Sunday, May 26, 2019

Lifestyle

Gujarati Name: 
Lifestyle

અપકમિંગ / આવશે હોન્ડા એક્ટિવા 5G ની લિમિટેડ એડિશન, સસ્તી કિંમતમાં મળશે જોરદાર ફીચર્સ

આવશે હોન્ડા એક્ટિવા 5G ની લિમિટેડ એડિશન, સસ્તી કિંમતમાં મળશે જોરદાર ફીચર્સ

નેક્સ્ટ જનરેશન મૉડલ પહેલા Honda Activa 5g આવવાનું છે. જલ્દીથી લિમિટેડ એડિશન લૉન્ચ થવા જઇ રહી છે, આ એક્ટિવાની કિંમતમાં થોડો મામૂલી ફેરફાર તમને જોવા મળશે.

હોન્ડા એક્ટિવા દેશમાં સૌથી વધારે વેચાતું સ્કૂટર છે. જલ્દીથી કંપની એની નેક્સ્ટ જનરેશન મૉડલ લૉન્ચ કરવાની છે. પરંતુ નેક્સ્ટ જનરેશન મૉડલ લૉન્ચ થતા પહેલા કંપની એક્ટિવા 5g ની લિમિટેડ એડિશન લૉન્ચ કરવાની છે અને આ સ્કૂટરના ફોટો સામે આવી ગયા છે. 

લૉન્ચિંગ પહેલા આ સ્કૂટર ડિલરશિપ સ્ટોરમાં જોવા મળ્યું છે. કંપનીને આશા છે કે આ લિમિટેડ એડિશનના આવ્યા બાદ એના વેંચાણમાં વધારો થઇ શકે છે. તમને જણાવી દઇએ કે 13 વર્ષમાં પહેલી વખત આ સ્કૂટરના વેંચાણમાં ઘટાડો આવ્યો છે. 

નવી લિમિટેડ એડિશન હોન્ડા એક્ટિવાને સિલ્વર અથવા બ્લેક તથા પર્લ વ્હાઇટ અને ગોલ્ડ રંગમાં લવાશે. જો કે હજુ સુધી કંપનીએ એની લોન્ચિંગથી સંબંધિત કોઇ સત્તાવાર જાહેરાત કરી નથી પરંતુ આશા છે કે આ આવતા મહિને લૉન્ચ થઇ શકે છે. 

Image result for honda activa 5g limited edition will launch soon

આ લિમિટેડ એડિશન માટે કસ્ટમર્સને વધારે કિંમત આપવી પડશે નહીં, સૂત્રોનું માનીએ તો રેગ્યુલર વર્ઝનથી આ સ્કૂટરની કિંમતમાં માત્ર 400 રૂપિયાનો વધારો થશે. 
 

lifestyle Auto honda Honda activa 5g Bike
Loading...

જોવા જેવું વધુ જુઓ

ફાયદા / તાંબાની વીંટી પહેરવાથી થાય છે આ ચમત્કારિક ફાયદાઓ

તાંબાની વીંટી પહેરવાથી થાય છે આ ચમત્કારિક ફાયદાઓ

તાંબાની વીંટી અને ઘરેણાં પહેરવાની પરંપરા પ્રાચીનકાળથી ચાલતી આવે છે. આ સસ્તી ધાતુ છે અને તેના અનેકગણાં ફાયદા છે.

જ્યોતિષમાં નવ ગ્રહો વિશે જણાવાયુ છે અને બઘા ગ્રહોની અલગ-અલગ ધાતુ છે. ગ્રહોના રાજા સૂર્ય છે અને મંગળને સેનાપતિ માનવામાં આવે છે. સૂર્ય અને મંગળની ધાતુ તાંબુ છે. હિન્દુ ધર્મમાં સોનું, ચાંદી અને તાંબુ આ ત્રણ ધાતુઓ પવિત્ર માનવામાં આવી છે. એટલા માટે પૂજા-પાઠમાં આ ધાતુઓનો ઉપયોગ સૌથી વધુ કરવામાં આવે છે. તે સિવાય ઘણા લોકો તેની વીંટી બનાવીને પણ પહેરે છે.

- આર્યુવેદ અનુસાર ભોજન કરવા માટે તાંબાના વાસણોનો ઉપયોગ કરવાથ આપણી રોગપ્રતિકારકશક્તિમાં વધારો થાય છે એવા જ લાભ તાંબાની વીટીં પહેરવાથી પ્રાપ્ત થાય છે. તાંબાની વીટી પેટન લગતી બધી પરેશાનીઓ માટે ફાયદાકારક છે. પેટમાં દુખાવો, ગેસ, એસિડિટીની પરેશાનીમાં પણ ફાયદો પહોંચાડે છે. 

