
— IndianPremierLeague (@IPL) April 18, 2024
And it's the Mumbai Indians who emerge victorious in a nerve-wracking contest 🔥👏
Scorecard ▶️ https://t.co/m7TQkWe8xz#TATAIPL | #PBKSvMI pic.twitter.com/sLKVcBm9oy
આશુતોષે આશા જગાવી
મુંબઈ તરફથી મળેલા ટાર્ગેટનો પીછો કરતી વખતે પંજાબ કિંગ્સના 6 બેટ્સમેનો 77 રનમાં આઉટ થઈ ગયા હતા, પરંતુ આ પછી આશુતોષ શર્માએ શાનદાર બેટિંગ કરીને પંજાબની ટીમને ન માત્ર વાપસી કરાવી હતી પરંતુ સાથે સાથે ટીમને લગભગ જીતની સીમા સુધી પહોંચાડી દીધી હતી . જોકે, આશુતોષ વિજયના થોડા રન પહેલા આઉટ થઈ ગયો હતો. આશુતોષ શર્માએ 28 બોલમાં 61 રનની ઇનિંગ રમી હતી. તેની ઇનિંગમાં 7 છગ્ગા અને 2 ચોગ્ગા સામેલ હતા.
ICYMI!
— IndianPremierLeague (@IPL) April 18, 2024
The over that brought @PunjabKingsIPL closer to a dramatic win👌👌
WATCH 🎥🔽 #TATAIPL | #PBKSvMI https://t.co/hR1ZdmrGf7
કોએત્ઝીએ મેચને ફેરવી નાખી
પંજાબ કિંગ્સને અંતિમ 18 બોલમાં જીતવા માટે 25 રનની જરૂર હતી અને એવું લાગતું હતું કે આશુતોષ શર્મા પંજાબને સરળતાથી જીત તરફ લઈ જશે, પરંતુ ઇનિંગ્સની 18મી ઓવરમાં આવેલા ગેરાલ્ડ કોએત્ઝીએ આશુતોષને પહેલા જ બોલ પર કેચ આઉટ કરાવ્યો હતો પંજાબની આશાઓને મોટો ફટકો. આશુતોષ અને શશાંક સિંહ (41 રન) સિવાય પંજાબ તરફથી અન્ય કોઈ બેટ્સમેન આ મેચમાં રમ્યો ન હતો. મુંબઈ તરફથી જસપ્રિત બુમરાહ અને ગેરાલ્ડ કોએત્ઝીએ સૌથી વધુ 3-3 વિકેટ લીધી હતી. આકાશ મધવાલ, હાર્દિક પંડ્યા અને શ્રેયસ ગોપાલને 1-1 સફળતા મળી હતી.
For his economical three-wicket haul in a high-scoring affair, Purple Cap Holder @Jaspritbumrah93 receives the Player of the Match award 🏆
— IndianPremierLeague (@IPL) April 18, 2024
Scorecard ▶️ https://t.co/m7TQkWe8xz#TATAIPL | #PBKSvMI pic.twitter.com/oYbeHA8wdV
વધુ વાંચો : VIDEO : સ્ટેડિયમમાં રુપાળી છોકરી જોતા હોશ ખોઈ બેઠો શુભમન ગીલ ! વાયરલ થયું રિએક્શન
મુંબઈ ઈન્ડિયન્સે પંજાબ કિંગ્સને જીતવા માટે 193 રનનો ટાર્ગેટ આપ્યો હતો
સૂર્યકુમાર યાદવની શાનદાર અડધી સદીની મદદથી મુંબઈ ઈન્ડિયન્સે પંજાબ કિંગ્સને જીતવા માટે 193 રનનો ટાર્ગેટ આપ્યો હતો. સૂર્યકુમારના બેટમાંથી 78 રન આવ્યા હતા. તેમના સિવાય રોહિત શર્મા 36 રન બનાવીને અણનમ રહ્યા હતા અને તિલક વર્મા 34 રન બનાવીને અણનમ રહ્યા હતા. ઈશાન 8 રન બનાવીને આઉટ થયો હતો અને હાર્દિક 10 રન બનાવીને આઉટ થયો હતો. ટિમ ડેવિડ (14 રન), રોમારિયો શેફર્ડ (1 રન) અને મોહમ્મદ નબી (0 રન) પણ કંઈ ખાસ કરી શક્યા ન હતા. પંજાબ તરફથી હર્ષલ પટેલે સૌથી વધુ 3 વિકેટ ઝડપી હતી. કેપ્ટન સેમ કુરાને બે અને કાગીસો રબાડાને 1 વિકેટ મળી હતી.
