Assembly Election Results 2023
મિઝોરમ 40	BJP	INC	MNF	ZPM	OTH
2	1	10	27	0

રાજસ્થાન 199	BJP	INC	OTH
115	69	15

મધ્યપ્રદેશ 230	BJP	INC	OTH
163	66	01

છત્તીસગઢ 90	BJP	INC	OTH
54	35	01

તેલંગાણા 119	BJP	INC	BRS	AIMIM	OTH
08	64	39	07	01

Gujarat

Gujarati Name:

ગુજરાત

લોકસભા ચૂંટણી 2024 / ચૂંટણીમાં આવું થશે તો કર્મીઓને 15 લાખ સહાય આપશે સરકાર, પરિપત્ર જાહેર

Team VTV 04:59 PM, 19 Apr 24

Decision to pay higher assistance of Rs 15 lakh to the heirs of a teacher who died during Lok Sabha elections

ચૂંટણી દરમિયાન મોટાપાયે સરકારી કર્મચારીઓ ચૂંટણી સાથે જોડાયેલી ફરજ બજાવતા હોય છે. જેથી કરીને મતદાન પ્રક્રિયા કોઈપણ મુશ્કેલી વિના પૂર્ણ થઈ શકે.

લોકસભાની ચૂંટણી દરમિયાન મૃત્યુ પામનારા શિક્ષકના વારસદારોને ઉચ્ચક સહાય 15 લાખ ચુકવવાનો નિર્ણય લેવાયો છે. સામાન્ય વહીવટ વિભાગ દ્વારા આને લઇને પરપિત્ર બહાર પાડવામાં આવ્યો છે.. વળતરની રકમ તેમને મળતા લાભો ઉપરાંતની હશે. મહત્વપૂર્ણ છે કે પોલીસ સ્ટાફને‌ તાલીમ આપી પરત જતા શિક્ષકના અકસ્માતની ઘટના સામે આવી હતી.. જેને લઇને હવે આ નિર્ણય લેવાયો છે.

ચૂંટણી દરમિયાન મોટાપાયે સરકારી કર્મચારીઓ ચૂંટણી સાથે જોડાયેલી ફરજ બજાવતા હોય છે. જેથી કરીને મતદાન પ્રક્રિયા કોઈપણ મુશ્કેલી વિના પૂર્ણ થઈ શકે.

અલગ-અલગ પોસ્ટ પર સરકારી કર્મચારીઓને કરાય છે તૈનાત

આ માટે સરકારી કર્મચારીઓને ચૂકવણુ પણ આપવામાં આવે છે. જે તેમને જે જવાબદારી સોંપવામાં આવી હોય તેને આધારિત હોય છે.. ચૂંટણી દરમિયાન અલગ-અલગ પોસ્ટ પર સરકારી કર્મચારીઓને તૈનાત કરવામાં આવે છે. ઉદાહરણ તરીકે, પ્રિસાઇડિંગ ઓફિસરને 1550 રૂપિયા આપવામાં આવે છે.

આ પણ વાંચોઃ અમિત શાહ અને CR પાટિલ સહિત દિગ્ગજ નેતાઓએ ભર્યા ઉમેદવારી ફોર્મ, 7 મેએ થશે મતદાન

ચૂંટણી ફરજ બજાવતા પ્રથમ મતદાન કર્મચારીને 1150 રૂપિયા અને બીજા મતદાન કર્મચારીને 900 રૂપિયા મહેનતાણું આપવામાં આવે છે. આ સિવાય ચૂંટણી માટે અનામત રાખવામાં આવેલા પ્રિસાઇડિંગ ઓફિસરને 850 રૂપિયાનું મહેનતાણું આપવામાં આવે છે.