- તાંબાની વીંટી લગાતાર આપણા શરીરના સંપર્કમાં રહે છે. જેનાથી તાંબાના ઔષધીય ગુણો શરીરને મળે છે, આ વીંટી પહેરવાથી લોહી સાફ થાય છે.

- સતત ચામડીના સંપર્કમાં તાંબુ રહેવાથી ત્વચાની ચમક વધે છે.

- તાંબાની વીંટી બ્લડ પ્રેશરને કંટ્રોલ કરે છે. તે હાઈ પ્લડ પ્રેશર કે લો બ્લડ પ્રેશરથી પીડિત લોકો માટે ફાયદાકારક છે

- આ સાથે વીંટી પહેરીને તમે શરીરનો સોજો પણ ઓછો કરી શકો છો.

- તાંબાની વીટીં શરીરમાં ગરમીને ઓછી કરવામાં મદદ કરે છે, તે પહેરવાથી શારીરિક અને માનસિક તણાવ ઓછો રહે છે. આ સાથે જ ગુસ્સા પર કંટ્રોલ થાય છે. આ વીંટી તન અને મન બંનેને શાંત રાખવામાં મદદ કરે છે. 

આ સાથે જ્યોતિષીય દ્રષ્ટિકોણથી જોઇએ તો તાંબાની વીંટીમાં માણેક અને મૂંગા રત્ન પહેરી શકાય છે. જો કે આ રત્ન કોઇ જ્યારે નિષ્ણાતની સલાહ લીધી વગર ન પહેરવા જોઇએ. રત્નોની સાથે કે રત્નો વગર તાંબાની વીંટીને અનામિકામાં પહેરવામાં આવે છે, કારણ કે આ આંગળી પર સૂર્ય અને મંગળનો પ્રભાવ વધુ હોય છે. રત્ન વગરની તાંબાની વીંટી ડાબા કે જમણા કોઈપણ હાથમાં પહેરી શકાય છે. રત્ન વગર પણ વીંટી પહેરવાથી સૂર્ય અને મંગળના અશુભ પ્રભાવો ઓછા કરી શકાય છે.

lifestyle Copper Ring Benefits
Loading...

જોવા જેવું વધુ જુઓ

અપડેટ / પરેશાન કરી શકે છે Whatsapp પર આવનારું આ ફીચર

પરેશાન કરી શકે છે Whatsapp પર આવનારું આ ફીચર

Whatsapp પર આવનારું ફીચર યૂઝર્સને નાખુશ કરવાની સાથે સાથે પરેશાન પણ કરી શકે છે. ફેસબુકે કન્ફર્મ કરી દીધું છે કે વર્ષ 2020થી Whatsapp માં જાહેરાત એટલે કે Adv દેખાડવાની શરૂ થઇ જશે.

નીધરલેન્ડમાં વર્ષના માર્કેટિંગ સબમિટ દરમિયાન ફેસબુકે જણાવ્યું કે શરૂઆતમાં જાહેરાત યૂઝર્સને Whatsapp સ્ટોરી સેક્શનમાં જોવા મળશે. ઇન્સ્ટાગ્રામમાં આ પ્રકારની જાહેરાતને ગત વર્ષથી જ શરૂ કરવામાં આવી છે. જો કે વર્ષ 2020માં ક્યારથી શરૂ થશે એને લઇને કોઇ જાણકારી આપવામાં આવી નથી. 

સોશિયલ મીડિયાના કમેન્ટેટર Matt Navarra આ જાહેરાતને જોતા ટ્વિટ કર્યું છે અને તે કેવી રીતે સ્ટેટસમાં દેખાશે. માહિતી અનુસાર આ એક જાહેરાત વીડિયોના રૂપમાં હશે અને તે એવી રીતે જ કામ કરશે જેમ ઇન્સ્ટાગ્રામ સ્ટોરીઝમાં આવે છે. વોટ્સએપના સ્ટેટસ ફીચરમાં યૂઝર્સને મેસેજ, ફોટો, નાના વીડિયો શેર કરવાની સુવિધા મળે છે. જે 24 કલાકમાં ઓટોમેટિક દૂર થઇ જાય છે. જાણીએ એનાથી જોડાયેલી જરૂરી વાતો.

માહિતી અનુસાર, બાકીનાં કન્ટેનની જેમ જાહેરાતો પણ તમારા સ્માર્ટફોનની સંપૂર્ણ સ્ક્રીન પર દેખાશે. જાહેરાત વિશેની સંપૂર્ણ માહિતી માટે યૂઝર્સોએ ‘Swipe Up’ કરવું પડશે.

