મધ્યપ્રદેશના હોશંગાબાદમાં સોમવારે સવારે એક કાર અકસ્માત સર્જાયો હતો. આ અકસ્માતમાં રાષ્ટ્રીય સ્તરના 4 હોકી ખેલાડીઓના સ્થળ પર જ મોત નીપજ્યા હતા. આ સાથે અકસ્માતમાં અન્ય 3 લોકો ઘાયલ પણ થયા હતા. મળતી માહિતી અનુસાર સ્પીડમાં જતી ગાડી બેકાબૂ થઈને ઝાડ સાથે અથડાઈ જવાના કારણે આ દુર્ઘટના સર્જાઈ હતી.
હોશંગાબાદમાં થયો ગંભીર કાર અકસ્માત
સ્પીડમાં જતી કાર બેકાબૂ થતાં સર્જાયો અકસ્માત
અકસ્માતમાં રાષ્ટ્રીય સ્તરના 4 હોકી ખેલાડીઓના મોત
કાર બેકાબૂ બનીને ઝાડ સાથે અથડાઈ હતી
ગંભીર કાર અકસ્માતમાં 4 હોકી ખેલાડીઓના મોત
મધ્યપ્રદેશના હોશંગાબાગમાં સોમવારે ગંભીર કાર અકસ્માત થયો હતો. આ અકસ્માતમાં રાષ્ટ્રીય સ્તરના 4 હોકી ખેલાડીઓના મોત નીપજ્યા છે. આ સાથે અન્ય 3 લોકો ઘાયલ પણ થયા છે. ઘાયલોને સારવાર માટે સ્થાનિક હોસ્પિટલમાં દાખલ કરવામાં આવ્યા છે.
Madhya Pradesh: Four national level hockey players dead, three injured, in a car accident in Hoshangabad pic.twitter.com/otLiRNQzoQ
મેજર ધ્યાનચંદ હોકી ટૂર્નામેન્ટમાં સામેલ થવા જઈ રહ્યા હતા ખેલાડીઓ
હોશંગાબાગમાં થનારી મેજર ધ્યાનચંદ હોકી ટૂર્નામેન્ટમાં સામેલ થવા માટે આ તમામ ખેલાડીઓ જઈ રહ્યા હતા. અકસ્માતના સમયે ખેલાડીઓ સ્વિફ્ટ ડિઝાયરમાં હતા, ગાડી અનિયંત્રિત થતાં તે ઝાડ સાથે અથડાઈ. ઉલ્લેખનીય છે કે અકસ્માત સમયે ગાડીની સ્પીડ ઘણી વધારે હતી. કારનો એક્સીડન્ટ એટલો ભયાનક હતો કે કારનો ભૂક્કો થઈ ગયો હતો અને ટક્કર બાદ તે રસ્તાના કિનારે એક ખાડામાં પડી ગઈ. જે ચાર ખેલાડીઓના મોત નીપજ્યા છે તેમાં શાહનવાઝ ખાન ઈન્દોરના રહેવાસી, આદર્શ હરદુઆ ઈટારસીના રહેવાસી, આશિષ લાલ જબલપુરના રહેવાસી અને અનિકેત ગ્વાલિયરના રહેવાસીનો સમાવેશ થાય છે.
ઈજાગ્રસ્તોની હોસ્પિટલમાં ચાલી રહી છે સારવાર
4 ખેલાડીઓ સિવાય કારમાં અન્ય 3 લોકો હતા જે ગંભીર રીતે ઘાયલ થયા હતા. તેમની સારવાર નજીકની હોસ્પિટલમાં ચાલી રહી છે. કારમાં કુલ 7 લોકો હતા. પોલીસ પણ આ કેસની તપાસ કરી રહી છે.
ઓવરટેક કરતી સમયે બની ઘટના
હોશંગાબાદમાં NH-69ની પાસે કાર અકસ્માતની ઘટના બની હતી. જેમાં 4 ખેલાડીઓના સ્થળ પર જ મૃત્યુ થયા હતા. તેઓ હોશંગાબાગ એક ઇવેન્ટમાં ભાગ લેવા જઈ રહ્યા હતા. જે જગ્યાએ આ ઘટના બની છે તે રોડ સિંગલ લેનનો છે પરંતુ હાઈવે હોવાના કારણે અહીંથી ભારે વાહનો પણ પસાર થાય છે. સ્પીડ સાથે ઓવરટેક કરવાની કોશિશમાં કાર બેકાબૂ બની અને ઝાડ સાથે અથડાઈ.