Sunday, July 21, 2019
સબસ્ક્રાઈબ કરો VTVGujarati ન્યુઝ Whatsapp

Sports

Gujarati Name: 
સ્પોર્ટસ

ક્રિકેટ / ધોનીનો મોટો નિર્ણય : આગામી 2 મહિના માટે ટીમ ઈન્ડિયાનો સાથ છોડશે, કરશે આ કામ

ધોનીનો મોટો નિર્ણય : આગામી 2 મહિના માટે ટીમ ઈન્ડિયાનો સાથ છોડશે, કરશે આ કામ

ટીમ ઇન્ડિયાના દિગ્ગજ અને ધાકડ વિકેટકીપર બેટ્સમેન મહેન્દ્ર સિંહ ધોનીએ પોતાના સંન્યાસ અને વેસ્ટ ઇન્ડિઝ પ્રવાસ પર ના જવાની તમામ અટકળો પર પૂર્ણવિરામ મૂકી દીધુ છે.

38 વર્ષીય એમ.એસ.ધોનીએ BCCIને સૂચિત કર્યુ કે તેઓ હાલમાં 2 મહિના સુધી ક્રિકેટ નહી રમે. ધોની આગામી 2 મહિના માટે પૈરા મિલેટરી ફોર્સમાં શામેલ થવા જઇ રહ્યો છે.

જોકે ધોનીએ પોતાના સંન્યાસને લઇને કોઇ જાહેરાત કરી નથી, પરંતુ 2 મહિના સુધી ક્રિકેટ નહી રમે. આ પહેલા એવું અનુમાન લગાવવામાં આવી રહ્યુ હતુ કે, ધોની વર્લ્ડ કપ પછી ક્રિકેટમાંથી સંન્યાસ લઇ લેશે. 

આ પહેલા ધોનીના સંન્યાસના સમાચાર પર મેનેજર તથા દોસ્ત અરૂણ પાંડેએ નિવેદન આપ્યુ હતુ. અરૂણ પાંડેએ કહ્યુ કે, ''હાલ ધોનીનો રિટાયર્ડ થવાનો કોઈ પ્લાન નથી. આટલા કીર્તિમાન ખેલાડીના ભવિષ્યને લઈને આ પ્રકારનો ક્યાસ લગાવવો તે ખૂબ જ દુઃખદ બાબત છે.''

તમને જણાવી દઇએ કે, વર્લ્ડ કપમાં ટીમ ઇન્ડિયાની સફર સેમિફાઇનલ પર અટકતા ધોનીના સંન્યાસની અટકળો લગવાની શરૂ થઇ ગઇ. અરૂણ પાંડે પહેલા ધોનીના બાળપણના કોચ કેશવ બેનર્જીએ કહ્યુ હતુ કે, તે T-20 વર્લ્ડ કપ સુધી રમી શકે છે. 

ધોનીના સંન્યાસને લઇને ભારતીય ક્રિકેટ કંટ્રોલ બોર્ડ (BCCI)ની તરફથી કોઇ સત્તાવાર નિવેદન આવ્યુ નથી. તમને જણાવી દઇએ કે, 2019 ધોની પોતાના ફોર્મને લઇને સતત આલોચકોના ટાર્ગેટ પર રહ્યા છે. 8 મેચમાં તેણે 273 રન કર્યા છે, જે કોઇ પણ ભારતીય મધ્યક્રમના બેટ્સમેન દ્વારા સૌથી વધારે છે. હાર્દિક પંડ્યા (226) અને રિષભ પંત (116)ની યાદીમાં તેનાથી પાછળ છે.

શા માટે શામેલ થશે પૈરા મિલેટરી ફોર્સમા:

ટીમ ઇન્ડિયાના પૂર્વ કેપ્ટન મહેન્દ્ર સિંહ ધોનીના ક્રિકેટની ઉપલબ્ધિઓને કારણે 2011માં પ્રાદેશિક સેનાના માનદ લેફ્ટિનેન્ટ કર્નલની રેન્ક આપવામાં આવી નથી. ધોની પહેલા આ ઉપલબ્ધિ કપિલ દેવને આપવામાં આવી હતી. આ ઉપલબ્ધિ મળતા સમયે તેણે કહ્યુ કે, સેનામાં અધિકારી બનવા ઇચ્છતો હતો, પરંતુ નસીબે તેણે ક્રિકેટર બનાવી દીધો. 