વોટ્સએપ પર કેટલાક યૂઝર્સ એવા પણ છે, જે ક્યારેય તેના સ્ટેટસનો ઉપયોગ કરતા નથી. તો આ યૂઝર્સના ચેટીંગ એક્સપીરિયન્સમાં કોઇ ફેરફાર નહીં થાય, કારણ કે જાહેરાત માત્ર વોટ્સએપના સ્ટેટસમાં જ દેખાશે.

ગયા વર્ષે વોલસ્ટ્રીટ જર્નલની રિપોર્ટમાં જાણવા મળ્યું હતું કે આ વર્ષની શરૂઆતમાં જ જાહેરાતો વોટ્સએપ આપવામાં આવશે. એપ્લિકેશનના આઇફોન વર્ઝનમાં જાહેરાતમાં મહત્વપૂર્ણ ફેરફારો કરવામાં આવ્યાં છે. તે Whatsapp ના 2.12.305 ના વર્ઝનમાં જાહેરાતો આપવા માટે કહેવામાં આવ્યું હતું. આ ઉપરાંત, WABetaInfo એ ગયા વર્ષે જાહેરાતો વિશે કેટલીક ટ્વીટ્સ પણ કરી હતી. ટ્વીટમાં કહ્યું કે કંપની તેની એપ્લિકેશન પર જાહેરાતો બતાવશે. એવું કહેવામાં આવ્યું છે કે શરૂઆતમાં આ જાહેરાત iOS એપ્લિકેશન પર લાગુ થશે, જેના માટે પરીક્ષણ શરૂ થયું છે.

lifestyle Technology WhatsApp facebook Advertisment Application business
Loading...

જોવા જેવું વધુ જુઓ

ટિપ્સ / આ સરળ સ્ટેપ્સ ફૉલો કરીને ઘરે બેઠા કરો આધારમાં એડ્રેસ અપડેટ

આ સરળ સ્ટેપ્સ ફૉલો કરીને ઘરે બેઠા કરો આધારમાં એડ્રેસ અપડેટ

કોઇપણ કામ હોય આઇડી પ્રૂફ તરીકે આધાર કાર્ડ લગભગ ફરજીયાત બની ગયું છે. તે જ રીતે મોબાઇલ નંબરને આધાર કાર્ડ સાથે લિંક કરવું પણ જરૂરી છે. 

ઘણી વખત ઘર બદલો અથવા તો શહેર બદલો ત્યારે આધાર કાર્ડમાં એડ્રેસ જેવી વિગતો બદલી પડતી હોય છે. આ સ્થિતિમાં આધાર સેવા કેન્દ્ર પર જવાની જરૂર નથી, પરંતુ તમે એડ્રેસ જેવી વિગતો ઘેરબેઠાં ઓનલાઈન જ અપડેટ કરી શકો છો. નીચેના સ્ટેપ્સને 
ફોલો કરીને તમે  એડ્રેસ બદલી કે અપડેટ કરી શકો છો. 

સ્ટેપઃ1
સૌપ્રથમ https://resident.uidai.gov.in વેબસાઇટ પર જઇને સૌથી ઉપરના મેન્યૂમાં ત્રીજા નંબરે લખેલા aadhar update પર ક્લિક કરો.

સ્ટેપઃ2
આધાર અપડેટ પર ક્લિક કરતાં જે પેજ ઓપન થાય તેમાં નીચેની તરફ Request For aadhar updateની નીચે update aadhar detalils online લખેલું હશે, તેના પર ક્લિક કરો.

સ્ટેપઃ3
આ સાથે જ ‘આધાર સેલ્ફ સર્વિસ પોર્ટલ’ (ssup.uidai.gov.in/ssup/) નામનું પેજ ઓપન થઈ જશે. હવે અહીંથી એડ્રેસ અપડેટ કરવા માટે આપને માન્ય રહેઠાણના પુરાવાની જરૂર પડશે. આ પેજ પર ‘લિસ્ટ ઓફ વેલિડ ડોક્યુમેન્ટ્સ ફોર એડ્રેસ અપડેટ’ પર ક્લિક કરતાં જ રહેઠાણના માન્ય પુરાવા તરીકે ચાલે તેવા દસ્તાવેજોની યાદી હાજર થઈ જશે. તેમાં સામેલ કોઈપણ ડોક્યુમેન્ટની સોફ્ટ (સ્કેન કરેલી) કોપી હાથવગી (ક્લિકવગી) રાખો. ત્યારબાદ ‘પ્રોસીડ ટુ અપડેટ એડ્રેસ’ પર ક્લિક કરીને આગળ વધો.