ટીમ ઈન્ડીયાનો યુવા ક્રિકેટર અને આઈપીએલની ગુજરાત ટાઈટન્સનો કેપ્ટન શુભમન ગીલ તાજેતરની એક મેચ દરમિયાન અણધારી રીતે ચર્ચામાં આવ્યો છે. પોતાની શાનદાર બેટિંગ કુશળતા અને મોટો ચાહક વર્ગ ધરાવતો ગીલ અમદાવાદના નરેન્દ્ર મોદી સ્ટેડિયમમાં દર્શકોની વચ્ચે એક ચાહક છોકરી પર ફિદા થતો જોવા મળ્યો હતો. ગીલની આ હરકત કેમેરામાં ઝડપાઈ ગઈ હતી.
Wtf ! Gill bro ? 😭😭 pic.twitter.com/oewI3nQ9fO
— Sohel. (@SohelVkf) April 17, 2024
ગીલ ફેનગર્લ સામે તાકતો ઝડપાયો
નરેન્દ્ર મોદી સ્ટેડિયમમાં દિલ્હી કેપિટલ્સ સામેની મેચમાં ગીલ સ્ટેડિયમમાં બેઠેલી એક રુપાળી છોકરી સામે તાકી રહ્યો હતો. આ છોકરી હોલીવુડ એક્ટ્રેસ Ana de Armas જેવી લાગતી હતી અને એક તબક્કે તો એવું લાગતું હતું કે તે એક્ટ્રેસ જ છે.
સારા તેંડુલકર સાથે પણ અફેરની અફવા
સચિન તેંડુલકરની પુત્રી સારા તેંડુલકર અને ગિલ વચ્ચે અફેરની પણ ચર્ચા ઉડી રહી છે. જો કે બંને સ્ટાર્સે આ અહેવાલો પર ક્યારેય પ્રતિક્રિયા આપી નથી. પરંતુ તેમની તસવીરો સોશિયલ મીડિયા પર આવતાની સાથે જ વાયરલ થઈ જાય છે.
લખનૌ સુપર જાયન્ટ્સના કેપ્ટન કેએલ રાહુલે ઘણા પ્રસંગોએ શાનદાર પ્રદર્શન કર્યું છે. તેણે આઈપીએલ 2024માં અત્યાર સુધી સારું પ્રદર્શન કર્યું છે. રાહુલ પોતાનો 32મો જન્મદિવસ ઉજવી રહ્યો છે. ક્રિકેટમાંથી રાહુલની આવક કરોડો રૂપિયામાં છે. આ સાથે તેઓ અન્ય રીતે પણ કમાણી કરે છે. રાહુલની આઈપીએલ સેલેરી 17 કરોડ રૂપિયા છે. લખનૌ ફ્રેન્ચાઈઝી તેને એક સીઝન માટે 17 કરોડ રૂપિયા આપે છે. આ સાથે આંતરરાષ્ટ્રીય ક્રિકેટ માટે કરોડો રૂપિયા લેવામાં આવે છે. BCCIએ રાહુલને A કેટેગરીમાં રાખ્યો છે. તેઓ વાર્ષિક રૂ. 5 કરોડ ચાર્જ કરે છે. આ સાથે તેઓ મેચ ફી પણ લે છે.