VTV Gujarati Newsની તમામ અપડેટ સૌથી પહેલા મેળવવા માટે અમારી WhatsApp ચેનલ ફોલો કરો

Follow @vtvgujarati

ટૉપ સ્ટોરીઝ

સૌથી વધુ વંચાયેલું

આગાહી / ગુજરાતમાં પવનની દીશા બદલાતા ગરમીમાં રાહત, જાણો કેવું રહેશે 7 દિવસ વાતાવરણ

Team VTV 04:19 PM, 19 Apr 24

Wind direction changing in Gujarat, relief from heat, know how the environment will be for 7 days

હવામાન વિભાગે રાજ્યમાં આગામી 7 દિવસ વાતાવરણ સૂકું રહેવાની આગાહી કરી છે. સાથે જ પવન ની દીશા બદલાતા તાપમાનમાં ઘટાડો અને ગરમીથી રાહત મળવાની આગાહી કરી છે

હવામાન વિભાગે રાજ્યના વાતાવરણ અંગે આગાહી કરી છે. હવામાન વિભાગે રાજ્યમાં આગામી 7 દિવસ વાતાવરણ સૂકું રહેવાની આગાહી કરી છે. સાથે જ પવન ની દીશા બદલાતા તાપમાનમાં ઘટાડો અને ગરમીથી રાહત મળવાની આગાહી કરી છે. હવામાન વિભાગના જણાવ્યા પ્રમાણે રાજ્યમાં દક્ષિણ પશ્ચિમથી દક્ષિણની હવા ચાલી રહી છે. જેની આ અસર છે. તેમજ ગીર સોમનાથમાં ગત રોજ હીટવેવની સ્થિતિ જોવા મળી હતી. જ્યારે આજે સૌરાષ્ટ્ર અને કચ્છના દરિયા કિનારે ભેજ વાળા ગરમ પવનના કારણે અકળામણ અનુભવશે તેવી શકયતા વ્યક્ત કરે છે. ઉલ્લેખનીય છે કે અમદાવાદ સહિત મોટાભાગના શહેરોમાં તાપમાન 40 ડિગ્રી આસપાસ રહ્યું. તેમજ અમરેલીમાં 42 ડિગ્રી રહ્યું. જેમાં આંશિક ઘટાડો થતા લોકોને ગરમીમાં આંશિક રાહત મળશે.

લૂ લાગે તો આ સારવાર કરો

ભીના કપડાનો ઉપયોગ કરવો અથવા લૂ લાગી હોય તે વ્યક્તિના માથા પર પાણી રેડવું. શરીરમાં પાણીનું પ્રમાણ જળવાઈ રહે તે માટે ઓ.આર.એસ અથવા લીંબુ સરબત જેવું ઠંડુ પ્રવાહી આપવું. વ્યક્તીને તાત્કાલીક નજીકના સ્વાસ્થય કેન્દ્ર ઉપર લઇ જવા. જો શરીરનું તાપમાન એકધારુ વધતું હોય, માથાનો અસહ્ય દુખાવો હોય, ચક્કર આવતા હોય, નબળાઈ હોય, ઊલ્ટી થતી હોય કે બેભાન થઈ ગયો હોય તો તાત્કાલિક એમ્બ્યુલસ બોલાવવી.

આ પણ વાંચોઃ 42.2 ડિગ્રી સાથે અમરેલી બન્યું ગુજરાતનું હોટેસ્ટ સિટી, આજે પણ યલો એલર્ટ, જાણો લૂથી બચવાના ઉપાય

આટલું ન કરો

બપોરના સમયે તડકામાં જવાનું ટાળવું. ના છૂટકે બપોરના સમયે બહાર જવાનું થાય તો શ્રમ પડે તેવી પ્રવૃત્તિ ન કરવી. ખુલ્લા પગે બહાર ન જવું. આવા સમયે રસોઇ ન કરો, બને તો રસોઈ વહેલા કરી લેવી. રસોડામાં હવાની અવર-જવર માટે બારી અને બારણા ખુલ્લા રાખવા. શરીરમાંથી પાણીનું પ્રમાણ ઘટાડે તેવા પીણા જેમ કે શરાબ, ચા-કોફી, સોફ્ટ ડ્રિક્સ લેવાનું ટાળો. પ્રોટીનની વધુ માત્રા વાળા, મસાલેદાર, તળેલા, વધુ પડતા મીઠા વાળા આહારને ત્યજો. આ ઉપરાંત પાર્ક કરેલા વાહનમાં પાળતુ પ્રાણી કે બાળકોને એકલા ન રાખો. વધારે પડતી રોશની વાળા વિજળીના બલ્બનો ઉપયોગ ટાળો અને જરૂર ના હોય તો કોમ્પ્યુટર કે બીજા ઊપકરણને બંધ રાખો.