જો આપની પાસે રહેઠાણના માન્ય પુરાવાઓ પૈકી એક પણ દસ્તાવેજી પુરાવો હાથવગો ન હોય, તો આ જ પેજ પર નીચે ‘રિક્વેસ્ટ ફોર એડ્રેસ વેલિડેશન લેટર’નો વિકલ્પ આપેલો છે. તેના પર ક્લિક કરીને ચાર તબક્કામાં તે પ્રોસેસ પૂરી કરવાની રહેશે.

સ્ટેપઃ4

આ પેજ પર માગેલી જગ્યાએ 12 આંકડાનો આધાર નંબર એન્ટર કરો. નીચે આપેલા ‘કેપ્ચા’ તરીકે ઓળખાતા અંગ્રેજીના પાંચેક મૂળાક્ષરો જોઈને એન્ટર કરો. આ સાથે જ તમારા રજિસ્ટર્ડ મોબાઈલ નંબર પર એક OTP (વન ટાઈમ પાસવર્ડ) આવશે. તે આ પેજ પર માગેલી જગ્યાએ એન્ટર કરો.

સ્ટેપ-5

ત્યાર પછી ખૂલતા પેજ પર પુરાવા સાથે અથવા તો પુરાવા વિના બેમાંથી જે વિકલ્પ દ્વારા એડ્રેસ અપડેટ કરવા માગતા હો, તે વિકલ્પ પર ક્લિક કરો અને ઓપન થતા ફોર્મમાં નવા અપડેટેડ સરનામાની તમામ વિગતો ભરો.

સ્ટેપ-6

તમામ વિગતો ‘પ્રિવ્યૂ’ કર્યા બાદ ત્યાર પછીના સ્ટેપ પર જાઓ અને સમગ્ર પ્રક્રિયા પૂર્ણ કરો.

આ સમગ્ર પ્રક્રિયા દરમિયાન આપ કોઈપણ તબક્કે બૅક એટલે કે પાછળના પેજ પર જઈ શકશો નહીં. એટલે તમામ વિગતો અત્યંત કાળજીપૂર્વક ભરશો.

business Aadhaar Card
Loading...

જોવા જેવું વધુ જુઓ

સુવિધા / JIO સિમ યૂઝર્સને 600થી વધારે મફત TV ચેનલની સાથે મળે છે આ ખાસ સર્વિસ

JIO સિમ યૂઝર્સને 600થી વધારે મફત TV ચેનલની સાથે મળે છે આ ખાસ સર્વિસ

જિયો ગ્રાહકો માટે મફત સર્વિસની ભરમાર છે. ફ્રી માં ફિલ્મો, ગીતો ઉપરાંત ગ્રાહક jiotv દ્વારા મફતમાં લાઇવ ચેનલમાં જોઇ શકે છે. ચલો તો જાણીએ કઇ ખાસ સર્વિસનો ફાયદો તમે ઊઠાવી શકો છો.

Reliance Jio નું JioTV હાલ બજારમાં સૌથી વધારે પસંદ કરવામાં આવતું OTT એપમાંથી એક છે કારણ કે આ એક એવી એપ છે, જ્યાં તમને 626 લાઇવ ટીવી ચેનલ બિલકુલ ફ્રી માં મળે છે. તાજેતરમાં jiotv એપ્લિકેશનને અપગ્રેડ કરી છે, જેમાં યૂઝર્સ માટે પિક્ચર ઇન પિક્ચર મોડ ફીચર મળે છે. આ ફીચરથી હવે યૂઝર jiotv માં વીડિયો, મૂવી અથવા ટીવી શો જોતા દરમિયાન ટેક્સટિંગ, બ્રાઉઝિંગ, ટાઇપિંગ જેવા કામ કરી શકે છે. 

જો તમે આ ફીચરનો લાભ ઊઠાવવા ઇચ્છો છો તો સૌથી પહેલા તમારે Jio TV એપની સેટિંગમાં જવું પડશે. હવે તમારે પિક્ચર ઇન પિક્ચર ફીચર માટે સેટિંગમાં જઇને અનુમતિ આપવી પડશે. 

જો કે આ ફીચરનો લાભ માત્ર એ જ યૂઝર્સ ઊઠાવી શકે છે જેની પાસે એન્ડ્રોઇડ 8.0 અથવા એનાથી ઉપરના વર્ઝન છે. રિલાયન્સ જિયોનું jiotv ખૂબ જ લોકપ્રિય છે, જેમાં તમને અંગ્રેજી, હિંદી, બંગાળી, મલાયમ જેવી ભાષાઓની 626 ટીવી ચેનલ જોવા મળશે. આ ઉપરાંત એપ સબ્સક્રાઇબરને આશરે 138 એચડી ચેનલ પણ પ્રદાન કરે છે. જ્યાં એ એચડી કૉન્ટેટ જોઇ શકે છે. 
 

lifestyle Technology Reliance Jio Jio TV HD channels
Loading...