મેચ ફીની સાથે રાહુલ બ્રાન્ડ એન્ડોર્સમેન્ટમાંથી પણ સારી કમાણી કરે છે. મીડિયા રિપોર્ટ્સ અનુસાર, તે એક શૂટ માટે 10 લાખ રૂપિયા ચાર્જ કરે છે. રાહુલે Puma, Realme અને Bharat Pe સહિત ઘણી બ્રાન્ડ સાથે કરાર કર્યા છે. કેએલ રાહુલે બોલીવુડ અભિનેત્રી આથિયા શેટ્ટી સાથે લગ્ન કર્યા છે. બંને મુંબઈમાં જ રહે છે. રાહુલ પાસે બેંગ્લોરમાં લક્ઝરી એપાર્ટમેન્ટ પણ છે. તે લગભગ 7000 હજાર ચોરસ ફૂટ છે. રિપોર્ટ્સ અનુસાર તેની કિંમત 65 લાખ રૂપિયા છે.
વધુ વાંચો : આ છે IPLના ઇતિહાસમાં સૌથી ઓછાં રન બનાવનારી ટીમો, જાણો પહેલાં નંબર પર કઈ ટીમ?
એક રિપોર્ટ અનુસાર રાહુલ પાસે કરોડો રૂપિયાની કાર છે. તેમના કાર કલેક્શનમાં BMW X5, લેન્ડ રોવર ડિફેન્ડર, રેન્જ રોવર વેલાર અને ઓડી R8 સહિત અનેક વાહનોનો સમાવેશ થાય છે.
IPLમાં રમતી ટીમો દરેક મેચમાં એક નવો રેકોર્ડ બનાવે છે. પરંતુ IPLમાં સૌથી ઓછો સ્કોર બનાવવાનો રેકોર્ડ કઈ ટીમના નામે છે તમે જાણો છો? IPLના ઈતિહાસમાં સૌથી ઓછો સ્કોર બનાવનાર ટીમો કઈ કઈ છે આવો જાણીએ.
IPLના ઈતિહાસમાં સૌથી ઓછો સ્કોર બનાવનાર ટીમો
VTV Gujarati Newsની તમામ અપડેટ સૌથી પહેલા મેળવવા માટે અમારી WhatsApp ચેનલ ફોલો કરો
IPL 2024 News : IPL 2024માં રાજસ્થાન રોયલ્સમાંથી રમી રહેલો સ્પિનર અશ્વિન અત્યાર સુધી ફ્લોપ રહ્યો છે. તેને 6 મેચમાં 209 રન આપી માત્ર એક જ વિકેટ લીધી છે. ઈન્ડિયન પ્રીમિયર લીગ 2024માં રવિચંદ્રન અશ્વિનનું કંગાળ પ્રદર્શન રહ્યુ છે છતા તેની પર ટીમ લગાતાર ભરોષો કરી રહી છે. આ સીઝનની IPLમાં તેને કુલ 6 મેચમાં માત્ર એક જ વિકેટ લીધી છે. રાજસ્થાન રોયલ્સનો આ સ્પિનર લગાતાર ફ્લોપ રહ્યો છે.
જો રાજસ્થાનની ગત મેચની વાત કરીયે તો અશ્વિન KKR સામે બરોબરનો ધોવાયો હતો. તે મેચમાં અશ્વિને 49 રન આપ્યા હતા અને એક વિકેટ પણ નહતી લીધી. અશ્વિને આ સીઝનમાં લખનઉ સુપર જાયન્ટ્સને બાદ કરતા કોઈ પણ ટીમની સામે વિકેટ નથી લીધી. લખનઉ સામે તેને 35 રન આપી સ્ટોઈનિસની વિકેટ લીધી હતી. રવિચંદ્રન અશ્વિને આ સીઝનની તેની કુલ 6 મેચમાં 23 ઓવર નાખી છે. આ 23 ઓવરમાં તેને 209 રન આપ્યા છે. તેની બોલિંગ એવરેજ 209.00 અને સ્ટ્રાઈક રેટ 138.00 રહી છે.