VTV Gujarati Newsની તમામ અપડેટ સૌથી પહેલા મેળવવા માટે અમારી WhatsApp ચેનલ ફોલો કરો

Follow @vtvgujarati

ટૉપ સ્ટોરીઝ

સૌથી વધુ વંચાયેલું

સિદ્ધિ / તક્ષ્વી વાઘાણી, જેનું સ્કેટિંગ જોઇ તમને આંખનો પલકારો મારવાનું મન નહીં થાય, ધરાવે છે ઈન્ડિયા બુક ઓફ રેકોર્ડમાં સ્થાન

Team VTV 03:33 PM, 19 Apr 24 | Updated: 03:50 PM, 19 Apr 24

| Takshvi Vaghani, whose skating you won't want to blink holds a place in the India Book of Records

હવે વાત કરવી છે એક એવી દીકરીની કે જેણે નાની ઉંમરમાં મોટી સિદ્ધિ હાંસલ કરી છે. આ કહાણી છે નાનપણમાં જ દુનિયાને પોતાની પ્રતિભાથી આંજી નાખનાર એક બાળકીની. આ દીકરી એવું સ્કેટિંગ કરે છે કે તમે આંખનો પલકારો મારવાનું પણ ભૂલી જાઓ. કોણ છે આ દીકરી અને શું છે તેની સિદ્ધિ આવો જાણીએ.

અમદાવાદની તક્ષ્વી વાઘાણી છે તો માત્ર 6 વર્ષની પરંતુ આ નાનકડી દીકરીએ નાની ઉંમરમાં સ્કેટિંગમાં જે માસ્ટરી મેળવી છે તે ભાગ્યેજ કોઈ કરી શકે. તક્ષ્વીને લિમ્બો સ્કેટિંગ કરતી જુઓ તો તમે વાહ બોલ્યા વિના ભાગ્યે જ રહી શકો. તે ચાર વર્ષની હતી ત્યારથી તેને સ્કેટિંગનો શોખ હતો અને આજે તે તેનો હુનર બની ગયો છે. લિમ્બો સ્કેટિંગમાં તક્ષ્વીએ એટલી કુશળતા મેળવી છે કે જાણે પાણી પર માછલીને તરતી જોઈ લો.

ગિનિસ બુકમાં સ્થાન મેળવવા માટે સબમિટ કરશે

તક્ષ્વીના રેકોર્ડની જો વાત કરીએ તો લિમ્બો સ્કેટિંગમાં તક્ષ્વીએ ઈન્ડિયા બુક ઓફ રેકોર્ડ, ઈન્ટરનેશનલ બુક ઓફ રેકોર્ડ અને ગોલ્ડન બુક ઓફ રેકોર્ડમાં સ્થાન મેળવ્યું છે. આ વાત તક્ષ્વીએ સાબિત કરી બતાવી કે ગમે તેવા કપરા ચઢાણ હોય પણ જો મનોબળ મજબૂત હોય તો કામયાબી અવશ્ય મળે છે. આજે તક્ષ્વીને અનેક પ્રયત્નો બાદ સફળતા મળી અને તે તેના ચહેરા પર સ્મિત થકી દેખાઈ આવે છે. તક્ષવીએ 16 સેમી હાઈટ નીચે 25 મીટર સુધી લોએસ્ટ લિમ્બો સ્કેટિંગ કર્યુ અને તેને ગિનિસ બુકમાં સ્થાન મેળવવા માટે સબમિટ કરશે.