જોવા જેવું વધુ જુઓ

ખુલાસો / પુરુષોની સરખામણીએ વધારે ટેન્શનમાં રહે છે મહિલાઓ

પુરુષોની સરખામણીએ વધારે ટેન્શનમાં રહે છે મહિલાઓ

તણાવ અને ચિંતામાં રહેવું લોકો માટે સામાન્ય સમસ્યા થઇ ગઇ છે. નકારાત્મક ભાવ, માનસિક થાક અને પરિસિસ્થિઓ પર નિયંત્રણ ગુમાવાને કારણથી આપણે અને આપણી આસપાસના લોકો તણાવમાં આવી જાય છે. એવામાં આપણે સમસ્યાનું સમાધાન શોધવાની જગ્યાએ પરેશાન રહેવા લાગે છે. શોધ પ્રમાણે આ પ્રકારની માનસિક સ્થિતિ ઘણી વખત ચીજોને વધારે ખરાબ બનાવી દે છે .

વૈજ્ઞાનિકોનું માનીએ તો માનસિક તણાવ ઘણી ચીજોને લઇને થઇ શકે છે. તમારી નોકરી, પરિવાર અને રિલ્શનશિપ એનું મોટું કારણ હોઇ શકે છે. એવી પરિસ્થિતિને કેટલાક લોકો સરળતાથી સંભાળી લે છે. જ્યારે કેટલાક લોકો વધારે તણાવમાં આવી જાય છે. 

અમેરિકન સાઇકોલૉજિકલ એસોસિએશનના અનુસાર પુરુષ અને મહિલાઓ બંને અલગ અલગ પ્રકારથી તણાવને નિયંત્રિત કરે છે. એ દરમિયાન એવું પણ જાણવા મળ્યું છે કે પુરુષોની સરખામણીએ મહિલાઓ વધારે તણાવમાં રહે છે. આ કારણે એને માથાનો દુખાવો, પેટની સમસ્યા, થાક અને ચીડચીડિયાપણની સમસ્યા વધારે રહે છે. 

યૂનિવર્સિટી ઑફ વિસકંસિન મેડિસન્સ ઇન્સ્ટિટ્યૂટ દ્વારા કરવામાં આવેલી શોધ અનુસાર મહિલાઓ યુવાવસ્થામાં પુરુષ અને મહિલાઓને કોઇ પણ એજ ગ્રુપની સરખામણીમાં વધારે તણાવ લે છે. કદાચ આ જ કારણ છે કે વધતી ઉંમરની સાથે છોકરીઓ છોકરાઓની સરખામણીએ વધારે સ્ટ્રેસ ફીલ કરવા લાગે છે. 

આ કારણથી મહિલાઓ વઘારે રહે છે તણાવ
એક મહિલાને પર્સનલ કાર્યો ઉપરાંત પરિવારની જવાબદારીઓને પણ સાથે લઇને ચાલવાનું હોય છે. બંનેની વચ્ચે તાલમેળ બેસાડવા માટે ઘણી વખત એની પર બોજ વધારે પડે છે. એ વાત પણ નકારી ના શકાય કે પુરુષોની સરખામણીએ મહિલાઓ વધારે સેન્સેટિવ હોય છે. મહિલાઓમાં ઇમોશન અને મેમરીને નિયંત્રિત કરનાર દિમાગનો લિમ્બિક એરિયા વધારે સક્રિય હોય છે. કદાચ આ જ કારણથી એ એક ખરાબ ઘટના અને નકારાત્મક પ્રભાવને વધારે લાંબા સમય સુધી યાદ રાખે છે. 
 

lifestyle research Women Stress
Loading...

જોવા જેવું વધુ જુઓ

ઓટો / મારુતિ સુઝુકીની Vitara Brezza નું સ્પોર્ટ્સ એડિસન લોન્ચ, જાણો ખાસિયત

મારુતિ સુઝુકીની Vitara Brezza નું સ્પોર્ટ્સ એડિસન લોન્ચ, જાણો ખાસિયત

મારુતિ સુઝુકીએ દેશની સૌથી બેસ્ટ સેલિંગ એસયૂવીનું નવું વર્જન લોન્ચ કર્યું છે. મારુતિએ વિટારા બ્રેઝાનું સ્પોર્ટ એડિશન લોન્ચ કર્યું છે. બ્રેઝાનું આ લિમિટેડ એડિશન વર્જન એડ-ઓન કિટની સાથે ઓફર કરવામાં આવશે. અહીં જાણીએ નવી વિટારા બ્રેઝાના સ્પોર્ટ વર્જનની ખાસિયત.