ઉલ્લેખનીય છે કે,આ સીઝનમાં અશ્વિન બાદ બીજા 4 બોલરો પણ એવા છે જેમને પણ માત્ર 1 વિકેટ લઈને 100 કરતા વધુ રન આપ્યા છે. જેમાં મયંક ડાગરે 5 મેચમાં 120 રન આપી એક વિકેટ લીધી છે. અલ્જારી જોસેફે 115 રન આપી એક વિકેટ લીધી છે. શેફર્ડે 109 રન આપ્યા છે તો મફાકાએ 103 રન આપ્યા છે. રવિચંદ્રન અશ્વિન આ IPLમાં અત્યાર સુધી ફ્લોપ રહ્યો છે, તે આ IPLમાં વિકેટો લેવાની લિસ્ટમાં બોટમ પર છે છતા તેનું આગામી વર્લ્ડ કપમાં BCCI દ્વારા સીલેક્શન થઈ શકે તેવી પુરેપુરી સંભાવના છે. અશ્વિન ગત T20 અને વન ડે વર્લ્ડ કપ પણ રમ્યો હતો.
અશ્વિન માટે રાહતની વાત એ રહી કે તેના આ IPLમાં ખરાબ પ્રદર્શન છતા તેની અસર રાજસ્થાનની ટીમ પર નથી પડી. રાજસ્થાન પોઈન્ટ ટેબલમાં ટોપ પર જ છે. રાજસ્થાન રોયલ્સે 7માંથી 6 મેચમાં જીત મેળવી છે. જેથી અશ્વિનને રેસ્ટ આપવાનું નથી વિચારવામાં આવતુ.
VTV Gujarati Newsની તમામ અપડેટ સૌથી પહેલા મેળવવા માટે અમારી WhatsApp ચેનલ ફોલો કરો
આગામી T20 વર્લ્ડ કપ યુએસ-વેસ્ટ ઈન્ડિઝમાં યોજાવાનો છે, જેના માટે આ મહિનાના અંત સુધીમાં ભારતીય ટીમની જાહેરાત કરવામાં આવશે. ત્યારે IPLમાં સારું પ્રદર્શન કરનાર કોઈ નવા ખેલાડીની પસંદગી થવાની કોઈ શક્યતા નથી. કેટલાક દિગ્ગજ ક્રિકેટરોને નિરાશાનો સામનો કરવો પડી શકે છે. ઇન્ટરનેશનલ ક્રિકેટ કાઉન્સિલ (ICC) એ કામચલાઉ 15 સભ્યોની ટીમની જાહેરાત કરવાની તારીખ 1 મે નક્કી કરી છે, જેમાંથી અજીત અગરકર અને તેના સાથીઓને ટીમનાં દરેક સભ્યનાં ફિટ હોવાની સ્થિતિમાં કેટલાક સ્પષ્ટ વિકલ્પો પસંદ કરવા પડશે. એક અહેવાલમાં એક સૂત્રને ટાંકીને આપવામાં આવેલી માહિતી અનુસાર, એ ખેલાડીઓને પસંદ કરવામાં આવશે કે જે ભારત માટે રમે છે અને જેમને T20 ઇન્ટરનેશનલ અને IPLમાં સતત સારું પ્રદર્શન કર્યું છે.
એવું લાગે છે કે શુભમન ગિલ અને યશસ્વી જયસ્વાલમાંથી કોઈ એકને જ ટીમમાં જગ્યા મળી શકે છે, પરંતુ જો પ્લેઇંગ ઇલેવનમાં બંનેની પસંદગી કરવામાં આવે છે, તો પછી બે ફિનિશર રિંકુ સિંહ અને શિવમ દુબેમાંથી માત્ર એકને જ જગ્યા મળી શકે છે. જયારે બીજા વિકેટકીપરની જગ્યા માટેનો નિર્ણય પણ કટોકટીનો હોઈ શકે છે. જે જગ્યા મેળવવા માટે સંજુ સેમસને જીતેશ શર્મા, કેએલ રાહુલ અને ઇશાન કિશને સ્પર્ધા આપવી પડશે. કેએલ રાહુલ અને ઈશાન કિશન ટોચના ક્રમમાં બેટિંગ કરે છે અને આ આઈપીએલમાં, આ બંનેએ હજુ સુધી મિડલ ઓર્ડરમાં બેટિંગ કરવાનો પ્રયાસ કર્યો નથી, જેના કારણે પસંદગીકારો માટે નીચલા ક્રમમાં તેમના પ્રદર્શનનું વિશ્લેષણ કરવું મુશ્કેલ બનશે.