જોવા જેવું વધુ જુઓ

નિર્ણય / વિરાટ-શાસ્ત્રી નક્કી કરશે ક્રિકેટરોની પત્ની કે ગર્લફ્રેન્ડનું શેડ્યૂલ: CoA

વિરાટ-શાસ્ત્રી નક્કી કરશે ક્રિકેટરોની પત્ની કે ગર્લફ્રેન્ડનું શેડ્યૂલ: CoA

BCCIનું કામકાજનું ધ્યાન રાખવા માટે સુપ્રીમ કોર્ટ દ્વારા પ્રશાસકોની સમિતિ (CoA)એ ભારતીય ક્રિકેટ ટીમના કેપ્ટન વિરાટ કોહલી અને રવિ શાસ્ત્રીને આગામી વિદેશ પ્રવાસ દરમિયાન ટીમના સભ્યોની પત્ની  અને ગર્લફ્રેન્ડ્સની યાત્રાની જાણકારી આપવા માટે કહ્યુ છે.

વાસ્તવમાં, વિદેશ પ્રવાસ પર રમનારી ટીમના સભ્યોની પત્ની અને ગર્લફેન્ડની યાત્રાની અનુમતિ આપવી અથવા તો નામંજૂર કરવાનો નિર્ણય કોચ  અને કેપ્ટનના હાથમાં છે. આવુ પહેલી વખત છે જ્યારે આ અધિકાર કોચ  અને કેપ્ટનને  આપવામા આવ્યો હોય. આ પહેલા BCCI મેનેજમેન્ટ આ નિર્ણય લેતુ હતુ. COAના આ નિર્ણયથી BCCI અને હવે લોઢા પેનલ બંને આશ્ચર્યમાં મુકાઈ ગયા છે. 

BCCIના અધિકારી અનુસાર,  ''પત્ની અને ગર્લફ્રેન્ડ્સ ટૂર પર જશે કે નહીં તેનો નિર્ણય કોચ અને કેપ્ટનને આપવો હિતનો ટકરાવ છે. તેણે કહ્યું કે, આ પહેલા પણ COAએ માત્ર BCCI જ નહીં પરંતુ લોઢા પેનલના નિયમનો પણ ઉલ્લઘન થાય તેવા નિર્ણય લીધા છે.'' 

BCCIના સૂત્રોનું કહેવું છે કે આ ફક્ત હિતનો ટકરાવ નથી પરંતુ આની અસર ટીમના પ્રદર્શન પર પણ થઇ શકે છે. આ સાથે સવાલ પણ કર્યુ છે કે શું કોચ અને કેપ્ટનને આ અધિકાર આપતા પહેલા ક્રિકેટરોની પત્ની અને ગર્લફ્રેન્ડને પણ પૂછવામાં આવ્યુ છે કે અથવા તો ક્રિકેટરોની પત્નીને બિઝી શેડ્યૂલને ધ્યાનમાં રાખવામાં આવ્યુ છે. 

જ્યારે આર એમ લોઢાએ કહ્યું હતું કે, ''આવા નિણર્ય લેવા માટે લોકપાલ ડી કે જૈન ત્યાં હાજર છે. દરેક જણ લોઢા પેનલના પ્રસ્તાવનો પોતાની રીતે ઉપયોગ કરી રહ્યું છે. જો આવી કોઈ વાત સામે આવે તો તેનો નિર્ણય લોકપાલે જ લેવો જોઈએ અને લોકપાલના સંવિધાનનો સામે લેવાતા નવા પગલાંનો વિરોધ કરવો જોઈએ.''

જોવા જેવું વધુ જુઓ

કાર્યવાહી / ICC એ ક્રિકેટની આ ટીમને તાત્કાલિક અસરથી કરી સસ્પેન્ડ

ICC એ ક્રિકેટની આ ટીમને તાત્કાલિક અસરથી કરી સસ્પેન્ડ

આંતરરાષ્ટ્રીય ક્રિકેટ પરિષદ (ICC)ની વાર્ષિક મીટિંગમાં ગુરૂવારે પૂર્ણ થઇ હતી. આ બેઠકમાં આઇસીસીએ ઝિમ્બાબ્વે ક્રિકેટ બોર્ડને તાત્કાલિક અસરથી સસ્પેંડ કરવાનો નિર્ણય કર્યો હતો. ICCએ ઝિમ્બાબ્વે ક્રિકેટને સસ્પેન્ડ કરવા ગુરુવારે એક નિવેદન આપતા કહ્યું કે ઝિમ્બામ્બે ક્રિકેટ લોકતાંત્રિક રીતે નિષ્પક્ષ ચૂંટણી કરવવાનો માહોલ તૈયાર કરીને અને ક્રિકેટના વહીવટી તંત્રમાં સરકારને દખલને દૂર કરવામાં નિષ્ફળ રહી છે. 