તક્ષ્વી વાઘાણી મૂળ અમદાવાદની રહેવાસી

તક્ષ્વી વાઘાણી મૂળ અમદાવાદની રહેવાસી છે તેની ઉંમર માત્ર 6 વર્ષની છે અને તેના માતા પિતા ડેન્ટલ સર્જન છે. તક્ષ્વીની આ સિદ્ધિ પાછળ તેના માતા-પિતાનો પણ ખૂબ જ મહત્વનો ફાળો છે. કોરોનાકાળમાં દીકરીને રમત ગમત સાથે જોડવા સમાન્ય સ્કેટિંગ શરૂ કરાવ્યું. ત્યારબાદ તેને પ્રોફેશનલ એકેડમીમાં તાલીમ માટે મોકલવામાં આવી અને લિમ્બો સ્કેટિંગ ક્ષેત્રે તાલીમ શરૂ થઈ છે. જેમાં ખૂબ ઝડપી પ્રોગ્રેસ જોવા મળ્યો અને શરૂ થઈ તક્ષવી વાઘણીની સફળતાની શરૂઆત.

વધુ વાંચોઃ કરોડોના ખર્ચે સુરતના શાહ ગામે બ્રિજ તો બન્યો, પરંતુ મેટલ પાથરીને કોન્ટ્રાક્ટર ગાયબ થઇ જતા ગ્રામજનો અકળાયા

અતિશય ચેલેન્જિંગ અને મહેનત માગી લેતા લિમ્બો સ્કેટિંગમાં તક્ષવી ઘણી મહેનતથી આગળ વધી રહી છે અને અર્જુનની આંખની જેમ તેનો ગોલ સેટ છે, જે છે ઓલમ્પિક રમીને ગોલ્ડ મેડલ મેળવવો. ત્યારે તક્ષવી જલ્દી તેના ગોલ સુધી પહોંચે એ જ શુભેચ્છા.

VTV Gujarati Newsની તમામ અપડેટ સૌથી પહેલા મેળવવા માટે અમારી WhatsApp ચેનલ ફોલો કરો

Follow @vtvgujarati

ટૉપ સ્ટોરીઝ

સૌથી વધુ વંચાયેલું

લાલિયાવાડી / કરોડોના ખર્ચે સુરતના શાહ ગામે બ્રિજ તો બન્યો, પરંતુ મેટલ પાથરીને કોન્ટ્રાક્ટર ગાયબ થઇ જતા ગ્રામજનો અકળાયા

Team VTV 03:16 PM, 19 Apr 24

A bridge was built in Shah village of Surat at the cost of crores but the contractor is missing

સુરતના શાહ ગામ નજીક ગ્રામજનોની સુવિધા માટે કરોડોના ખર્ચે બ્રિજ તો બન્યો. પરંતુ આ જ બ્રિજ ગામલોકો માટે માથાના દુઃખાવા સમાન બન્યો છે. બ્રિજના કામમાં કોન્ટ્રાક્ટર દ્વારા વેઠ ઉતારવામાં આવી હોવાના આક્ષેપ થઈ રહ્યાં છે.