હાર્દિક પંડ્યાની બોલિંગ ફિટનેસ ભલે ચિંતાનો વિષય છે, પરંતુ તેની પસંદગી અંગે કોઈ શંકા દેખાઈ રહી નથી. તેની જેમ વિરાટ કોહલીને પણ ટીમમાં સામેલ કરવા પર કોઈ શંકા નથી. જયારે કેપ્ટન રોહિત શર્મા, સૂર્યકુમાર યાદવ, ઝડપી બોલર જસપ્રિત બુમરાહ, રવિન્દ્ર જાડેજા, રિષભ પંત, અર્શદીપ સિંહ, મોહમ્મદ સિરાજ અને કુલદીપ યાદવની પસંદગી નિશ્ચિત છે. જો આ 10 ખેલાડીઓ ફિટ છે તો તેઓ ચોક્કસપણે અમેરિકા જશે. રોયલ ચેલેન્જર્સ બેંગલુરુએ સિરાજને આરામ આપ્યો છે કારણ કે તે સતત રમી રહ્યો છે અને તેના વર્કલોડ મેનેજમેન્ટની જરૂર છે.
જો આપણે શુભમન ગિલ અને યશસ્વી જયસ્વાલ વચ્ચેની પસંદગીની વાત કરીએ તો, ગુજરાત ટાઇટન્સના કેપ્ટને વધુ રન બનાવ્યા છે, પરંતુ જો યશસ્વી જયસ્વાલની વાત કરીએ તો પસંદગી સમિતિ IPLમાં તેના ઓછા સ્કોરને જોઇને તેને અવગણી શકે નહીં. ઉપરાંત, ટોપ ચારમાં તે એકમાત્ર ડાબોડી બેટ્સમેન છે જે સારી બાબત છે, પરંતુ જો ગિલ સતત રન બનાવતો રહેશે તો જયસ્વાલ માટે વસ્તુઓ મુશ્કેલ બની જશે. અન્યથા પસંદગીકારો બંનેને સામેલ કરી શકે છે અને શિવમ અને રિંકુમાંથી કોઈ એકને જ પસંદ કરી શકે છે.
'રિઝર્વ' સ્પિનરની જગ્યા માટે ત્રણ ક્રિકેટરો અક્ષર પટેલ, યુઝવેન્દ્ર ચહલ અને રવિ બિશ્નોઈ વચ્ચે માટે સ્પર્ધા થશે. અક્ષર ડાબોડી સ્પિનર છે, તો સાથે જ તે ઉપયોગી બેટ્સમેન પણ છે. ચહલ તેની નવ વર્ષની આંતરરાષ્ટ્રીય કારકિર્દીમાં હજુ સુધી એક પણ T20 વર્લ્ડ કપ રમ્યો નથી, પરંતુ તે બોલિંગ કૌશલ્યમાં અન્ય બે કરતા ઘણો આગળ છે, પરંતુ તેને વારંવાર મહત્ત્વપૂર્ણ ટીમમાંથી બહાર કરવામાં આવ્યો હોવાને કારણે જૂનમાં થનારી ટૂર્નામેન્ટમાં તેની પસંદગી પર સવાલ ઉભા થાય છે.