વિટારા બ્રેઝામાં એડ-ઓન કિટ ડીલર લેવલ પર ઓફર કરવામાં આવશે. વિટારા બ્રેઝાના કોઇપણ વેરિયન્ટ પર કિટનો ફાયદો ઉઠાવી શકાય છે. જેથી ગ્રાહક પોતાની ચોઇસ મુજબ પોતાની ફેવરેટ કારને કસ્ટમાઇઝ કરી શકે છે. જોકે મારુતિ પહેલાથી જ iCreate પ્રોગ્રામ હેઠળ બ્રેઝા માટે પહેલાથી જ ઘણી એસેસરીઝ ઓફર કરી રહી છે. મારુતિ સુઝુકીની વિટારા બ્રેઝાના નવા સ્પોર્ટ્સ એડિશનની શરૂઆતી એક્સ શોરૂમ કિંમત 7.98 લાખ રૂપિયા છે. 

લેટેસ્ટ એસેસરીજ કિટમાં સ્ટીયરિંગ વ્હીલ માટે લેધર ક્લેડિંગ, ફ્રન્ટ ગ્રિલ માટે ગાર્નિશ, ડુઅલ ટોન ડોર સિલ ગાર્ડ, નવા સીટ કવર્સ અને સાઇડ સ્કિડ પ્લેટ્સ મળશે. આ એડ ઓન કિટની કિંમત 29990 રૂપિયા છે. 

તેમા કોઇ મિકેનિકલ બદલાવ કરવામાં આવ્યો નથી. બ્રેઝામાં 1.3 લીટરનું ફિએટનું મલ્ટીજેટ ટર્બોચાર્જ્ડ ડીજલ એન્જિન આવે છે. જે 89 બીએચપીનો પાવર અને 200 એનએમનો ટોર્ક આપે છે. તેમા 5 સ્પીડ મેનુઅલ અને એએમટી ઓપ્શન પણ મળે છે. બ્રેઝા 5 સીટર છે અને ફ્રન્ટ વ્હીલ ડ્રાઇવ છે. 

બ્રેઝાને મોટી ટક્કર મહિન્દ્રા એક્સયૂવી 300થી મળી રહી છે. બ્રેઝાને 2016માં લોન્ચ કરવામાં આવી હતી. અત્યાર સુધીમાં તેના 4 લાખથી વધારે યૂનિટ્સ વેચાઇ ગયા છે. દર મહિને બ્રેઝાના 12થી 15 હજાર યૂનિટ્સનું વેચાણ થાય છે. 

સૂત્રોનું માનીએ તો જલ્દી જ બ્રેઝાનું 1.3 લીટર ફિએટ મલ્ટીજેટ ડીજલની જગ્યાએ પેટ્રોલ મોટર હાઇબ્રિડ યૂનિટ્સ સાથે લોન્ચ કરવામાં આવશે. તેમા 1.5 લીટરનું કે-સિરીઝ એન્જિન લગાવામાં આવી શકે છે. ત્યારે જો મારુતિને લાગે છે કે એપ્રિલ 2020 બાદ ડીઝલ એન્જીન કારોની ડિમાન્ડ બની રહે છે તો, સંભવ છે કે કંપની બ્રેઝામાં બીએસ-6 વાળું 1.5 લીટર ઇન-હાઉસ ડીઝલ એન્જિન લોન્ચ કરી શકે છે.

Maruti Suzuki Maruti Suzuki Vitara Brezza Sports Edition Auto News India Car Market
Loading...

જોવા જેવું વધુ જુઓ

હેલ્થ / પેટની માલિશ કરવાના આ છે ફાયદા, અજમાવી જુઓ

પેટની માલિશ કરવાના આ છે ફાયદા, અજમાવી જુઓ

પહેલાના સમયથી જ પેટની માલિસનો પ્રયોગ થતો આવ્યો છે. જોકે આજે માલિશના ચમત્કારિક ગુણોથી મોટાભાગના અજાણ છે. પેટની માલિશ એ સારા સ્વાસ્થ્ય માટે અકસીર છે. તેથી આપ શારીરિક અને માનસિક રૂપે ફિટ રહેશો. પેટની માલિશને તમે નિયમિત રૂપે કરી શકો છો. પેટની માલિશ કરવાથી દુખાવો અને તણાવમાં રાહત મળે છે.