ઉલ્લેખનીય છે કે, સસ્પેન્શન બાદ હવે આઇસીસી તેનું ફંડિંગ પણ અટકાવી દેશે અને તેની ટીમ આઇસીસીની કોઇપણ ઇવેન્ટસમાં ભાગ લઇ શકશે નહી. એટલું જ નહી, આ વર્ષે ઓક્ટોબરમાં મેન્સ T20 વર્લ્ડકપ ક્વાલિફાયરમાં ઝિમ્બામ્બેની ટીમની ભાગીદારી પણ જોખમમાં છે. 

આપને જણાવી દઇએ કે, આઇસીસીના ચેરમેન શશાંક મનોહરે જણાવ્યું હતું કે ''અમે કોઇપણ સભ્યને બેન કરવાના નિર્ણયને હળવાશમાં લેતા નથી, પરંતુ અમે અમારી રમતને રાજકીય હસ્તક્ષેપથી મુક્ત રાખવા માંગીએ છીએ. ઝિમ્બામ્બેમાં જે થયું છે તે આઇસીસી બંધારણનું ગંભીર ઉલ્લંઘન છે અને અમે તેને અનિયંત્રિત રીતે ચાલુ રાખવાની પરવાનગી આપી ન શકે. આઇસીસી ઇચ્છે છે કે ઝિમ્બામ્બેમાં ક્રિકેટ તેના સંવિધાનના અનુસાર ચાલુ રહે.''

જોવા જેવું વધુ જુઓ

નિવેદન / ધોનીના સંન્યાસને લઈને આવ્યાં મોટાં સમાચાર, મેનેજર આપ્યું નિવેદન

ધોનીના સંન્યાસને લઈને આવ્યાં મોટાં સમાચાર, મેનેજર આપ્યું નિવેદન

ટીમ ઇન્ડિયાના ક્રિકેટર અને પૂર્વ કેપ્ટન મહેન્દ્ર સિંહ ધોનીના સંન્યાસના સમાચાર મામલે તેમના મેનેજર અને મિત્ર અરુણ પાંડેએ નિવેદન આપ્યું છે. અરૂણ પાંડેએ કહ્યું કે ધોનીનો સંન્યાયનો કોઇ ઇરાદો નથી. તેમણે જણાવ્યું કે અત્યારે માહીનો ક્રિકેટ છોડવાનો કોઇ જ પ્લાન નથી. 

ધોનીની વેસ્ટ ઈન્ડિઝ પ્રવાસ માટે પસંદગી મુશ્કેલ 

એવા અહેવાલો પ્રાપ્ત થયાં છે કે, ધોનીને વેસ્ટ ઈન્ડિઝ પ્રવાસ માટે પસંદ કરવામાં આવશે નહીં, પસંદગીકારો તેમની સાથે નિવૃત્તિ મુદ્દે વાત કરી શકે છે. તાજેતરમાં યોજાયેલ વર્લ્ડ કપમાં મહેન્દ્રસિંહ ધોનીની બેટિંગને જોતા મુખ્ય પસંદગીકાર એમએસકે પ્રસાદ ઝડપથી જ તેમની સાથે વાતચીત કરશે. 

ધોનીની નિવૃત્તિ અંગે આવ્યા મોટા સમાચાર, આગામી 48 કલાકમાં...

મુખ્ય પસંદગીકારે કહ્યું કે, જો ધોની જાતે જ નિવૃત્તિ લેશે, તો તે સંભવતઃ ટીમમાં ઓટોમેટિક લેવામાં આવશે નહીં. તેમણે સ્પષ્ટ ઇશારામાં એવા સંકેત આપ્યા હતા કે હવે ધોની ટીમ પસંદગીની યોજનામાં સામેલ થશે નહીં.

MS ધોનીને 7માં નંબર પર મોકલવાના નિર્ણય પર રવિ શાસ્ત્રીએ કર્યો ખુલાસો

ત્યારે આજરોજ ધોનીના લાંબા સમયના મિત્ર અને મેનેજર અરૂણ પાંડેએ એક નિવેદન આપતા જણાવ્યું કે, ધોનીના ક્રિકેટ જગતમાં સંન્યાસને લઇને કોઇ જ ઇરાદો નથી. માહી ક્રિકેટ છોડવાનો કોઇ પ્લાન કરી નથી. પાંડેના આ નિવેદનને પગલે ધોનીના ચાહકોમાં ખુશીનું વાતાવરણ જોવા મળ્યું હતું.