IPLમાં રિયાન પરાગ, મયંક યાદવ, અભિષેક શર્મા અને હર્ષિત રાણા જેવા તમામ નવા ખેલાડીઓએ સારું પ્રદર્શન કર્યું છે, પરંતુ એવું જાણવા મળે છે કે પસંદગી સમિતિ તેમને વર્લ્ડ T20 જેવી ઉચ્ચ સ્તરીય ટુર્નામેન્ટમાં ટેસ્ટ કરવાને બદલે દ્વિપક્ષીય ક્રિકેટમાં સરળ બનાવવાની પ્રક્રિયાનું પાલન કરશે. ઝિમ્બાબ્વે અને શ્રીલંકા સામે સફેદ બોલની બે સિરીઝ રમાશે, જેમાં આ યુવા ખેલાડીઓ ભારત માટે ડેબ્યૂ કરવા માટે લાઇનમાં હશે. નીતિશ રેડ્ડી બોલિંગ ઓલરાઉન્ડર છે, તે ગયા વર્ષે શ્રીલંકાના પ્રવાસે ગયેલી 'ઈન્ડિયા ઇમર્જિંગ' ટીમનો ભાગ હતો. તે પણ આ રસ્તા પર ચાલી શકે છે. એ જોવાનું રસપ્રદ રહેશે કે બીસીસીઆઈ મયંક યાદવ, હર્ષિત રાણા અને આકાશ મધવાલ જેવા ખેલાડીઓને નેટ બોલર તરીકે લઈ જાય છે કે નહીં કારણ કે તેનાથી તેમને સારી તક મળશે.
વધુ વાંચો: 'પિચ તો સારી હતી પરંતુ...', દિલ્હી કેપિટલ્સ સામે શરમજનક હાર બાદ પોતાની જ ટીમ પર ભડક્યો શુભમન
VTV Gujarati Newsની તમામ અપડેટ સૌથી પહેલા મેળવવા માટે અમારી WhatsApp ચેનલ ફોલો કરો
દિલ્હી કેપિટલ્સે બુધવારે ઓછા સ્કોર વાળી IPL મેચમાં ગુજરાત ટાઈટન્સને છ વિકેટથી મ્હાત આપી. દિલ્હી કેપિટલ્સે ટોસ જીતીને બોલિંગ કરવાનો નિર્ણય કરતા ગુજરાત ટાઈટન્સને 17.3 ઓવરમાં 89 રન પર ઓલઆઉટ કરી નાખ્યા જે આ સીઝનમાં કોઈ પણ ટીમનો સૌથી ઓછો સ્કોર છે.
ગુજરાત ટાઈટન્સનો આ આઈપીએલમાં અત્યાર સુધીનો સૌથી ઓછો સ્કોર પણ હતો. છેલ્લી અમુક મેચોમાં દિલ્હી કેપિટલ્સના બોલર એટલું સારૂ પ્રદર્શન ન હતા કરી રહ્યા પરંતુ આખરે આ મેચમાં તેમનો જલવો જોવા મળ્યો. મુકેશ કુમાર સૌથી વધારે સફળ બોલર રહ્યા તેમણે 14 રન આપીને ત્રણ વિકેટ લીધી જ્યારે ઈશાન શર્માએ આઠ રન આપીને 2 અને ટ્રિસ્ટન સ્ટબ્સને પોતાની એક ઓવરમાં બે વિકેટ મેળવી.
હાર બાદ ભડક્યો શુભમન ગિલ
ગુજરાત ટાઈટન્સની બેટિંગ ખૂબ જ ખરાબ રહી તેમનામાં ફક્ત ત્રણ જ ખેલાડી ડબલ ફિગર સુધી પહોંચી શક્યા હતા. જેમાં રાશિદ ખાને સૌથી વધારે 24 બોલમાં 31 રન બનાવ્યા તેમણે ટીમની ઈનિંગની એક માત્ર સીક્સ પણ મારી. ગુજરાત ટાઈટન્સના કેપ્ટન શુભમન ગિલે પોતાની હાર માટે પોતાની ખરાબ બેટિંગને જવાબદાર ગણાવી.
તેમણે કહ્યું, "અમે એવરેજ બેટિંગ કરી. અમારે આ મેચને ભૂલીને આગળ વધવું પડશે. પીચ સારી હતી પરંતુ અમારી બેટિંગના શોટની પસંદગી ખરાબ રહી. વિકેટ ઠીક હતી પરંતુ જો તમે અમારા આઉટ થવાની રીતને જોશો તો તેનું પિચ સાથે કોઈ લેવાદેવ ન હતું."