સુરતના કિમ-માંડવી સ્ટેટ હાઈવેને જોડતો તડકેશ્વર-મોસાલી રોડ કે જ્યાં શાહ ગામ નજીક લાખો રૂપિયાના ખર્ચે બ્રિજ બનાવવામાં આવ્યો છે. પરંતુ કોન્ટ્રાક્ટરની બેદરકારીથી ગ્રામજનો ત્રાહિમામ પોકારી ઉઠ્યા છે. શાહગામ નજીક આવેલી ખાડી પર વર્ષો પહેલા એક માર્ગીય રસ્તો હતો અને તેના પર લો-લેવલ બ્રિજ હતો. જેથી ગ્રામજનોની માગ હતી કે અહીં ઉંચો બ્રિજ બનાવવામાં આવે છે. ત્યાર બાદ બ્રિજ મંજૂર પણ થયો અને બની પણ ગયો. પરંતુ ગ્રામજનોને રાહત નથી મળી. કારણકે બ્રિજના કામમાં કોન્ટ્રાક્ટર દ્વારા વેઠ ઉતારવામાં આવી છે. બ્રિજના બંને છેડે ડામર પાથરવાને બદલે માત્ર મેટલ પાથરીને કોન્ટ્રાક્ટર ગાયબ થઈ ગયો છે. કોન્ટ્રાક્ટની આવી બેદરકારીનો ભોગ ગ્રામજનો બની રહ્યાં છે. કોન્ટ્રાક્ટરના આવા કામને લઈને ગ્રામજનોમાં ભારે રોષ ફેલાયો છે.

માર્ગ મકાન વિભાગનાં અધિકારીએ શું કહ્યું?
બાઈક સવાર કેવી રીતે પસાર થઇ રહ્યા હશે તે એક પ્રશ્ન છે. વાત એટલેથી નથી અટકતી. આ બ્રિજની નજીકથી જ હાઈટેન્શન વીજલાઈન પસાર થાય છે. ત્યારે બ્રિજ પરથી પસાર થતા ટ્રક અને બસ જેવા મોટા વાહનો તેની સાથે અથડાવાનો પણ ભય સતત રહે છે. ત્યારે જો કોઈ મોટી દુર્ઘટના થાય તો જવાબદાર કોણ તે પણ મોટો સવાલ છે. આ બાબતે જ્યારે માર્ગ અને મકાન વિભાગના અધિકારીને પૂછવામાં આવ્યું તો તેઓ શ્રમિકોના અભાવે કામ બંધ હોવાનું રટણ કરતા જોવા મળ્યા હતા.

વધુ વાંચોઃ બિસ્માર રોડ લોકો માટે બન્યો આફત, વાહન ક્યાં ચલાવવું એ મૂંઝવણ

વિકાસ કામો પાછળ કરોડો રૂપિયા વપરાય છે. પરંતુ આ વિકાસ કામો યોગ્ય થાય છે કે નહીં તે જોવાનો અધિકારીઓ કે નેતાઓ પાસે સમય નથી. એટલું જ નહીં કામમાં વેઠ ઉતારનાર એજન્સી સામે કોઈ કાર્યવાહી પણ થતી નથી. જેનું પરિણામ જનતાને ભોગવવું પડે છે. ત્યારે સુરતમાં પણ બ્રિજના કામમાં બેદરકારી દાખવનાર એજન્સી સામે ક્યારે કાર્યવાહી થશે અને ક્યારે ગ્રામજનોની સમસ્યાનો ઉકેલ આવશે તે જોવું રહ્યું.

VTV Gujarati Newsની તમામ અપડેટ સૌથી પહેલા મેળવવા માટે અમારી WhatsApp ચેનલ ફોલો કરો

Follow @vtvgujarati

ટૉપ સ્ટોરીઝ

સૌથી વધુ વંચાયેલું

લોકસભા ચૂંટણી 2024 / અમિત શાહ અને CR પાટિલ સહિત દિગ્ગજ નેતાઓએ ભર્યા ઉમેદવારી ફોર્મ, 7 મેએ થશે મતદાન

Team VTV 02:52 PM, 19 Apr 24

Veteran leaders including Amit Shah and CR Patil filled the nomination form

લોકસભા ચૂંટણીમાં ઉમેદવારી ફોર્મ ભરવાનો આજે છેલ્લો દિવસ હતો. ત્યારે આજે કેન્દ્રીય ગૃહમંત્રી, ભાજપ પ્રદેશ પ્રમુખ તેમજ રાજકોટ કોંગ્રેસનાં નેતાએ ઉમેદવારોએ પોતાનાં ટેકેદારો સાથે ઉમેદવારી ફોર્મ ભર્યું હતું.