જોવા જેવું વધુ જુઓ

નિવેદન / ધોનીના સંન્યાસ મામલે ગંભીરે કરી ચોંકાવનારી વાત, ચાહકોને કદાચ નહીં ગમે

ધોનીના સંન્યાસ મામલે ગંભીરે કરી ચોંકાવનારી વાત, ચાહકોને કદાચ નહીં ગમે

ભારતના પૂર્વ બેટ્સમેન ગૌતમ ગંભીરે કહ્યુ કે, મહેન્દ્ર સિંહ ધોની જે રીતે યુવા ખેલાડીઓની માંગ કરીને ભવિષ્ય માટે સારું વિચાર્યુ હતુ, તેવી જ રીતે તેના વિશે વ્યવહારિક નિર્ણય લેવાની જરૂર છે કેમકે યુવા ખેલાડીઓ રાહ જોઇ રહ્યા છે.

એવી અટકળો છો ધોની વર્લ્ડ કપમાં ભારત માટે છેલ્લી વનડે રમી ચૂક્યો છે. ભારતને સેમિફાઇનલમાં ન્યૂઝીલેન્ડે હરાવ્યુ હતુ. સિલેક્શન કમિટીની બેઠક રવિવારે થશે જેમાં વેસ્ટ ઇન્ડિઝ પ્રવાસ માટે ટીમ ઇન્ડિયાની પસંદગી કરવામાં આવશે. જેમાં પૂરુ ફોકસ ધોની પર રહેશે અને ગંભીરને માનવુ છે, પ્રેક્ટિકલી નિર્ણય લેવામાં આવે. 

ગૌતમ ગંભીરે ઇન્ટરવ્યૂમાં જણાવ્યુ કે, ''ભવિષ્ય વિશે વિચારવુ જરૂરી છે. ધોની જ્યારે કેપ્ટન હતો ત્યારે ભવિષ્ય માટે જ વિચાર્યુ હતુ. મને યાદ છે કે ધોનીએ ઓસ્ટ્રેલિયામાં કહ્યુ હતું કે, હું, સચિન અને સેહવાગ ત્રણેય સીબી સીરિઝ નહી રમી શકીએ કેમકે મેદાન મોટા છે. ધોનીએ વર્લ્ડ કપ માટે યુવા ખેલાડીઓ માંગ્યા હતા. પ્રેક્ટિકલી નિર્ણય લેવાની જરૂર છે. યુવાનોને મૌકો આપવાની જરૂ છે પછી તે રિષભ પંત હોય, સંજૂ સૈમસન, ઇશાન કિશન કે પછી અન્ય કોઇ વિકેટકીપર. જેમાં પણ ક્ષમતા હોય, તેણે વિકેટકીપર બનાવવામાં આવે.'' 

ગંભીરે કહ્યુ કે, ''યુવાનોને અત્યાર સુધી પર્યાપ્ત મૌકો નથી મળ્યો, જેથી તેઓ ભારત માટે સારું ફોર્મ નથી કરી શક્યા. તેમણે દોઢ વર્ષ સુધી મૌકો આપવામાં આવે તેમ છતાં જો સારુ પ્રદર્શન ના કરે તો તેમની જગ્યાએ બીજાને સ્થાન આપો. જેનાથી ખબર પડશે કે આગામી વર્લ્ડકપમાં વિકેટકીપર કોણ હશે.'' ક્રિકેટથી રાજનીતિમાં આવેલા ગંભીરે કહ્યુ કે, ધોની ટીમ ઇન્ડિયાનો સર્વશ્રેષ્ઠ કેપ્ટનમાંથી એક છે પરંતુ સફળતાનો સંપૂર્ણ શ્રેય તેને આપવો અને હાર માટે પણ તે જવાબદાર નથી. ધોની ચેમ્પિયન્સ ટ્રોફી અને વર્લ્ડ કપ જીત્યા પરંતુ બીજા કેપ્ટન પણ ભારતને આગળ લઇ ગયા છે. અનિલ કુંબલે  અને રાહુલ દ્રવિડે આ કામ કર્યુ છે.''

જોવા જેવું વધુ જુઓ

ક્રિકેટ / ઇન્ડિઝ પ્રવાસ અને આગળ પણ કોહલી જ રહેશે ટીમ ઇન્ડિયાનો કેપ્ટન

ઇન્ડિઝ પ્રવાસ અને આગળ પણ કોહલી જ રહેશે ટીમ ઇન્ડિયાનો કેપ્ટન

વેસ્ટ ઇન્ડિઝ પ્રવાસ માટે ટીમ ઇન્ડિયાની પસંદગી માટે જ્યારે સિલેક્ટર્સ સ્પિલ્ટ કેપ્ટન્સી (વન ડે અને ટેસ્ટ માટે અલગ-અલગ કેપ્ટન) પર ચર્ચા કરી શકે છે. 

જોકે વિરાટ કોહસી આ પ્રવાસ પર અને તેના પછીના પ્રવાસ પર ટીમ ઇન્ડિયાની કેપ્ટન્સી કરશે. પહેલા એવી ચર્ચા હતી કે વિરાટની જગ્યાએ વનડે અને T-20માં રોહિત શર્મા કેપ્ટન બની શકે છે પરંતુ હાલમાં આ અંગેની કોઇ યોજના નથી. 