વધુ વાંચો: રાજધાની આગળ પાટનગર ફેલ: ગુજરાત ટાઈટન્સની કારમી હાર, 9 ઓવરમાં જ જીત્યું DC
પોતાની જ ટીમથી નારજ થયા ગુજરાતના કેપ્ટન
શુભમન ગિલે કહ્યું, "આ નાના સ્કોર બાદ અમે મેચમાં ક્યાંય ન હતા. અમારા બેટ્સમેન બે હેટ્રિક લે ત્યારે કોઈ સંભાવના બની શકતી હતી. દિલ્હી કેપિટલ્સના કેપ્ટન ઋષભ પંતે કહ્યું કે તે હજુ પણ ટૂર્નામેન્ટમાં અહીંથી સુધાર કરી શકે છે. ઋષભ પંતે શાનદાર કેપ્ટન્સી ઉપરાંત વિકેટ કિપર તરીકે પણ ફૂર્તી બતાવી અને બે સ્ટંપિંગ અને બે કેચ પકડ્યા. તેમણે પોતાની બોલિંગનો સારો ઉપયોગ કરતા ગુજરાત ટાઈટન્સની ટીમને તેમના જ મેદાન પર 89 રન પર ઓલ આઉટ કરી નાખી."
VTV Gujarati Newsની તમામ અપડેટ સૌથી પહેલા મેળવવા માટે અમારી WhatsApp ચેનલ ફોલો કરો
T20 વર્લ્ડ કપ પહેલા દિલ્હી કેપિટલ્સનો કેપ્ટન રિષભ પંત માત્ર બેટિંગમાં જ નહીં પરંતુ વિકેટકીપિંગમાં પણ સૌ કોઇના દિલ જીતી રહ્યો છે. પંતે 17 એપ્રિલે અમદાવાદના નરેન્દ્ર મોદી સ્ટેડિયમમાં ગુજરાત ટાઇટન્સ સામે જબરદસ્ત સ્ટમ્પિંગ કર્યું હતું. તેણે તેને તેના ગુરુ મહેન્દ્ર સિંહ ધોનીની યાદ અપાવી. પંતે એક નહીં પરંતુ બે બેટ્સમેનોના સ્ટમ્પિંગ કર્યા હતા. તેનો વીડિયો સોશિયલ મીડિયા પર વાયરલ થયો છે. જોકે, પંતના બીજા સ્ટમ્પિંગને લઈને ઘણો વિવાદ થયો હતો. જેમાં શાહરૂખ ખાન આઉટ જાહેર કરાયો હતો.
— Cricket Videos (@cricketvid123) April 17, 2024
ગુજરાતની ઈનિંગની નવમી ઓવરમાં ટ્રિસ્ટન સ્ટબ્સે પંતના હાથે બે ખેલાડીઓને સ્ટમ્પ કર્યા હતા. પંતે ઓવરના ત્રીજા બોલ પર અભિનવ મનોહરનુ સ્ટમ્પિંગ કર્યુ હતું. જે બાદ શાહરૂખ ખાન પાંચમા બોલ પર સ્ટમ્પિંગ થઈ ગયો હતો. પંત દ્વારા કરવામાં આવેલા બીજા સ્ટમ્પિંગને લઈને વિવાદ થયો હતો. સ્ટમ્બ્સે રાઉન્ડ ધ વિકેટ બોલ કર્યો. શાહરૂખ થોડો આગળ નીકળી ગયો હતો. તે બોલ રમી શક્યો ન હતો. વિકેટકીપર પંતે તેની ભૂલનો ફાયદો ઉઠાવ્યો અને તેનું સ્ટમ્પિંગ કરી દીધું.
અમ્પાયરે કેમ આપ્યો આઉટ?