કેન્દ્રીય ગૃહમંત્રી અને ગાંધીનગરથી લોકસભાના ઉમેદવાર અમિત શાહે ઉમેદવારી નોંધાવી હતી. ગાંધીનગર કલેક્ટર કચેરી ખાતે તેમણે 12:39 વાગ્યાના વિજય મૂહુર્તમાં ફોર્મ ભર્યું હતું. ફોર્મ ભર્યા બાદ તેમણે મીડિયા સાથેની વાતચીતમાં કહ્યું કે, હું નાના કાર્યકર્તાથી સાંસદ સુધી પહોંચ્યો છું. ગાંધીનગર લોકસભામાં 22 હજાર કરોડથી વધુના વિકાસ કામો થયા છે. મોદીજીએ દેશને સુરક્ષિત કર્યો છે. તેમણે વધુમાં કહ્યું કે આ મારા માટે ગૌરવની ક્ષણ છે. આ વખતની ચૂંટણી નરેન્દ્રભાઈને ત્રીજી વખત PM બનાવવાની ચૂંટણી છે. લોકસભા ચૂંટણીમાં ભાજપનો પ્રચંડ વિજય થશે.

3 વખત નવસારીના લોકોએ મને જીતાડ્યો છેઃ સી.આર.પાટીલ
નવસારી બેઠક પરથી ભાજપ પ્રદેશ પ્રમુખ સી.આર.પાટીલે ફોર્મ ભર્યું હતું. સી.આર.પાટીલે નવસારી લોકસભા બેઠક પરથી ઉમેદવારી નોંધાવી છે. ફોર્મ ભર્યા બાદ સી.આર.પાટીલે કહ્યું હતું કે, ત્રીજી વખત નવસારીનાં લોકોએ મને જીતાડ્યો છે.

વધુ વાંચોઃ ગૌણ સેવા પસંદગી મંડળની જૂનિયર-સિનિયર ક્લાર્કની પરીક્ષા સ્થગિત, ચૂંટણી બાદ જાહેર કરાશે નવી તારીખ

રાજકોટ બેઠક પર કોંગ્રેસના ઉમેદવાર પરેશ ધાનાણીએ ફોર્મ ભર્યુ
રાજકોટ બેઠક પર કોંગ્રેસનાં ઉમેદવાર પરેશ ધાનાણીએ ફોર્મ ભર્યું હતું. સોગંદનામામાં પરેશ ધાનાણીએ હાથ પરની રોકડ રૂા. 1,04,331 બતાવી હતી. 2022-23 માં 12,69,510 આવક થઈ હોવાનું દર્શાવ્યું હતું. પરેશ ધાનાણી પાસે 380 ગ્રામ સોનું હોવાનું દર્શાવ્યું હતું. પરેશ ધાનાણી પાસે માલિકીની કાર ન હોવાનો ઉલ્લેખ કર્યો હતો. પરેશ ધાનાણી પાસે જંગમ મિલકત અંદાજિત 84 લાખની દર્શાવી છે. તેમજ સ્થાવર મિલકત અંદાજિત 1.25 કરોડની હોવાનું દર્શાવ્યું છે.

Follow @vtvgujarati

ટૉપ સ્ટોરીઝ

સૌથી વધુ વંચાયેલું

BIG BREAKING / ગૌણ સેવા પસંદગી મંડળની જૂનિયર-સિનિયર ક્લાર્કની પરીક્ષા સ્થગિત, ચૂંટણી બાદ જાહેર કરાશે નવી તારીખ

Team VTV 02:20 PM, 19 Apr 24 | Updated: 02:34 PM, 19 Apr 24

Gujarat Subordinate Service Selection Board Junior-Senior Clerk Exam Postponed

ગૌણ સેવા પસંદગી મંડળ દ્વારા લેવામાં આવનાર જુનિયર તેમજ સિનિયર ક્લાર્કની પરીક્ષા સ્થગિત રાખવામાં આવી છે. નવી તારીખો ચૂંટણી બાદ જાહેર કરવામાં આવશે. તેવું જાણવા મળી રહ્યું છે.