વિરાટ કોહલીને ક્રિકેટના તમામ ફોર્મેટમાં દુનિયાના સૌથી સારા બેટ્સમેન માનવામાં આવે છે. તે આગામી મહિને શરૂ થનારા વેસ્ટ ઇન્ડિઝ પ્રવાસ દરમિયાન વને ડે ઇન્ટરનેશનલ, T-20 અને ટેસ્ટ મેચમાં ટીમ ઇન્ડિયાનું નેતૃત્વ કરશે. જાણકારો અનુસાર, રવિવારે થનારી સિલેક્શન કમિટી મીટિંગમાં આ અંગે ચર્ચા થઇ શકે છે.

ટીમ ઇન્ડિયાની પાસે વર્ષ 2016માં ટેસ્ટ અને વનડે માટે અલગ-અલગ કેપ્ટન છે. આ સમયે મહેન્દ્ર સિંહ ધોની એકદિવસીય મેચ જ્યારે વિરાટ ટેસ્ટ મેચની કેપ્ટન્સી કરતો હતો. આ પહેલા નવેમ્બર 2007થી ઓક્ટોબર 2008 સુધી અનિલ કુંબલે ટેસ્ટ કેપ્ટન અને T-20-વનડે કેપ્ટન રહ્યો. જોકે ટીમ ઇન્ડિયામાં સ્પિલ્ટ કેપ્ટન્સી વધારે કમાલ નથી કરી શકી.

મહત્વનું છે કે, ગુરુવારે BCCI સચિવ અમિતાભ ચૌધરી એક કોર્ટ કેસના કારણે રાંચીથી પાછા ના આવી શક્યા અને તેના કારણે સિલેક્ટર્સની બેઠક ટાળવી પડી. એમએસ કે પ્રવાદ જેઓ પસંદગી સમિટીના પ્રમુખ છે, હવે અધ્યક્ષતા કરશે અને રવિવારની બેઠકનું પણ સંયોજન કરશે.

ટીમ ઇન્ડિયા વેસ્ટ ઇન્ઝિ પ્રવાસ પર આગામી 3 ઓગ્સ્ટના જઇ રહી છે. આ પ્રવાસ માટે ટીમ ઇન્ડિયાની પસંદગી આજે થવાની હતી જે ટાળીને હવે રવિવારે થશે. જોકે આ વચ્ચે ટીમ ઇન્ડિયાની વિશ્વાસ છે કે તેઓ બાકીની સીરિઝ અને ટૂર્નામેન્ટની જેમ વેસ્ટ ઇન્ડિઝના પ્રવાસ દરમિયાન એનર્જી અને કમિટમેન્ટની સાથે રમશે.
 
ટીમના નજીકના સૂત્રોનુસાર, ''ગત વર્ષ અમે સાઉથ આફ્રિકા, ઇંગ્લેન્ડ અને ઓસ્ટ્રેલિયા સામે રમ્યા. આ પહેલા શ્રીલંકા સામે રમ્યા. હવે વેસ્ટ ઇન્ડિઝ સાથે રમીશું. આ પછી ન્યૂઝીલેન્ડ પ્રવાસ પણ કરશે. 24 મહિનમાં દરેક ટેસ્ટ ટીમ સામે રમીશું.''
 

જોવા જેવું વધુ જુઓ

સિદ્ઘિ / 'ક્રિકેટના ભગવાન'ના નામે વધુ એક ઉપલબ્ધિ, ICCએ આપ્યુ ખાસ સન્માન

 'ક્રિકેટના ભગવાન'ના નામે વધુ એક ઉપલબ્ધિ, ICCએ આપ્યુ ખાસ સન્માન

ક્રિકેટના ભગવાન માસ્ટર બ્લાસ્ટર સચિન તેંડુલકરને ઇન્ટરનેશનલ ક્રિકેટ કાઉન્સિલના 'હોલ ઑફ ફેમ'માં શામેલ કરાયો છે.

જી હા. સચિનની સાથે સાથે સાઉથ આફ્રિકાની પૂર્વ ફાસ્ટ બૉલર એલન ડોનાલ્ડને પણ આ ઉપલબ્ધિ મળી છે. 46 વર્ષના સચિનના આ યાદીમાં સ્થાન મેળવનારો છઠ્ઠો ભારતીય છે. આ પહેલા ICCએ ક્રિકેટ હોલ ઓફ ફેમમાં પૂર્વ ક્રિકેટર બિશન સિંહ બેદી, વર્લ્ડકપ વિજેતા કેપ્ટન કપિલ દેવ, દિગ્ગજ સુનીલ ગાવસ્કર, રાહુલ દ્રવિડ અને અનિલ કુંબલે પણ શામેલ છે. 