અહીં જાણીએ કે પેટની માલિશ કરવો કેટલો ફાયદાકારક છે.

પીઠ તરફ લાંબા સુઇ હાથોમાં થોડું તેલ લો અને ત્રણ મિનિટ સુધી માલિશ કરતા રહો. તેની ગરમીને અનુભવો અને આપના મગજને એકદમ શાંત કરી સંપૂર્ણ ધ્યાન માલિશમાં લગાવવું. 

નર્સિંગ રિસર્ચ ઇન્ટરનેશનલ જર્નલમાં પ્રકાશિત એક રિપોર્ટ મુજબ પેટની માલિશ કબજિયાત અને પેટના દર્દને દૂર કરે છે. નિયમિત રૂપે પેટની માલિશ કરવાથી પેટની માંસપેશિયા પૂર્ણ રીતે ટોન્ડ થઇ જાય છે. તથા વર્તમાન કબજિયાત દૂર થઇ જાય છે. 

પેટની માલિશ વજન ઓછું કરવા માટે ફાયદાકારક છે. નિયમિત રૂપે કરવામાં આવતી પેટની માલિશ ચયાપચયની વધુ સારી બનાવે છે. જેથી પાચન ક્રિયામાં સુધારો થાય છે. ઉપરાતં પેટ સંબંધી સમસ્યાઓથી પરેશાન છો તો પેટની માલિશ તમારા માટે ઘણી લાભકારી બની શકે છે. 

પેટની માલિશ કરવાથી પેટનો ગેસ આરામથી નીકળી જાય છે અને અપચો નથી થતો. નિયમિત રૂપે ત્રણ મિનિટ સુધી કરવામાં આવતી માલિશ પેટ સંબંધિત ઘણી બીમારીઓથી છુટકારો આપે છે. જો પેટમાં દુખાવો હોય તો માલિશ કરવાથી એ જગ્યાએ લોહીનું પરિભ્રમણ વધી જાય છે. પેટની માલિશ લિવર સહિત તમારા ઘણા આંતરીક અંગોને રાહત પહોંચાડે છે. 
 

Benefits of Massage Massage Digestion Ayurveda stomach Abdominal Massage lifestyle news
Loading...

જોવા જેવું વધુ જુઓ

સ્વાસ્થ્ય / ઘાસમાં ખુલ્લા પગે ચાલવાનો કરો ઉપાય, થશે આ અઢળક ફાયદા

ઘાસમાં ખુલ્લા પગે ચાલવાનો કરો ઉપાય, થશે આ અઢળક ફાયદા

તુંદરસ્ત રહેવા માટે નિયમિત ચાલવું જરૂરી છે. પરંતુ એના કરતા પણ વધુ ફાયદો ઘાસ પર ખુલ્લા પગે ચાલવાથી થાય છે. બગીચામાં ઘાસ પર 15થી 20 મિનિટ ખુલ્લા પગે ચાલવાથી તમે 4 મોટા રોગોથી છૂટકારો મેળવી શકો છો.

- મોટાભાગે વધતી ઉંમર સાથે લોકોના પગમાં સોજો આવવાની ફરિયાદો સાંભળવા મળતી હોય છે. ડોક્ટર્સની ફી ચૂકવતાં-ચૂકવતાં બેંક અકાઉન્ટ ખાલી થઈ જાય છે. પરંતુ તમને આ સોજા અને તેના દુખાવામાંથી રાહત નથી મળતી. ઘાસમાં ખુલ્લા પગે ચાલવાથી તમે આ તકલીફ દૂર કરી શકો છો. લીલા ઘાસ પર ચાલવાથી ઓક્સિજનયુક્ત બ્લડ તમારા બોડીમાં યોગ્ય રીતે સર્ક્યુલેટ થાય છે. તેથી પગમાં સોજો નથી આવતો.

- ઊંઘ ન આવવાના રોગને અનિદ્રા કહેવાય છે. આ એક સ્લીપિંગ ડિસઓર્ડર છે. આ રોગમાં માણસને પૂરતી ઊંઘ નથી આવતી. ઘાસ પર ખુલ્લા પગે ટહેલવાથી તમે આ સમસ્યાથી છૂટકારો મેળવી શકો છો. સાંજના સમયે જો તમે દરરોજ 15 મિનિટ ઘાસ પર ચાલશો તો તમને માનસિક રાહત મળશે અને રાત્રે ઊંઘ આવી જશે.