ગુજરાત ગૌણ સેવા પસંદગી મંડળ, ગાંધીનગરની જાહેરાત ક્રમાંક: ૨૧૨/૨૦૨૩૨૪, ગુજરાત ગૌણ સેવા, વર્ગ-3 (ગ્રુપ-A તથા ગ્રુપ-B) ની પ્રથમ તબક્કાની સંયુક્ત સ્પર્ધાત્મક પરીક્ષા તા. ૦૧/૦૪/૨૦૨૪ ના રોજથી શરૂ કરવામાં આવેલ છે. મંડળ દ્વારા આયોજીત સદરહુ પરીક્ષા કાર્યક્રમની તા. ૨૦,૨૧,૨૭,૨૮ એપ્રિલ ૨૦૨૪ અને તા. ૦૪,૦૫ મે ૨૦૨૪ના રોજ રાખવામાં આવેલ તમામ શિફ્ટની પરીક્ષાઓ વહીવટી કારણોસર હાલ પુરતી મોકૂફ રાખવામાં આવે છે. તા. ૦૮/૦૫/૨૦૨૪ અને ૦૯/૦૫/૨૦૨૪ ના રોજનો પરીક્ષા કાર્યક્રમ યથાવત રાખવામાં આવેલ છે. મોકૂફ રાખવામાં આવેલી પરીક્ષાની નવી તારીખો ટૂંક સમયમાં પ્રસિધ્ધ કરવામાં આવશે. જેની સંબંધિત ઉમેદવારોએ નોંધ લેવા આથી જણાવવામાં આવે છે.

Follow @vtvgujarati

Search form

લોકસભા ચૂંટણી 2024 / ચૂંટણીમાં આવું થશે તો કર્મીઓને 15 લાખ સહાય આપશે સરકાર, પરિપત્ર જાહેર

આ પણ વાંચોઃ અમિત શાહ અને CR પાટિલ સહિત દિગ્ગજ નેતાઓએ ભર્યા ઉમેદવારી ફોર્મ, 7 મેએ થશે મતદાન

આગાહી / ગુજરાતમાં પવનની દીશા બદલાતા ગરમીમાં રાહત, જાણો કેવું રહેશે 7 દિવસ વાતાવરણ

આ પણ વાંચોઃ 42.2 ડિગ્રી સાથે અમરેલી બન્યું ગુજરાતનું હોટેસ્ટ સિટી, આજે પણ યલો એલર્ટ, જાણો લૂથી બચવાના ઉપાય

લોકસભા ચૂંટણી 2024 / અમિત શાહ અને CR પાટિલ સહિત દિગ્ગજ નેતાઓએ ભર્યા ઉમેદવારી ફોર્મ, 7 મેએ થશે મતદાન

BIG BREAKING / ગૌણ સેવા પસંદગી મંડળની જૂનિયર-સિનિયર ક્લાર્કની પરીક્ષા સ્થગિત, ચૂંટણી બાદ જાહેર કરાશે નવી તારીખ

VIDEO / બિસ્માર રોડ લોકો માટે બન્યો આફત, વાહન ક્યાં ચલાવવું એ મૂંઝવણ

VIDEO / આઝાદીના 75 વર્ષ બાદ પણ પ્રાથમિક સુવિધાઓનો અભાવ, પાણીના એક-એક ટીપા માટે તરસી રહ્યાં છે ગામ લોકો

તપાસ શરૂ / માત્ર પોરબંદર, જૂનાગઢ નહીં, હવે વલસાડમાં પણ ખનીજ માફિયાઓ બન્યા બેફામ, તપાસમાં થયા ચોંકાવનારા ખુલાસા

નિર્દેશ / RTE પ્રવેશને લઇ અમદાવાદ DEOનો મોટો નિર્ણય, તમામ ખાનગી શાળાઓને આપ્યો આ આદેશ, જાણો શું

Pages