લંડનમાં ગુરુવારે એક સમારોહમાં આ ત્રણ દિગ્ગજોને સન્માન અપાયું હતુ. ''જ્યારે આ ઉપલબ્ધિ મેળવીને સચિને કહ્યુ કે, આ મારા માટે સન્માનની વાત છે.'' સચિન ટેસ્ટ અને વનડે બંનેમાં સૌથી વધારે રન કરવાનો વર્લ્ડ રેકોર્ડ રાખે છે. 

સચિન અને ડોનાલ્ડ સિવાય 2 વખત વર્લ્ડ કપ વિજેતા ઓસ્ટ્રેલિયાની મહિલા ક્રિકેટર કૈથરીન ફિટઝપૈટ્રિકને પણ હોલ ઑફ ફેમની શામેલ કરવામાં આવ્યા છે. આ સાથે જ હોલ ઑફ ફેમમાં શામેલ કરનારા ખિલાડીઓની સંખ્યા 90 થઇ ગઇ.

 

સચિન તેંડુલકરે 200 ટેસ્ટ મેચમાં 53.78ની એવરેજથી 15921 રન બનાવ્યા, જેમાં 51 સેન્ચુરી શામેલ છે. આ સાથે જ સચિને 463 વનડે ઇન્ટરનેશનલમાં 44.43ની એવરેજથી 18426 રન કર્યા છે જેમાં 49 સેન્ચુરી છે. આ રીતે 100 તે 100 સેન્ચુરી કરનારા એકમાત્ર બેટ્સમેન છે.

 

52 વર્ષના ડોનાલ્ડને ક્રિકેટમાં સૌથી સારો બોલર મનાય છે. તેના નામે 330 ટેસ્ટ અને 272 વનડે વિકેટ છે. ડોનાલ્ડે 2003માં ક્રિકેટમાંથી સંન્યાસ લીધો હતો.  જ્યારે ફિટઝપૈટ્રિક મહિલા ક્રિકેટમાં સૌથી વધુ વિકેટ લેનારી બીજા ક્રમની મહિલા છે. તેના નામે વનડેમાં 180 અને ટેસ્ટમાં 60 વિકેટ છે. કોચ તરીકે તેણે ઓસ્ટ્રેલિયાની મહિલા ટીમને 3 વર્લ્ડ કપ જીતાડ્યા છે. 

જોવા જેવું વધુ જુઓ

ક્રિકેટ / વિરાટની નહી ચાલે મનમાની, કોચની પસંદગી માટેનો છેલ્લો નિર્ણય કરશે કપિલ દેવની કમિટી

વિરાટની નહી ચાલે મનમાની, કોચની પસંદગી માટેનો છેલ્લો નિર્ણય કરશે કપિલ દેવની કમિટી

કપિલ દેવના નેતૃત્વવાળી પેનલને ભારતીય ક્રિકેટ ટીમના નવા કોચની પસંદગીની જવાબદારી સોંપવામાં આવી છે. ટીમ ઇન્ડિયાના કેપ્ટન વિરાટ કોહલી તેમાં કોઇ દખલગીરી નહી કરી શકે. 

કોચ પદ માટે BCCIને અરજી કરવા માટેની છેલ્લી તારીખ 30 જૂલાઇ રાખવામાં આવી છે. કોચ પર અંતિમ નિર્ણય સુપ્રીમ કોર્ટ દ્વારા બનાવવામાં આવેલી સમિતિ (CoA), સ્ટીયરિંગ કમિટી અને કપિલ દેવની કમિટી લેશે. રવિ શાસ્ત્રીને 2017માં ટીમ ઇન્ડિયાનો કોચ બનાવવામાં આવ્યા હતા. 

વિરાટ કોહલીએ ગઇ વખતે રવિ શાસ્ત્રીને કોચ બનાવવા માટે કથિત રૂપે દખલગીરી કરી હતી. તાત્કાલિન કોચ અનિલ કુંબલેના વિવાદ પછી તેણે કોચ બદલવાની માંગ કરી હતી. આ પછી કુંબલેએ પોતે રાજીનામું આપી દીધુ હતુ. વિરાટ કોહલીના કહેવા પર જ સચિન તેંડુલકર, સૌરવ ગાંગુલી અને વીવીએસ લક્ષ્મણ વાળી ક્રિકેટ એડવાઇઝરી કમિટીએ શાસ્ત્રીને કોચ તરીકે નિયુક્ત કર્યા હતા. 