- આપણા પગમાં એક પ્રેશર પોઇન્ટ હોય છે. ઘાસ પર સવારે ખુલ્લા પગે ચાલવાથી આ પ્રેશર પોઇન્ટ દબાય છે. એવું માનવામાં આવે છે કે ઘાસના લીલા રંગને જોવાથી આંખને રાહત અને ઠંડક મળે છે. તેથી સવારે ઘાસ પર ખુલ્લા પગે ચાલવાથી આંખનું તેજ વધે છે.

-ખુલ્લા પગે ઘાસ પર ચાલવાથી પગના ખાસ એક્યુપંક્ચર પોઇન્ટ ઉત્તેજિત થાય છે, જે આપણાં શરીરની નર્વસ સિસ્ટમમાં સુધાર લાવે છે. નિયમિત ઘાસ પર ખુલ્લા પગે ચાલવાથી વેરિકોઝ વેન્સના કારણે દુખાવો ઓછો થાય છે અને ખાસ કરીને ડાયાબિટીસના દર્દીઓ માટે આ ફાયદાકારાક સાબિત થાય છે.

lifestyle Gress Health Benefits
Loading...

જોવા જેવું વધુ જુઓ

ટિપ્સ / નંબર આપ્યા વગર, લેન્ડલાઇનની મદદથી કરો WhatsAppનો ઉપયોગ

નંબર આપ્યા વગર, લેન્ડલાઇનની મદદથી કરો WhatsAppનો ઉપયોગ

નવા સિમ ખરીદવાનો વિચાર કરી રહ્યા હોવ તો પહેલાં એ જુઓ કે લેન્ડલાઈન ફોન પર ઇનકમિંગ કોલ્સ આવી રહ્યા છે કે નહીં. લેન્ડલાઈન કામ કરી રહ્યો હોય તો તે નંબરથી જ WhatsApp શરૂ કરી શકો છો. 

મોબાઇલમાં એપ ડાઉનલોડ કરતી વખતે WhatsApp બિઝનેસ એપ (WA Business)ને સિલેક્ટ કરો, સામાન્ય WhatsApp પર આ ટ્રિક કામ નહીં કરે.

આ ટિપ્સ કરો ફૉલો:

- WhatsApp ચલાવતી વખતે લેન્ડલાઇન નંબરની જરૂર પડશે.

- બિઝનેસ WhatsApp મોબાઇલમાં ડાઉનલોડ કરો.

- WhatsApp ઇન્સ્ટોલ થયા પછી, આ એપ OTP બેઝ્ડ રજિસ્ટ્રેસન માટે નંબર પૂછશે.

 

- કોડ  (+91)સિલેક્ટ કર્યા બાદ લેન્ડલાઇન નંબરને શહેરના STD કોડ સાથે લખવો પડશે. STD કોડ લખતી વખતે ઝીરો (0) હટાવી દો. જેમ કે 079 શહેરનો કોડ હોય તો 79 લખો. લેન્ડલાઈન નંબર જાણવા માટે કોઇ મોબાઇલ પર કોલ કરી ચેક કરી શકો છો.  

- નંબર ઇન્સર્ટ કર્યા પછી આ એપ એક OTP મોકલશે. લેન્ડલાઇન નંબરને કારણે OTP SMSમાં નહીં મળે. OTP ટાઇમ વીત્યાની રાહ જુઓ અને 'કોલ મી'ની પસંદગી OTP વેરિફિકેશન માટે કરો. હવે લેન્ડલાઇન પર કોલ આવશે અને 6 ડિઝિટનો OTP સંભળાશે. OTP લખ્યા બાદ WhatsApp વેરિફાય કરશે, હવે એપ શરૂ કરવાની રેગ્યુલર પ્રોસેસ ફોલો કરો.

આ થશે ફાયદો:

લેન્ડલાઇન નંબરનો ઉપયોગ બિઝનેસ WhatsApp કરવાનો ફાયદો એ છે કે તમે અજાણ્યા લોકોને તમારો મોબાઇલ નંબર જણાવવાથી બચો છો. લેન્ડલાઇન નંબરનો ઉપયોગ કરી રહ્યા છો તો મુશ્કેલી એ થશે કે કોન્ટેક્ટ લિસ્ટ મેન્યુઅલી એડ કરવું પડશે. ઓટોમેટેડ રિપ્લાય સેટ કરી શકો છો. બિઝનેસ એપમાં મેસેજિસને મેનેજ કરવાના તમામ વિકલ્પ પણ મળે છે.

Technology WhatsApp WhatsApp Update
Loading...

જોવા જેવું વધુ જુઓ

Pages

Subscribe to RSS - Lifestyle
બ્રેકિંગ ન્યૂઝ