પંત બોલને યોગ્ય રીતે પકડવામાં નિષ્ફળ રહ્યો હતો. બોલ તેના હાથમાંથી નીકળી ગયો હતો, પરંતુ દિલ્હી કેપિટલ્સ ટીમ નસીબદાર હતી કે બોલ સ્ટમ્પ પર પડ્યો હતો. શાહરૂખ તેની ક્રિઝની બહાર હતો પરંતુ શંકા હતી કે પંતનો હાથ પહેલા સ્ટમ્પને અડ્યો કે નહીં. રિપ્લેમાં જાણવા મળ્યું કે બોલ સ્ટમ્પ સાથે અથડાયો હતો. અમ્પાયરે લાંબી વિચારણા બાદ શાહરૂખને આઉટ આપ્યો હતો. પંતનો હાથ સ્ટમ્પને સ્પર્શ્યો હતો, પરંતુ બોલ સ્ટમ્પ પર અથડાતાં જ બેઇલ પડી ગયા હતા. આખરે શાહરૂખ ખાન ગોલ્ડન ડકનો શિકાર બન્યો. તેણે પેવેલિયન પરત ફરવું પડ્યું.
ગુજરાતના બેટ્સમેન નિષ્ફળ રહ્યા હતા
ગુજરાત ટાઇટન્સ ટીમ દિલ્હી કેપિટલ્સ સામે 89 રનમાં આઉટ થઈ ગઈ હતી. તેની આખી ટીમ માત્ર 17.3 ઓવર જ રમી શકી હતી. ગુજરાત માટે માત્ર 3 બેટ્સમેન ડબલ ફિગર પાર કરી શક્યા હતા. રાશિદ ખાને 24 બોલમાં 31 રન, સાઈ સુદર્શને 9 બોલમાં 12 રન અને રાહુલ તેવટિયાએ 15 બોલમાં 10 રન બનાવ્યા હતા. શુભમન ગિલ 8 રન, અભિનવ મનોહર 8, ડેવિડ મિલર 2 અને રિદ્ધિમાન સાહા 2 રન બનાવીને આઉટ થયા હતા. શાહરૂખ ખાન ખાતું ખોલાવી શક્યો ન હતો. દિલ્હી તરફથી મુકેશ કુમારે 3 વિકેટ લીધી હતી. ઈશાંત શર્મા અને ટ્રિસ્ટન સ્ટબ્સને 2-2 સફળતા મળી હતી. અક્ષર પટેલ અને ખલીલ અહેમદે 1-1 વિકેટ લીધી હતી.
ગુજરાત ટાઇટન્સ અને દિલ્હી કેપિટલ્સ વચ્ચે આજે અમદાવાદના નરેન્દ્ર મોદી સ્ટેડિયમમાં રમાયેલી મેચમાં દિલ્હી કેપિટલ્સની જીત થઇ છે. આ મેચમાં પ્રથમ દાવમાં ગુજરાત ટાઇટન્સની ટીમ માત્ર 89 રન નોંધાવી શકી હતી. આખા ઇનિંગ્સમાં માત્ર એક સિકસર વાગી હતી.. ટીમના 8 ખેલાડીઓ એવા હતા જે 10 કે તેથી ઓછા રનમાં પેવેલિયન ભેગા થઇ ગયા હતા.
Innings Break!
— IndianPremierLeague (@IPL) April 17, 2024
A dominant bowling performance from Delhi Capitals restricts #GT to their lowest total of 89 in the IPL 🙌#DC chase coming up shortly ⌛️
Scorecard ▶ https://t.co/SxAzZl3Jf6#TATAIPL | #GTvDC pic.twitter.com/HRTLZOWh1p
સૌથી વધુ રન રાશીદ ખાને ફટકાર્યા હતા. રાશિદખાને 24 બોલમાં 31 રન ફટકાર્યા હતા. દિલ્હી કેપિટલ્સ વતી મુકેશકુમારે 3 વિકેટ ઝડપી હતી
જવાબમાં દિલ્હી કેપિટલ્સે ખુબજ સરળતાથી ટાર્ગેટ ચેસ કરીને મેચ જીતી લીધી હતી.
An entertaining brief cameo from Fraser-McGurk comes to an end 👍
— IndianPremierLeague (@IPL) April 17, 2024
P.S - That reaction from Sourav Ganguly 😄
Watch the match LIVE on @StarSportsIndia and @JioCinema 💻📱#TATAIPL | #GTvDC | @delhicapitals pic.twitter.com/8IKD6LkCS0