એક રિપોર્ટ અનુસાર, BCCIના અધિકારી અનુસાર, ગઈ વખતે કોહલીએ કુંબલે સાથે પોતાની અને ટીમની પરેશાની અંગે વાત કરી હતી. જોકે આ વખતે નવા કોચ અંગે તેઓ કોઇ પણ પ્રકારની દખલગીરી નહી કરી શકે, આ નિર્ણય માત્ર કપિલ દેવની કમિટીને કરવાનો છે, જે વિરાટ કોહલીનો કોઇ સલાહ સાંભળશે નહી.

કોચની પસંદગી કપિલ દેવની ત્રણ સભ્યોવાળી કમિટી કરશે. આ કમિટી દ્વારા લેવામાં આવેલા નિર્ણયને વિરાટની સાથે આખી ટીમે માનવો પડશે. જોકે કોચ અંગે અંતિમ નિર્ણય તો CoA જ લેશે. રવિ શાસ્ત્રીની કોચિંગમાં ટીમ ઇન્ડિયા વર્લ્ડ કપની સેમિફાઇનલમાં હારી ગઈ હતી.

BCCIએ મુખ્ય કોચની સાથે બેટિંગ કોચ, બોલિંગ કોચ, ફિલ્ડિંગ કોચ, ફીઝિયો, સ્ટ્રેન્થ એન્ડ કંડિશનિંગ કોચ અને એડમિનિસ્ટ્રેટિવ મેનેજરના પદ માટે અરજી મંગાવી છે. નવો કોચિંગ કોન્ટ્રાકટ 5 સપ્ટેમ્બર 2019થી 24 નવેમ્બર 2021 સુધી ચાલશે. એડમિનિસ્ટ્રેટિવ મેનેજરનો કોન્ટ્રાકટ એક વર્ષ માટેનો રહેશે.

જોવા જેવું વધુ જુઓ

ક્રિકેટ / પહેલા રમવાનો નહતો, પરંતુ આ કારણે વિરાટે ઇન્ડિઝ સામે રમવાનો કર્યો નિર્ણય

પહેલા રમવાનો નહતો, પરંતુ આ કારણે વિરાટે ઇન્ડિઝ સામે રમવાનો કર્યો નિર્ણય

વર્લ્ડકપમાં ટીમ ઇન્ડિયા વિરાટ કોહલીના નેતૃત્વમાં સેમિફાઇનલ સુધી પહોંચી શકી. વર્લ્ડકપ પૂરો થયા બાદ ઘણી વાતો સામે આવી છે

સૂત્રોનુસાર વિરાટ અને રોહિત વચ્ચેના કહેવાતા ઘર્ષણની પણ વાત સામેલ છે, સાથે-સાથે હવે એવી વાતો પણ થઈ રહી છે કે BCCI વન ડેની કેપ્ટનશિપ વિરાટ પાસેથી છીનવી લઈને રોહિત શર્માને સોંપી દેવા માગે છે,  જોકે હજુ આ વાતની પુષ્ટિ નથી થઈ. આ બધા વચ્ચે વિરાટ કોહલીને લઈ એક સમાચાર આવ્યા છે કે તેણે આગામી મહિને વિન્ડીઝના પ્રવાસે જવાનો નિર્ણય કર્યો છે.

વિન્ડીઝનો આ પ્રવાસ લગભગ એક મહિનાનો છે, જેમાં ટીમ ઇન્ડિયા વન ડે, T-20 અને ટેસ્ટ સીરિઝ રમવાની છે. પહેલાં એવું નક્કી કરાયું હતું કે વિન્ડીઝના પ્રવાસ દરમિયાન વિરાટ કોહલી અને જસપ્રીત બૂમરાહને આરામ અપાશે, જોકે હવે એવા અહેવાલો મળી રહ્યા છે કે વિરાટ વિન્ડીઝના પ્રવાસે જશે. સવાલ એ થાય છે કે વિરાટે અચાનક નિર્ણય શા માટે બદલ્યો? મીડિયા અહેવાલો પ્રમાણે આની પાછળનું કારણ કેપ્ટનપદ છે. વિરાટને ટેસ્ટ અને રોહિતને વન ડે ટીમની કેપ્ટનશિપ સોંપાય તેવી વાતો થઈ રહી હોવાથી વિન્ડીઝ પ્રવાસ દરમિયાન વિરાટ ખુદને કેપ્ટન તરીકે સાબિત કરવા માગે છે અને આ જ કારણે તેણે આરામ કરવાનો નિર્ણય માંડી વાળ્યો છે.

ભારતના ઓસ્ટ્રેલિયા પ્રવાસ બાદથી કોહલી સતત રમી રહ્યો છે. ઓસ્ટ્રેલિયા સામે ઘરેલુ વન ડે શ્રેણી માટે ટીમનું નેતૃત્વ કરતાં પહેલાં તેણે ન્યૂઝીલેન્ડમાં અંતિમ બે એક દિવસીય અને T-20 સીરિઝ માટે આરામ અપાયો હતો.

જ્યારે ભારતના સૌથી અનુભવી ખેલાડી મહેન્દ્રસિંહ ધોની માટે એવું કહેવામાં આવી રહ્યું છે કે તે પ્રથમ વિકેટકીપર તરીકે વિન્ડીઝના પ્રવાસે નહીં જાય. ધોની ટીમ ઇન્ડિયાના બદલાવના તબક્કામાં ટીમની સાથે તો રહેશે, પરંતુ તે ઋષભ પંતને ભવિષ્ય માટે તૈયાર કરશે.

ઉલ્લેખનીય છે કે ટીમ ઇન્ડિયાનો વિન્ડીઝ પ્રવાસ તા. ૩ ઓગસ્ટથી શરૂ થઈ રહ્યો છે, જેમાં પહેલાં 3 T-2૦ મેચ, પછી 3 વન ડે અને બાદમાં 2 ટેસ્ટ મેચની સીરિઝ રમાશે. T-20 સીરિઝ તા. 3 ઓગસ્ટથી અને વન ડે સીરિઝ તા. 8 ઓગસ્ટથી શરૂ થશે.

જોવા જેવું વધુ જુઓ

જવાબ / ઇંગ્લેન્ડના પત્રકારે ભારતીય ખેલાડીઓની મજાક ઉડાવી, સેહવાગે એક જ લાઈનમાં આપ્યો ધમાકેદાર જવાબ

ઇંગ્લેન્ડના પત્રકારે ભારતીય ખેલાડીઓની મજાક ઉડાવી, સેહવાગે એક જ લાઈનમાં આપ્યો ધમાકેદાર જવાબ

બ્રિટનના સૌથી પૉપ્યુલર જર્નાલિસ્ટ પીયર્સ મોર્ગન ભારતમાં ચર્ચાનો વિષય બન્યા છે.

વર્લ્ડ જીત્યા પછી પીયર્સ મોર્ગને વિરેન્દ્ર સહેવાગની સાથે 3 વર્ષ જૂનો બદલો લીધો છે. વાસ્તવમાં 2016માં પીયર્સ મોર્ગને ભારતની ન્યૂઝપેપરની ફોટો શૅર કરતા લખ્યુ કે, ''કેટલી શરમજનક વાત છે કે 1.2 અબજ વસ્તી ધરાવતો દેશ 2 ગોલ્ડ મેડલ હાર્યા પછી પણ ઉજવણી કરી રહ્યો છે.'' વાસ્તવમાં બ્રાઝિલમાં થયેલા ઓલ્મપિકમાં ભારતે એક સિલ્વર અને એક બ્રોન્ઝ મેડલ જીત્યો હતો. ભારત આવતા મેડલ વિજેતાનું શાનદાર રીતે સ્વાગત કરવામાં આવ્યુ. પીવી સિંધૂએ સિલ્વર અને સાક્ષી મલિકે બ્રોન્ઝ મેડલ જીત્યો હતો. 

જોકે આ ટ્વીટ પછી વિરેન્દ્ર સેહવાગે પીયર્સ મોર્ગનની બોલતી બંધ કરી દીધી. વિરેન્દ્ર સહેવાગે પીયર્સ મોર્ગનને ટેગ કરતા લખ્યુ કે, ''અમે નાની-નાની ખુશીઓની ઉજવણી કરીએ છીએ. પરંતુ ઇંગ્લેન્ડ જેણે ક્રિકેટની શોધ કરી તે વર્લ્ડ કપ જીતી નથી શક્યુ. કેટલી શરમજનક વાત છે.'' જે પછી પીયર્સ મોર્ગને કોઇ જવાબ નથી આપ્યો અને સમયની રાહ જોઇએ. 

2019 વર્લ્ડ કપ જીત્યા પછી પીયર્સ મોર્ગને 3 વર્ષ જૂની વાત ફરી યાદ કરતા વિરેન્દ્ર સેહવાગને યાદ કરતા કહ્યુ કે, 'હાય, વિરેન્દ્ર સેહવાગ.'' સોશ્યલ મીડિયા પર આ ટ્વીટ ખૂબજ વાયરલ થઇ રહ્યુ છે. જોકે ભારતીય ફેન્સ વીરુના જવાબની રાહ જોઇ રહ્યા છે કેમકે તે શાનદાર જવાબ ટ્વીટની મદદથી આપે છે. 
 

જોવા જેવું વધુ જુઓ

Pages

Subscribe to RSS - Sports
બ્રેકિંગ ન્યૂઝ